newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

మునిగిన బ‌తుకులు : బోటు మున‌క‌కు క‌ళ్లు చెదిరే కార‌ణాలు..!

16-09-201916-09-2019 08:25:24 IST
2019-09-16T02:55:24.272Z16-09-2019 2019-09-16T02:55:01.495Z - - 28-09-2020

మునిగిన బ‌తుకులు :  బోటు మున‌క‌కు క‌ళ్లు చెదిరే కార‌ణాలు..!
facebooktwitterGooglewhatsappwhatsappGoogle
ఆహ్లాద గోదావ‌రి విషాద గోదావ‌రిగా మారిపోయింది. ప్ర‌కృతి అందాల‌ను చూసేందుకు వెళ్లిన వారు తిరిగిరాని లోకాల‌కు వెళ్లిపోయారు. కుటుంబ స‌భ్యుల‌తో క‌లిసి వెళ్లిన వారు కొంత మంది మాత్ర‌మే ఈ రోజు ప్రాణాల‌తో ఉన్నారు. మ‌రికొంత మంది జాడ‌లేదు. మ‌రికొంత మంది ప్రాణాలు కోల్పోయి విగ‌త‌జీవులుగా మిగిలారు. త‌ర‌చి.. త‌ర‌చి చూస్తే ప్ర‌తి ప్ర‌మాదం వెనుక ఏదో ఒక చోట నిర్ల‌క్ష్యం క‌నిపిస్తూనే ఉంటుంది. బాధ్యుత‌ల‌పై క‌ఠిన చ‌ర్య‌లు తీసుకుంటామ‌ని చెబుతున్న ప్ర‌భుత్వం మ‌రోవైపు స‌హాయ‌క చ‌ర్య‌లను కొన‌సాగిస్తోంది. కానీ త‌మ వారిని కోల్పోయిన కుటుంబ స‌భ్యులు మాత్రం గోదావ‌రి ఉబికేంత క‌న్నీటిని కారుస్తూ ఏడుస్తున్న దృశ్యాలు అంద‌ర్ని క‌ల‌చివేస్తున్నాయి.

గోదావ‌రి బోటు ప్ర‌మాదం ఎలా జరిగిందంటే..?

ప్ర‌కృతి విప‌త్తులు లేని ఏ ప్ర‌మాదాన్ని చూసినా అందులో నిర్ల‌క్ష్యం త‌ప్ప‌నిస‌రిగా క‌నిపిస్తుంటుంది. అలానే ఈ ప్ర‌మాదంలోనూ ప‌ది కార‌ణాలు ఉన్న‌ట్టు తెలుస్తుంది. బోటులో మూడు ఇంజ‌న్‌లు ఉండాల్సిన చోట ఒకే ఇంజ‌న్ ఉండ‌టం గ‌మ‌నార్హం. అలాగే లాంచ్ మునిగే స‌మ‌యంలో అంద‌రూ లైవ్ జాకెట్‌లు వేసుకుని ఉండ‌లేదు. ఇక అక్క‌డ 5.4ల‌క్ష‌ల క్యూసెక్కుల నీటి ప్ర‌వాహం ఉంది. ఈ నీటి ప్ర‌వాహ ఉధృతి చాలా ఎక్కువ‌గా ఉంది.

అంతేగాక ప్ర‌మాద స‌మ‌యంలో బోటులో క‌ల్చ‌ర‌ల్ ప్రోగ్రామ్స్ జ‌రిగిన‌ట్టు తెలుస్తుంది. అదే స‌మ‌యంలో ప్ర‌మాదం జ‌రిగితే తొక్కిస‌లాట‌కు దారితీసే అవ‌కాశం ఉంటుంద‌ని ప‌లువురు అభిప్రాయ‌ప‌డుతున్నారు.

బోటు మునిగిన ప్రాంతంలో లోతు ఎక్కువ‌గా ఉండ‌టంతోపాటు ప్ర‌మాద స‌మ‌యంలో నీటి ఉధృతి కార‌ణంగా సుడులు వచ్చే అవ‌కాశం ఉన్న‌ట్టు  సంబంధిత నిపుణులు చెబుతున్నారు. వ‌ర‌ద ఉధృతిపై అవ‌గాహ‌న లేకుండా బోటును న‌దిలోకి పంప‌డం ప్ర‌మాదానికి కార‌ణంగా ప‌లువురు చెబుతున్నారు.

వర‌ద‌లు, వ‌ర్షాలు సంభ‌వించి నీటి ప్ర‌వాహం అధిక స్థాయిలో ఉన్నా బోటు ప్ర‌యాణం చేయ‌డం స‌రైన నిర్ణ‌యం కాద‌న్న అభిప్రాయాన్ని నిపుణులు వెల్ల‌డిస్తున్నారు. అలాగే లాంచీల ప్ర‌యాణంపై నిఘా కొర‌వ‌డ‌టం కూడా ప్ర‌మాదానికి కార‌ణంగా వారు చెప్పుకొస్తున్నారు. ఇదే స‌మ‌యంలో న‌దిప‌రివాహక ప్రాంతంపై ఎటువంటి అవ‌గాహ‌న లేని స్థానికేత‌రులకు బోటును న‌డిపే అవ‌కాశం ఇవ్వ‌డాన్ని మ‌రికొంద‌రు త‌ప్పుబ‌డుతున్నారు.

మొత్తానికి గోదావ‌రిలో ప‌డ‌వ మున‌క ఇరు తెలుగు రాష్ట్రాల్లో విషాదాన్ని మిగిల్చింది. తెలుగు రాష్ట్రాల‌కు సంబంధించిన ప‌ర్యాట‌కులు ఈ ఘ‌ట‌న‌లో మృత్యువాత‌ప‌డ్డారు. ఇటు వ‌రంగ‌ల్‌, హైద‌రాబాద్ నుంచి అటు విశాఖ‌, తిరుప‌తికి చెందిన ప‌ర్యాట‌కులు గ‌ల్లైంత‌న వారు ఎక్కువ సంఖ్య‌లో ఉన్న‌ట్టు తెలుస్తుంది.

నీ బిడ్డ‌కు ఏం తెమ్మంటావ‌మ్మా..!

గోదావ‌రిలో ప‌డ‌వ మున‌క సంఘ‌ట‌న‌లో వ‌రంగ‌ల్ అర్బ‌న్ జిల్లా క‌డిపికొండ‌కు చెందిన 14 మంది పాపికొండ‌ల విహార‌యాత్ర‌కు వెళ్ల‌గా, అందులో తొమ్మిది మంది గ‌ల్లంతైన‌ట్టు అధికారులు ధృవీక‌రించారు. దీంతో క‌డిపికొండ గ్రామ‌మంతా విషాద‌చాయ‌లు అలుముకున్నాయి. ఈ ఒక్క గ్రామానికి చెందిన తొమ్మిది మంత్రి గోదావ‌రిలో గ‌ల్లైంత‌న నేప‌థ్యంలో కుటుంబ స‌భ్యులంతా క‌న్నీరు మున్నీరుగా విల‌పిస్తున్నారు. గ‌ల్లైంత‌న‌ క‌డిపికొండ‌కు చెందిన రాజేంద‌ర్ అనే వ్య‌క్తి కుమార్తె మీడియాతో మాట్లాడుతూ శుక్ర‌వారం రాత్రి త‌న తండ్రితో మాట్లాడాన‌ని, రైల్వే స్టేష‌న్ నుంచి త‌న తండ్రి ఫోన్ చేసి నీ బిడ్డ‌కు ఏం తెమ్మంటావ‌మ్మా అని అడిగాడ‌ని తెలిపింది. ఎక్క‌డ‌కెళ్తున్నావ్‌.. నాయ‌నా.. అని అడ‌గ్గా పాపికొండ‌ల‌ను చూసొస్తా.. మ‌నోళ్ల‌మంద‌రం క‌లిసి పోతున్నామ‌ని చెప్పాడ‌ని, ఆ త‌రువాత మ‌ళ్లీ ఫోన్ చేస్తే క‌ల‌వ‌లేద‌ని మీడియాకు తెలిపింది.

కుటుంబంలో ఒక్క‌డే మిగిలాడు..!

హైద‌రాబాద్ నుంచి మొత్తం 22 మంది పాపి కొండ‌ల‌కు విహార యాత్ర‌కు వెళ్లారు. ఉప్ప‌ల్‌కు చెందిన జాన‌కి రామారావు మిన‌హా మిగిలిన ఐదుగురు మృత్యువాత ప‌డ్డారు. దీంతో జాన‌కి రామారావు ప్ర‌మాదాన్ని గుర్తుకు తెచ్చుకుని మ‌రీ క‌న్నీరు మున్నీర‌వుతున్నారు. రిటైర్డ్ ఉద్యోగి అయిన జాన‌కి రామారావు త‌న కుటుంబ స‌భ్యుల‌తో క‌లిసి పాపికొండ‌ల విహార యాత్ర‌కు వెళ్లారు. చివ‌ర‌కు ఒంట‌రిగా మిగిలిపోయారు.

ప్లాస్టిక్ కుర్చీలే ప్ర‌మాదానికి కార‌ణం..!

గోదావ‌రి బోటు ప్ర‌మాదానికి సంబంధించి వ‌రంగ‌ల్ నుంచి వ‌చ్చిన ఓ టూరిస్ట్  మాట్లాడారు. ఆయ‌న మాట‌ల్లో.. ప‌డ‌వ మునిగిన స్పాట్‌కు ఐదు నిమిషాల ముందు అంద‌ర్ని ప‌డ‌వ ఎక్క‌మ‌న్నారు. పైన ప్లాస్లిక్ కుర్చీలు వేసి బ్యాలెన్స్‌గా కూర్చోమ‌న్నారు. స‌రిగ్గా ప‌డ‌వ మునిగిన స్పాట్‌కు వ‌చ్చిన త‌రువాత చిన్న జ‌ర్క్ ఇచ్చింది. వ‌ర‌ద ఉధృతి ఎక్కువ‌గా ఉండ‌టంతో ప‌డ‌వ ఒక్క‌సారిగా వ‌ణికింది. దాంతో లెఫ్ట్ సైడ్ ప్లాస్టిక్ కుర్చీల మీద కూర్చున్న‌వారందరూ వ‌చ్చి లెఫ్ట్ సైడ్ వారిపై ప‌డ‌టంతో బోటు ఒక్క‌సారిగా ఉల్టా తిరిగింది. అలా అంద‌రూ న‌దిలో ప‌డిపోయాము. నాకు ఈత రావ‌డంతో ప్రాణాల‌ను కాపాడుకోవ‌డంత‌పాటు స‌మీపంలోని వారంద‌రికీ లైవ్ జాకెట్‌లు ఇచ్చా. కొద్దిసేప‌టికే మా ఆర్త‌నాదాలు విన్న క‌చ్చులూరు గ్రామస్తులు రెండు బోట్ల‌లో వ‌చ్చి మ‌రికొంద‌రిని కాపాడ‌గ‌లిగారు.

మామ అస్థిక‌లు క‌ల‌ప‌డానికి వ‌చ్చి..!

తిరుప‌తి నుంచి వ‌చ్చిన ఓ మ‌హిళా టూరిస్టు .. గోదావ‌రి బోటు ప్ర‌మాదంలో నా పాప‌ను, భ‌ర్త‌ను కోల్పోయా. బోటు పాపికొండ‌ల‌కు బ‌య‌ల్దేరే ముందు పోలీసులు, అధికారులు వ‌చ్చి అన్నీ చెక్ చేసుకుని టూరిస్టుల ఫోటోల‌ను కూడా తీసుకెళ్లారు. కానీ వ‌రద ఉధృతి ఎక్కువ‌గా ఉంది. వెళ్లొద్ద‌ని ఏ అధికారి చెప్ప‌లేదు. వారు చెప్పి ఉంటే అప్పుడే ప‌డ‌వ దిగేసేవార‌ము. మామ‌గారి అస్థిక‌లు గోదారిలో క‌లిపేందుకు రాజమండ్రి వ‌చ్చాము.

ప్ర‌భుత్వ వైఫ‌ల్య‌మే కార‌ణం..!

గోదావ‌రిలో బోటు మున‌క సంఘ‌ట‌న‌పై టీడీపీ నేత జ్యోతుల నెహ్రూ మీడియాతో మాట్లాడారు. ప్ర‌మాదానికి గురైన బోటుకు ప‌ర్మీష‌న్ లేదని అధికారులు చెబుతున్నార‌న్నారు. అలాగే ప్ర‌భుత్వ లోపం కూడా గోదావ‌రిలో బోటు మున‌క‌కు కార‌ణ‌మ‌ని జ్యోతుల నెహ్రూ చెప్పుకొచ్చారు. ప్ర‌భుత్వ అజమాయిషీ లేన‌టువంటి కార‌ణంగానే ప‌ర్మీష‌న్ లేన‌టువంటి బోట్లు గోదావ‌రిలో తిరుతున్నాయ‌న్నారు. 5 ల‌క్ష‌ల క్యూసెక్కుల వ‌ర‌ద నీరు వ‌స్తున్న ప‌రిస్థితుల్లో పాపికొండ‌ల‌వైపు బోట్లు తిరిగేందుకు అనుమ‌తులు ఇవ్వ‌డ‌మ‌న్న‌ది ప్ర‌భుత్వ వైఫ‌ల్యంగానే తాము భావిస్తున్న‌ట్టు జ్యోతుల నెహ్రూ చెప్పారు.

ఏపీ టూరిజానికి మాయ‌ని మ‌చ్చ‌..!

గోదావ‌రిలో బోటు మున‌క‌పై మాజీ హోంమంత్రి చిన‌రాజ‌ప్ప స్పందించారు. వ‌ర‌ద స‌మ‌యంలో ఇటువంటి సంఘ‌ట‌న‌లు జ‌ర‌గ‌డం దుర‌దృష్ట‌క‌ర‌మ‌న్నారు. మొత్తం మీద బోటులో 75 మంది ఉన్న‌ట్టు అంచ‌నా వేస్తున్నా.. ఇప్ప‌టి వ‌ర‌కు ఎంత మంది బ‌య‌ట‌కు వ‌చ్చారు..?  ఇంకా ఎంత మంది గ‌ల్లంత‌య్యారు..? అన్న ప్ర‌శ్న‌ల‌కు ఇంకా అధికారుల నుంచి స‌మాధానం లేద‌న్నారు. అలాగే వ‌ర‌ద స‌మ‌యంలో లాంచ్‌ను ఆప‌రేట్ చేయ‌డానికి గ‌ల కార‌ణాల‌పై ఆరా తీయాల్సిన బాధ్య‌త ప్ర‌భుత్వంపై ఉంద‌ని చిన‌రాజ‌ప్ప అన్నారు. ఏపీ టూరిజానికి ఈ దుర‌దృష్ట‌క‌ర సంఘ‌ట‌న మాయ‌ని మ‌చ్చ‌లా ఉండిపోతుంద‌ని, ఇక‌పై ఏపీలోని ప‌ర్యాట‌క ప్రాంతాల్లో పూర్తి స్థాయి భ‌ద్ర‌తా చ‌ర్య‌లు ఉండేలా చ‌ర్య‌లు తీసుకోవాల‌న్నారు.

ఇదిలా ఉండ‌గా, గోదావ‌రిలో ప‌డ‌వ ప్ర‌మాదానికి సంబంధించి మృతుల కుటుంబాల‌కు ఏపీ ప్ర‌భుత్వం ఎక్స్‌గ్రేషియో ప్ర‌క‌టించింది. ఘ‌ట‌న‌పై తీవ్ర దిగ్భ్రాంతి వ్య‌క్తం చేసిన సీఎం జ‌గ‌న్ వివ‌రాల‌పై అధికారుల‌ను ఆరా తీశారు. మృతుల కుటుంబాల‌కు రూ.10 ల‌క్ష‌ల చొప్పున ప‌రిహారం చెల్లించాల‌ని అధికారుల‌ను సీఎం జ‌గ‌న్ ఆదేశించారు. స‌హాయ‌క చ‌ర్య‌ల‌ను ముమ్మ‌రం చేయాలని చెప్పిన జ‌గ‌న్ ఈ రోజు బోటు ప్ర‌మాద స్థ‌లిని ప‌రిశీలించ‌నున్నారు. 

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   8 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   8 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   9 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   10 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   10 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   11 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   11 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   12 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   13 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   14 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle