newssting
BITING NEWS :
*శబరిమల వివాదంపై సుప్రీం తీర్పు.శబరిమల వివాదం విస్తృత ధర్మాసనానికి బదిలీ *రాఫెల్‌ డీల్‌ : కేంద్రానికి క్లీన్‌చిట్‌ .. రివ్యూ పిటిషన్లు కొట్టివేత *రాహుల్ గాంధీకి రిలీఫ్.. పరువునష్టం కేసుపై సుప్రీం తీర్పు *వైసీపీలో చేరనున్న తెలుగు యువత రాష్ట్ర అధ్యక్షుడు దేవినేని అవినాష్*ఆర్టీఐ పరిధిలోకి సీజేఐ ఆఫీస్.. సుప్రీం మరో సంచలన తీర్పు*ఏపీ కొత్త సీఎస్‌గా నీలం సహాని...నిన్న రాత్రి ఉత్తర్వులు జారీ చేసిన ఏపీ సర్కార్....ఇవాళ బాధ్యతలు స్వీకరించిన నీలం సహాని *ఇసుక కొరతపై చంద్రబాబు దీక్ష...12 గంటల పాటు దీక్షలో కూర్చున్న బాబు* ప్రకాశం జిల్లాలో సీఎం జగన్ పర్యటన...మనబడి నాడు - నేడు కార్యక్రమానికి శ్రీకారం*విశాఖ: బ్లూ ఫ్రాగ్ మొబైల్ టెక్నాలజీస్ సంస్థలో సీఐడీ సోదాలు.. మన శాండ్ ఆన్‌లైన్ ఇసుక సరఫరా వెబ్‌సైట్ హ్యాక్ చేసినట్టు అనుమానం*ఢిల్లీ: అయోధ్య ట్రస్ట్ ఏర్పాటుకు కేంద్ర ప్రభుత్వం కసరత్తు.. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం*ఆర్టీసీ సమ్మెపై విచారణను ఈనెల 18కి వాయిదా వేసిన హైకోర్ట్*అమరావతి: పెట్టుబడులు వెనక్కి వెళ్లిపోతున్నాయనడం కరెక్ట్ కాదు.. చంద్రబాబు, లోకేష్ తప్పుడు ప్రచారం చేస్తున్నారు: మంత్రి బొత్స

మూడు ముక్కలైన జగనన్న రైతు భరోసా రత్నం!

15-10-201915-10-2019 07:35:59 IST
Updated On 15-10-2019 12:06:10 ISTUpdated On 15-10-20192019-10-15T02:05:59.650Z15-10-2019 2019-10-15T02:05:33.658Z - 2019-10-15T06:36:10.012Z - 15-10-2019

మూడు ముక్కలైన జగనన్న రైతు భరోసా రత్నం!
facebooktwitterGooglewhatsappwhatsappGoogle
ఏపీ ముఖ్యమంత్రి జగన్మోహన్ రెడ్డి నవరత్నాలలో రైతు భరోసా కూడా ఓ రత్నం. రాష్ట్రంలోని ప్రతి రైతు కుటుంబానికి ఏటా 12 వేల 500 రూపాయలు నేరుగా బ్యాంకు ఖాతాలకు జమ చేస్తామని జగన్ ఎన్నికల ప్రచారంలో ఊరు.. వాడా తిరిగి ఫ్యాన్ తిప్పి మరీ చెప్పారు.

అధికారంలోకి వచ్చిన నాలుగు నెలలకే ఈ పథకం రూల్స్ అండ్ రేగులేషన్స్ సిద్ధం చేయాలని అధికారులను ఆదేశించారు. రిపోర్ట్ కూడా సిద్ధమైంది. వైఎస్ఆర్ రైతు భరోసాగా నామకరణం చేసి ఈనెల 15న నెల్లూరు సమీపంలోని కాకుటూరులో ఈ పథకాన్ని లాంఛనంగా ప్రారంభించనున్నారు.

అయితే ఎన్నికల ప్రచారంలో మాట తప్పను.. మడమ తిప్పాను అన్న జగన్ ప్రభుత్వంలోకి వచ్చాక మడమ వెనక్కు తిప్పలేదు కానీ పక్కకైతే తిప్పేశారు. ప్రతి రైతు కుటుంబానికి 12 వేల 500 ఇస్తామన్న జగన్ ఇప్పుడు కేంద్ర ప్రభుత్వం తెచ్చిన కిసాన్ పథకంను కలిపి రైతు భరోసాను ఇస్తున్నారు.

జగన్ సర్కార్ ఇచ్చే 12 వేల 500 రూపాయలలో ఆరువేల రూపాయలు కేంద్రం ఇస్తే మరో 6 వేల 500 రూపాయలు మాత్రమే ఇస్తుంది. ఒకవేళ కేంద్రం కిసాన్ పథకం అమలు చేయకపోయుంటే జగన్ సర్కార్ భరోసా పథకం సగమే ఇచ్చేదా?

పోనీలే ఏదోకటి వచ్చిందే జమ అన్నట్లుగా రైతులు కూడా 6 వేల 500కు సిద్దపడి ఉండగా రేపు పథకం ప్రారంభం అనగా ఈరోజు ఆ పథకాన్ని మూడు ముక్కలు చేసి ఇవ్వనున్నామని ప్రకటించడం మరో ట్విస్ట్.

ప్రతిఏడాది మేలో రూ.7500, రబీలో రూ.4,000, సంక్రాంతికి రూ.2వేలు ఇవ్వనున్నామన్నారు. అది కూడా రైతు సంఘాలు డిమాండ్ చేశారని అందుకే ముక్కలు చేశామన్నారు. అయితే మూడు ముక్కలైన పథకాన్ని మాయ చేయడానికి గాను ఏడాదికి 12 వేల 500 రూపాయల చొప్పున నాలుగు ఏళ్ళు ఇస్తామనగా ఇప్పుడు ఐదు ఏళ్ళు ఇస్తామని.. 12 వేల 500ను 13 వేల 500కు పెంచారు.

అయితే అసలు ఇలా మూడు ముక్కలు చేయడానికి కారణాలను విశ్లేషిస్తే కేంద్రం ఇచ్చే ఆరువేల కిసాన్ నిధుల కోసమే ఇలా ముక్కలు చేసినట్లుగా కనిపిస్తుంది. కేంద్ర కిసాన్ సొమ్ము కూడా మూడు విడతలుగా వస్తుంది. ఇప్పుడు ఆర్ధికంగా 12 వేల 500 రూపాయలు ఒకేసారి ఇవ్వడానికి రాష్ట్రం వద్ద నిధుల్లేవు.

తొలి విడత నిధులకే నానా అప్పులు చేసి 5 వేల కోట్లను పోగేశారు. అందుకే కేంద్ర నిధుల సమయంలోనే తమ నిధులను కలిపి విడుదల చేస్తే పథకం అమలవుతుంది.. తామే ఇచ్చినట్లుగా పేరు వస్తుంది. అనుకున్నదే తడవుగా ఇది రైతులే కోరినట్లుగా ప్రజలకు చెప్పాలి కనుక మరో పథకం సిద్ధమైంది.

రైతు ప్రతినిధుల పేరుతో కొంత మందిని వ్యవసాయ కమిషన్ సమీక్షకు ముందు సీఎం వద్దకు పంపారు. ప్రతినిధులు తమకు ఒకేసారి రూ.12,500 ఇస్తే ఖర్చు పెట్టేసుకుంటామని మూడు విడతలుగా ఇస్తే వ్యవసాయానికి వాడుకుంటామని చెప్పారు. అలా రైతులే డిమాండ్ చేశారని మంత్రులు ప్రకటించారు.

అయితే 12 వేల 500 రూపాయలు అది కూడా పంట వేసే సమయంలో ఇస్తామంటే ఏ రైతన్నా వద్దంటాడా? అన్నది ఆ రైతులకే తెలియాలి. మొత్తానికి భరోసా రత్నాన్ని అలా మూడు ముక్కలు చేశారు. దాన్ని కవర్ చేసేందుకు వెయ్యి పెంచారు. మీడియా కూడా రైతులకు శుభవార్తగా రాసేసుకుంది. అదే విచిత్రం!


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle