newssting
BITING NEWS :
*కాశ్మీర్ సమస్యకు త్వరలో పరిష్కారం: రక్షణ మంత్రి రాజ్ నాథ్ సింగ్ * అసోం, బిహార్‌ వరదల్లో 159కి చేరిన మరణాలు*ఢిల్లీ మాజీ సీఎం షీలా దీక్షిత్ ఆకస్మిక మృతికి పలువురి సంతాపం *చంద్రయాన్-2 ప్రయోగానికి కౌంట్ డౌన్ ...22న నింగిలోకి.. చంద్రయాన్‌–2*ఇవాళ సికింద్రాబాద్‌ ఉజ్జయిని మహాకాళి బోనాలు*తెలంగాణ సీఎం కేసీఆర్ కు జేపీ అభినందనలు.. కొత్త పురపాలక చట్టం వికేంద్రీకరణ దిశగా ముందడుగు అంటూ కితాబులు *ఆర్ టీ ఐ సవరణ బిల్లు స.హ చట్టానికి చావు దెబ్బ: మాజీ కమిషనర్ మాడభూషి శ్రీధరాచార్యులు

ముస్లిం ఓట్లు ఎవరికి? పార్టీల పరేషాన్

18-04-201918-04-2019 08:51:09 IST
2019-04-18T03:21:09.857Z18-04-2019 2019-04-18T03:20:58.257Z - - 22-07-2019

ముస్లిం ఓట్లు ఎవరికి? పార్టీల పరేషాన్
facebooktwitterGooglewhatsappwhatsappGoogle
ఇటీవల ముగిసిన ఏపీ ఎన్నిక‌ల్లో ముస్లింలు ఎవ‌రికి ఓటేశారు? అన్న దానిపై టీడీపీ, వైసీపీ పార్టీల నేత‌లు టెన్షన్ ప‌డుతున్నార‌ట‌. గ‌త ఎన్నిక‌ల్లో వైసీపీ వైపు మొగ్గు చూపిన ముస్లింలు, ఈసారి వైసీపీతో పాటు జ‌న‌సేన వైపు కొద్ది శాతం మ‌ళ్లిన‌ట్లు అనుమానాలు వ్యక్తం చేస్తున్నారు ఈ రెండు పార్టీల నేత‌లు. పోలింగ్ స‌ర‌ళిని ప‌రిశీలించిన టీడీపీ, వైసీపీ పెద్దలు, జ‌న‌సేన ఓట్ల చీలిక‌తో ఎవ‌రికి ఎస‌రు వ‌స్తుందో అర్థం కావ‌డం లేద‌ని చెబుతున్నార‌ట‌.

రాయలసీమ, కోస్తా జిల్లాల్లోనూ ముస్లిం ఓటర్లు గణనీయంగానే ఉన్నారు. కొన్ని నియోజ‌క‌వ‌ర్గాల్లో అభ్యర్థుల గెలుపు, ఓట‌ముల‌ను నిర్ణయించే స్థాయిలో ముస్లిం ఓట్ బ్యాంక్ ఉంది. బీజేపీ గుడ్ బై కొట్టిన త‌ర్వాత ముస్లింలు త‌మ‌వైపు ఉన్నార‌ని టీడీపీ భావిస్తోంది. ఇక షాదీ ముబార‌క్ ప‌థ‌కం ఈ ఎన్నిక‌ల్లో త‌మ‌కు క‌ల్సొచ్చే అంశంగా చెప్పుకుంటోంది. అయితే టీడీపీ పాల‌న‌లో ముస్లింల‌కు ఒరిగింది ఏమీ లేద‌నీ, ఉద్యోగాలు అడిగిన ముస్లిం యువ‌కుల‌పై దేశ‌ద్రోహం కేసులు పెట్టించిన చంద్రబాబు మీద ఆ వ‌ర్గం గుర్రుగా ఉంద‌ని వైసీపీ నేత‌లు చెబుతున్నారు. 

ఇక ముస్లిం మ‌త పెద్దలు, ఉలేమాలు నేరుగా వైసీపీకి మ‌ద్దతు ప‌లికిన విష‌యాన్ని గుర్తు చేస్తున్నారు. కానీ జ‌న‌సేన కొంత శాతం ఓట్లు చీలిక తేచ్చింద‌ని స్వయానా వైసీపీ నేత‌లే ఒప్పుకుంటున్నార‌ట‌. ప‌లుచోట్ల ముస్లింల‌కు టిక్కెట్లు కేటాయించ‌డంతో ఆ వ‌ర్గం జ‌న‌సేన‌కు కొద్దోగొప్పో ఓట్లను తీసుకెళ్లింద‌ని అంచ‌నా వేస్తున్నారు వైసీపీ నేత‌లు. ముఖ్యంగా రాయ‌ల‌సీమ‌లోని 10 నియోజ‌క‌వ‌ర్గాలు, నెల్లూరు, గుంటూరు,కృష్ణా జిల్లాల్లోని ముస్లింల ఓట్లలో ఈ చీలిక క‌నిపించింద‌ని టీడీపీ, వైసీపీ పెద్దలు ఒప్పుకుంటున్నార‌ట‌. అయితే త‌మ అభ్యర్ధులు విజ‌యావ‌కాశాల మీద ఇది ప్రభావం చూపించే స్థాయిలో లేదంటూనే, కాపు ఓట్ బ్యాంక్ కూడా తోడైతే ఇబ్బందిక‌ర అంశంగా భావిస్తున్నారు. 

అటు జ‌న‌సేన పార్టీ కూడా దాదాపు 20 నియోజ‌క వ‌ర్గాల్లో వైసీపీకి పోటీగా త‌మ‌కు ముస్లింల ఓట్లు ప‌డ్డాయ‌ని అంటున్నారు. దీంతో ఏ మేర‌కు ఓట్లు చీలాయి అన్నదే ఇప్పుడు వైసీపీ అభ్యర్ధుల‌ను టెన్షన్ పెడుతోంద‌ట‌. అందుకే పోలింగ్ బూత్, వార్డుల వారీగా ముస్లిం ఓట్ బ్యాంక్ ఎటు మొగ్గు చూపిందో ఆరా తీస్తున్నార‌ట‌. 

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle