newssting
BITING NEWS :
*శాసన మండలిలో మళ్ళీ గందరగోళం...కొనసాగుతోన్న మూడు రాజధానుల రగడ..రూల్‌ 71పై చర్చకు అనుమతించిన మండలి ఛైర్మన్‌..అభ్యంతరం వ్యక్తం చేసి నినాదాలు చేస్తున్న వైసీపీ సభ్యులు *మండలి ఛైర్మన్ ఛైర్ వద్దకు వెళ్లిన పీడీఎఫ్, టీడీపీ ఎమ్మెల్సీలు..వాయిదా పడ్డాక మండలి ఛైర్మనుతో మంత్రుల భేటీ*ఐదోసారి శాసన మండలి వాయిదా..మండలి వద్ద భారీగా మార్షల్స్ మొహరింపు..మండలి ఛైర్మన్ వద్దకు వచ్చి ఆయనతో మాట్లాడిన బుద్దా వెంకన్న*ఎంపీ గల్లా జయదేవ్ కి బెయిల్ మంజూరు..బెయిల్ మంజూరు చేసిన మంగళగిరి సెషన్స్ కోర్టు..గుంటూరు సబ్ జైలు నుండి విడుదలైన ఎంపీ, పోలీసుల తీరు సరిగా లేదన్న గల్లా *ఫ్యాక్షన్ తరహా పాలన చేయాలని వైసీపీ చూస్తోంది.. వైసీపీ నిర్ణయాలు వాళ్ల వినాశనం కోసమే.. ఇకపై ఏపీలో వైసీపీకి అధికారం అనేదే ఉండదు..వైసీపీ ప్రభుత్వాన్ని కూల్చేవరకు నిద్రపోను-పవన్ కల్యాణ్‌*నాకు రాజకీయాలను ఆపాదించవద్దు... నిబంధనల ప్రకారమే వ్యవహరిస్తున్నాను-మండలి ఛైర్మన్ షరీఫ్*నిర్ణయాన్ని మార్చుకున్న వైసీపీ సర్కార్... విజయవాడలోనే రిపబ్లిక్ డే*అమరావతి: ఎస్సీ కమిషన్ బిల్లుపై చర్చలో గందరగోళం.. చర్చకు అడ్డుతగిలిన టీడీపీ సభ్యులు... జై అమరావతి అంటూ టీడీపీ సభ్యుల నినాదాలు.. టీడీపీ సభ్యులపై తీవ్ర ఆగ్రహం.. సభ నుంచి వెళ్లిపోయిన స్పీకర్ *వికేంద్రీకరణ, సీఆర్డీఏ రద్దు బిల్లుకు ఏపీ శాసనసభ ఆమోదం.. ఏపీకి ఇక నుంచి మూడు రాజధానులు.. విశాఖ ఎగ్జిక్యూటివ్ క్యాపిటల్, అమరావతి లేజిస్లేటివ్ క్యాపిటల్, కర్నూలులో జ్యూడీషియల్ క్యాపిటల్‌కు సభ ఆమోదం

మీరూ చేసుకోండి స్వామీ మూడు పెళ్ళిళ్లు... జగన్‌పై పవన్ సెటైర్

13-11-201913-11-2019 16:07:16 IST
2019-11-13T10:37:16.619Z13-11-2019 2019-11-13T10:37:06.816Z - - 22-01-2020

మీరూ చేసుకోండి స్వామీ మూడు పెళ్ళిళ్లు... జగన్‌పై పవన్ సెటైర్
facebooktwitterGooglewhatsappwhatsappGoogle
నేను ప్రభుత్వ పాలసీలపై విమర్శించినప్పుడల్లా నా మూడు పెళ్లిళ్ల గురించి ప్రస్తావిస్తూ తిరుగు దాడి చేస్తున్నారు.. మీరు కూడా చేసుకోండి మూడు పెళ్లిళ్లు.. ఎవరు ఆపుతున్నారు మిమ్మల్ని అంటూ జనసేనాధిపతి పవన్ కల్యాణ్ ముఖ్యమంత్రి వైఎస్ జగన్ మోహన్ రెడ్డిపై సెటైర్ వేశారు. తన వివాహ జీవితంపై సీఎం జగన్ చేసిన వ్యక్తిగత వ్యాఖ్యలపై పవన్ కల్యాణ్ మండిపడ్డారు. అయితే ఇలాంటి మురికి రాజకీయాలను చేయడం ఆపాలంటూ వైఎస్సార్ సీపీని కోరతూనే అదేసమయంలో జగన్‌ని వెక్కిరిస్తూ పవన్ వ్యాఖ్యానించడం గమనార్హం.

ప్రభుత్వ పాఠశాలల్లో ఇంగ్లీషును బోధనా మాధ్యమంగా చేయాలంటూ తన ప్రభుత్వం జారీచేసిన ఆదేశాన్ని ఏపీలోని రాజకీయ పార్టీల నేతలందరూ వ్యతిరేకించడంపై ముఖ్యమంత్రి జగన్ ధ్వజమెత్తారు. ఈ క్రమంలో సినీనటుడు, జనసేన అధినేత పవన్ కల్యాణ్‌పై వ్యక్తిగత విమర్శలతో దాడి చేశారు. సినీ నటుడు పవన్ కల్యాణ్‌ని ప్రశ్నిస్తున్నాను. నీకు ముగ్గురు భార్యలున్నారు బహుశా నలుగురో అయిదుగురో పిల్లలుంటారు. నీ పిల్లలకు ఏ మీడియంలో చదువు చెప్పిస్తున్నావు అని అడగుతున్నాను... అని జగన్ వ్యక్తిగత వ్యాఖ్యలు చేశారు.

ముఖ్యమంత్రి వ్యాఖ్యలకు  మంగళవారం విజయవాడలో జరిగిన బహిరంగ సభలో పవన్ స్పందించారు. నేను విమర్శించిన ప్రతిసారీ, నా మూడు పెళ్లిళ్ల గురించి ప్రస్తావిస్తూ ప్రతిదాడి చేస్తున్నారు. మీరు  కూడా పెళ్లిళ్లు చేసుకోవచ్చు. మిమ్మల్ని ఇక్కడ ఆపుతున్నదెవరు?  వివాహ జీవితం నాకు పనిచేయలేదు కాబట్టే మళ్లీ పెళ్లి చేసుకోవాల్సి వచ్చింది. నేను మళ్లీ పెళ్లి చేసుకుంటే మీరెందుకు అంత అసంతృప్తి చెందుతున్నారు అని పవన్ ఎదురు ప్రశ్నించారు.

అయినా నేను మూడుసార్లు పెళ్లి చేసుకుంటేనే మీరు రెండేళ్లు జైల్లో గడిపారా అని పవన్ వ్యంగ్యం ప్రదర్శించారు. దయచేసి సభ్యతగా మాట్లాడండి అంటూ జగన్‌ని కోరారు. తాను, తన పార్టీ ఎన్నడూ ప్రభుత్వ విధాన నిర్ణయాలపైనే విమర్శ చేస్తూ వచ్చాం, దానికి ఆరోగ్యకరమైన విమర్శలు మాత్రమే ఆశిస్తున్నామని పవన్ చెప్పారు.

అదే సమయంలో ప్రభుత్వ పాఠశాలల్లో ఇంగ్లీషును బోధనా మాధ్యమంగా చేస్తుండటంపై తన వ్యతిరేకతకు వివరణ ఇచ్చేందుకు పవన్ ప్రయత్నించారు. అంతర్జాతీయ భాషగా ఇంగ్లీషును ఎవరూ వ్యతిరేకించలేదు. కానీ దాని అమలులో తగిన పద్ధతిని పాటించాలి అని పవన్ చెప్పారు.

ఇసుక విధానంలో సవరణ విఫలమైందని, అనేక మంది ఉపాధి కోల్పోయి చనిపోతున్నారని  పవన్ విమర్శించారు. ఇసుకవిధానంలో సవరణ కారణంగా గత నాలుగు నెలల్లో రాష్ట్రంలో పరిస్థితి భయానకంగా మారింది. టీచర్లకు శిక్షణ ఇవ్వకుండా, ఇంగ్లీషు నైపుణ్యాలను నేర్చించకుండా ప్రభుత్వం ఉన్నట్లుండి ఇంత భారీ మార్పుకు ఎలా పూనుకుంటుంది అని పవన్ ప్రశ్నించారు.

ఇరుపక్షాల నుంచి విమర్శలు ఇలా సాగుతుండగా పవన్ కల్యాణ్ తన కుమారుడు చదువుతున్న ఓక్రిడ్జ్ ఇంటర్నేషనల్ స్కూల్‌ని ప్రమోట్ చేస్తున్న వీడియోను వైకాపా మద్దతుదారులు షేర్ చేశారు. ఇది మరొక వివాదానికి కారణమవుతుందేమో చూడాలి.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle