newssting
BITING NEWS :
*దిశ చట్టం తెచ్చినందుకు ఏపీ సీఎం జగన్‌కు అభినందనలు తెలిపిన ప్రత్యుష తల్లి సరోజినిదేవి *ఏపీ సచివాలయ ఉద్యోగుల సంఘం అధ్యక్షుడిగా వెంకట్రామిరెడ్డి ఏకగ్రీవ ఎన్నిక *ఎన్‌కౌంటర్‌లో మరణించిన నలుగురు దిశ నిందితుల మృతదేహాల్ని భద్ర పర్చాలని రాష్ట్ర ప్రభుత్వానికి హైకోర్టు ఆదేశం * కాంగ్రెస్‌ ‘భారత్‌ బచావో’ ర్యాలీ* ప్రపంచంలోనే అత్యంత శక్తివంతమైన మహిళల జాబితా విడుదల....ఫోర్బ్స్‌ జాబితాలో నిర్మలాసీతారామన్‌*బ్రిటన్‌ ఎన్నికల్లో కన్జర్వేటివ్‌ పార్టీ ఘన విజయం*భారత పేసర్‌ భువనేశ్వర్‌ కుమార్‌కు గాయం. వెస్టిండీస్‌తో జరిగే మూడు వన్డే సిరీస్‌లకు దూరం * టి20 క్రికెట్‌లోకి వెస్టిండీస్‌ ఆల్‌రౌండర్‌ డ్వేన్‌ బ్రేవో

మీడియా మేనేజర్లు వేస్ట్... సోషల్ మీడియానే బెస్ట్: వైఎస్ జగన్

13-11-201913-11-2019 12:18:08 IST
2019-11-13T06:48:08.361Z13-11-2019 2019-11-13T06:47:56.371Z - - 15-12-2019

మీడియా మేనేజర్లు వేస్ట్... సోషల్ మీడియానే బెస్ట్: వైఎస్ జగన్
facebooktwitterGooglewhatsappwhatsappGoogle
ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డికి ఒక విషయంలో స్పష్టత వచ్చేసినట్లు ఉంది. వివిధ విధాన నిర్ణయాలపై ప్రభుత్వంపై ప్రతిపక్షాలు చేస్తున్న దాడిని ఖండించడంలో తన మీడియా మేనేజర్లు విఫలమవుతుండటం పట్ల జగన్ ఏమాత్రం సంతృప్తికరంగా లేరని ఫీలవుతున్నారని సమాచారం. ముఖ్యమంత్రి కార్యాలయంలోని ప్రచార విభాగం ప్రభుత్వం చేపడుతున్న వివిధ విధాన నిర్ణయాలకు సంబంధించిన సమాచారాన్ని మీడియాకు తెలియపరుస్తూనే ఉంది. ఇక మంత్రులు, వైకాపా అధికార ప్రతినిధులూ క్రమం తప్పకుండా ప్రెస్ కాన్పరెన్సులు నిర్వహిస్తూ ప్రతిపక్షాల విమర్శలకు ప్రతి దాడి చేస్తూనే ఉన్నారు.

అయినప్పటికీ తన సొంత మీడియా అయిన సాక్షి ని మినహాయిస్తే  ప్రభుత్వ వెర్షన్, పార్టీ వెర్షన్ ప్రజలకు సమర్థంగా చేరడం లేదని జగన్ భావిస్తున్నారు. ప్రతిపక్ష నేతల ప్రకటనలకు, వ్యాఖ్యలకు మీడియాలో పెద్దగా ప్రచారం జరుగుతోందని కానీ ప్రభుత్వం వైపునుంచి సకాలంలో ప్రతి దాడి చేయలేకపోవడం వల్ల వెనుకబడుతున్నామని జగన్ అభిప్రాయపడుతున్నారని తెలిసింది.

ఉదాహరణకు తాడేపల్లిలోని జగన్ అధికార నివాసానికి రూ. 15.65 కోట్ల ధనాన్ని రాష్ట్ర ప్రభుత్వం ఖర్చుపెట్టిందని తెలుగుదేశం పార్టీ అధినేత చంద్రబాబు నాయుడు చేసిన ట్వీట్‌కు జాతీయ మీడియాలో పెద్దగా కవరేజ్ వచ్చిందని సీఎం దృష్టికి వచ్చింది. అలాగే తన ఇంటికి వెళ్లే రోడ్డు విస్తరణ పనులకు కూడా కోట్లు ఖర్చుపెట్టినట్లు ప్రచారం జరగడంతో జగన్ ఖిన్నులయ్యారని సమాచారం.

అందుకని మీడీయా మేనేజర్లను నమ్ముకోవడం కంటే సోషల్ మీడియాను, ప్రభుత్వ డిజిటల్ మీడియాను బలోపేతం చేయడం మంచిదని, అప్పుడే ప్రతిపక్షాల విమర్శలను కౌంటర్ చేయడమే కాకుండా ప్రభుత్వ నిర్ణయాలను సులువుగా, సమర్థవంతమైన పద్ధతిలో ప్రచారం చేయవచ్చని జగన్ దృఢంగా నిర్ణయించుకున్నారని సమాచారం.

అదేసమయంలో భారతీయ జనతా పార్టీ, కేంద్రంలోని ఎన్డీఏ ప్రభుత్వం తమ సోషల్ మీడియాను ఎలా నిర్వహిస్తున్నారో అధ్యయనం చేయాలని జగన్ తన మీడియా మేనేజర్లకు సూచించినట్లు తెలుస్తోంది. కేంద్రప్రభుత్వ విధాన నిర్ణయాలను ఒక్క నిమిషం పాటయినా వృధా చేయకుండా బీజేపీ సోషల్ మీడియా బృందం ట్విట్టర్, ఫేస్‌బుక్ లలో వెనువెంటనే ఎలా ప్రచారం చేస్తోందో పరిశీలించాలని జగన్ కోరినట్లు సమాచారం.

వైఎస్సార్ ప్రభుత్వం కూడా ప్రజలకు నేరుగా సమాచారం అందించడానికి తన సొంత సోషల్ మీడియా యంత్రాంగాన్ని రంగంలోకి దింపాలని జగన్ సూచించినట్లు వైకాపా వర్గాలు తెలిపాయి.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle