newssting
BITING NEWS :
తెలంగాణ రాస్ట్రంలో అతి పెద్ద జాతర అయిన మేడారం తేదీలు ఖరారు ఫిబ్రవరి 7, 8 న భక్తులు తమ మొక్కులు చెల్లించుకోనున్నారు * ప్రపంచ రెజ్లింగ్‌ చాంపియన్‌షిప్‌ సెమీస్‌లో బజ్‌రంగ్‌ పూనియాకు నిరాశ వివాదాస్పదరీతిలో పరాజయం * చైనా ఓపెన్‌ క్వార్టర్‌ ఫైనల్లో సాయిప్రణీత్‌ సింధు సహా అంతా అవుట్‌ * కార్పొరేట్ పన్ను తగ్గింపు నిర్ణయం చరిత్రాత్మకం: మోదీ * స్టాక్‌మార్కెట్లో రికార్డు లాభాలు, సెన్సెక్స్‌ 1921, నిఫ్టీ 569 పాయింట్లు జంప్‌* మన్మోహన్ సింగ్ పాక్‌పై సైనిక చర్యకు ప్లాన్ వేశారు : బ్రిటన్ మాజీ ప్రధాని * ఇకపై మంత్రి హరీశ్‌రావుతో ఘర్షణ ఉండదన్న కాంగ్రెస్ ఎమ్మెల్యే జగ్గారెడ్డి * సచివాలయ ఉద్యోగాల పేరిట భారీ స్కాం.. ప్రశ్నపత్రాల లీకేజీపై చంద్రబాబు ట్వీట్ * ప్రధానమంత్రిని తిట్టడం దేశద్రోహం కిందికి రాదు: ఢిల్లీ పోలీసులు. * రామమందిరంపై సుప్రీం కోర్టు తీర్పును విశ్వసిద్దాం: నాసిక్‌ సభలో ప్రధాని నరేంద్రమోదీ *

మూడేళ్ల మజిలీ.. తరువాత జమిలి..?

24-06-201924-06-2019 06:57:15 IST
2019-06-24T01:27:15.692Z23-06-2019 2019-06-23T16:48:15.670Z - - 22-09-2019

మూడేళ్ల మజిలీ.. తరువాత జమిలి..?
facebooktwitterGooglewhatsappwhatsappGoogle
ఎన్నికల్లో ఊహించని ఫలితాలు, నాయకుడు దేశంలో లేని వేళ పార్టీకి చెందిన నలుగురు రాజ్యసభ సభ్యులు గోడ దూకి వైరి శిబిరంలోకి చేరిపోవడం.. వంటి వరుస విపరిణామాలతో నిర్ఘాంతపడి ఉన్న తెలుగుదేశం నేతలు కొద్దిగా తేరుకున్నట్టుగా కనిపిస్తున్నారు. లేచి నిలబడి ప్రత్యర్ధులపై ప్రతి విమర్శలకు దిగారు. ఐదేళ్లలో అంతులేని అవినీతి జరిగినట్టుగా ముఖ్యమంత్రి జగన్మోహన్‌రెడ్డి, సహచర మంత్రులు తమపై చేస్తున్న వ్యాఖ్యలను వారు పదునైన వాగ్బాణాలతో తిప్పికొట్టారు. కేంద్రంలోని మోడీ సర్కార్ ‘జమిలి’కి సిద్ధమవుతున్నట్టుగా వస్తున్న వార్తలు బహుశా వారికి సరికొత్త ప్రాణవాయువు అందించినట్టుగా భావించాలి. 

సహజంగానే ఏ రాజకీయ పార్టీకైనా ‘ఐదేళ్ల’ ఎదురుచూపులు ఎంతో కష్టతరమైన ప్రక్రియ. ఈ ఐదేళ్లూ అధికార పార్టీతో అనుక్షణం యుద్ధమే చేయాలి. ప్రతిపక్షంగా ప్రజల తరఫున ప్రతి ఒక్క అంశాన్నీ ప్రశ్నించాలి. ప్రభుత్వ వైఫల్యాలను నిశితంగా గమనించి నిరంతరం వాటిని ఎత్తిచూపాలి. అనేక పోరాటాలు చేసి అందరి దృష్టిలో పడాలి.

రాజకీయ వేడి రాజేసి రకరకాల ఆందోళనలతో రాష్ట్రాన్ని అట్టుడికించాలి. ఇలాచేస్తేనే అధికార పక్షంపై ఏ ప్రతిపక్షమైనా విజయం సాధించేది. ఇదంతా ఎంతో కష్టమైన ప్రహసనం. తెలుగుదేశం పార్టీకి ఈ విషయంలో కాస్త మెరుగైన ట్రాక్ రికార్డే ఉంది. ఆ పార్టీ వ్యవస్థాపకుడు ఎన్టీఆర్, ఆయన రాజకీయ వారసుడు చంద్రబాబు ‘అనేక యుద్ధముల ఆరితేరిన ఘనులు’. ఒక్క మాటలో చెప్పాలంటే అధికార పక్షంలో కంటే విపక్షంలో ఉన్నప్పుడే తెలుగుదేశం పార్టీ బాగా రాణిస్తుంది. ఎంతో క్రియాశీలకమైన, చైతన్యవంతమైన పాత్ర నిర్వర్తిస్తుంది. 

నిజానికి, ఐదేళ్ల పాటు ఇలా పోరాటాలు నడవాలంటే పార్టీకి అనేక వ్యయ ప్రయాసలు అనివార్యం. ‘ప్రయాస’ పడేందుకు పార్టీలోని అన్ని శ్రేణులూ సిద్దంగా ఉన్నా మరి ‘వ్యయం’ మాటేమిటి? అధికారానికి దూరమైన పార్టీకి ఈ ఆపద్కాలంలో ఆర్థికంగా ఆదుకుని తగిన ‘జవసత్వాలు’ కల్పించే బాధ్యతను ఎవరు తీసుకుంటారు? ‘పెట్టుబడిదారులు’ ఒక్కొక్కరూ ప్రత్యర్ధి శిబిరంలో చేరిపోతున్నారే? మరెలా? ఈ సందేహాలు టీడీపీ ద్వితీయ శ్రేణి నాయకుల్లో ముప్పిరిగొంటున్నాయి. కాకపోతే, కార్యకర్తలే తెలుగుదేశం పార్టీకి ఆది నుంచీ వెన్నుదన్నుగా ఉంటున్నారు. 

నాయకులు గోడదూకితే పార్టీ ఖాళీ అయిపోతుందని ఎవరైనా అనుకుంటే అది పొరబాటే అవుతుంది. అదే నిజమైతే, ఆ పార్టీ ఎప్పుడో అంతర్ధానమైపోయేది. గడచిన నాలుగు దశాబ్దాలలో ఆ పార్టీ ఎన్నో సంక్షోభాలను ఎదుర్కొంది. ఎంతటి సంక్లిష్ట పరిస్థితులు ఎదురైనా ఎదుర్కొని కడిగిన ముత్యంలా ఆ పార్టీ మళ్లీ మెరుస్తూ నిలబడింది. తమిళనాట ద్రవిడ పార్టీని చూసి స్ఫూర్తిని పొందిన తెలుగుదేశం పార్టీ స్థాపకుడు ఆనాడే బలమైన కేడర్‌తో పార్టీకి చెక్కుచెదరని పునాదులు వేశారు. అందుకే ఏ ఆపద ఎదురైనా కార్యకర్తలే సైనికులై పార్టీని కాపాడుకుంటూ వస్తున్నారు. 

ఇలావుంటే, రాష్ట్రంలో అధికారంలోకి వచ్చిన వైఎస్ఆర్ పార్టీ కేంద్రంతో ఎలా మెలిగి ఎలాంటి సంబంధాలు నెరపుతుందనే దానిపైనే ఆ పార్టీ భవితవ్యం ఆధారపడి వుంటుందని పరిశీలకుల అంచనా. దేశాన్నంతా కాషాయజెండా నీడలోకి తీసుకువచ్చి ఏకఛత్రాధిపత్యంగా ఏలాలనేది కేంద్రంలో పాలకుల ఎజెండాగా అందరూ అర్థం చేసుకుంటున్నారు.

దక్షిణాది రాష్ట్రాల్లో పట్టు పెంచుకునేందుకు మోడీ-అమిత్ షా గడచిన ఐదేళ్లలో వేయని ఎత్తు లేదు. పన్నని రాజకీయ వ్యూహాలు లేవు. ముఖ్యంగా ఆంధ్రప్రదేశ్‌ను కూడా తమ ఏలుబడిలోకి తీసుకురావాలన్నది వారి గట్టి ప్రయత్నమన్నది అందరికీ తెలిసిన సంగతే. కాగల కార్యాన్ని గంధర్వులు తీర్చారన్నట్టు మొన్నటి ఎన్నికల్లో తెలుగుదేశం పార్టీ చిత్తుగా ఓడిపోవడం వారికి కలిసొచ్చింది. 

అధికారంలోకి వచ్చిన వైఎస్ఆర్ పార్టీ తమకు సామంతులుగా ఉంటారనడంలో సందేహమే లేదు. కాకపోతే, ఇక్కడ కూడా అధికారంలోకి రావాలంటే ఏపీకి ప్రత్యేక హోదా ఇవ్వకతప్పని పరిస్థితి. అదివ్వకుండా రాష్ట్రంలో ఆ పార్టీ కాలుబెట్టలేదన్నది మొన్నటి సార్వత్రిక ఎన్నికలు చాటిన సర్వజనీన సత్యం. పోటీ చేసిన ప్రతి చోటా ఆ పార్టీ అభ్యర్ధులు ‘నోటా’తో పోటీ పడ్డారు. ప్రత్యేక హోదా ఇచ్చి ఇక్కడ కూడా అధికార పీఠం ఎక్కేందుకు ప్రయత్నిస్తుందా?

లేక సామంతుల పాలన కొన్నేళ్లు కొనసాగిస్తుందా? అసలు బీజేపీ నేతల అంతరంగంలో ఏముందనేది కొన్నాళ్లు ఎదురు చూడాలి. ఐతే, జమిలి ఎన్నికలు వస్తే మూడేళ్లలోనే అందుకు సిద్ధం కావాలని వినవస్తున్న వార్తలు అనూహ్యంగా రాష్ట్రంలో రాజకీయ వేడిని రాజేస్తున్నాయి. మూడేళ్లే కదా.. పోరాటాల్ని ఉధృతం చేయాలన్న కాంక్ష తెలుగుదేశం నేతల్లో కనిపిస్తోంది. ఈ మూడేళ్లలోనే ప్రజల మనసుల్లో చెరగని ముద్ర వేయాలన్న తపన అదే సమయంలో ఇటు జగన్‌మోహన్‌రెడ్డి ప్రభుత్వంలో వినిపిస్తోంది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle