newssting
BITING NEWS :
*దిశ కేసులో నలుగురు నిందితులను షాద్ నగర్ లో ఎన్ కౌంటర్ చేసిన పోలీసులు*దిశ కేసులో నిందితుల ఎన్‌కౌంటర్‌పై స్పందించిన జాతీయ మానవ హక్కుల కమిషన్ *దిశ ఘటన హెచ్చరిస్తోంది - పవన్ కళ్యాణ్ * నర పీడితులకు సరైన శిక్ష పడింది - మాజీ సీఎం శివరాజ్ సింగ్ చౌహన్ *దేశంలో ఒక భయంకరమైన సంఘటన జరిగింది, మీరు నిందితులను చంపకూడదు- ఎంపీ మేనకాగాంధీ * దిశకు తగిన న్యాయం జరిగింది - అక్కినేని నాగార్జున, జూనియర్ ఎన్టీఆర్, మంచు మనోజ్, నాని, పూరీజగన్నాధ్ * రూ.150కి చేరిన కిలో ఉల్లి ధర.. ఉల్లి కొనలేక ఇబ్బంది పడుతున్న ప్రజలు *దిశ ఘటన తర్వాత దేశం మొత్తం ఆగ్రహంతో ఉంది - కేజ్రీవాల్*కేంద్రీయ సైనిక్ బోర్డుకు కోటి రూపాయలు విరాళంగా ప్రకటించిన జనసేన అధినేత పవన్ కల్యాణ్*రేపిస్టులపై రాష్ట్రపతి కీలక వ్యాఖ్యలు.. రేపిస్టులపై దయ అవసరంలేదు.. నిందితులు క్షమాభిక్ష పిటిషన్ పెట్టుకునే అవకాశమే ఉండకూడదన్న రాష్ట్రపతి *నిందితుల హత్యకేసుపై దిశ తల్లిదండ్రుల స్పందన.. మా బిడ్డకు తగిన న్యాయం జరిగిందని వ్యాఖ్య

మీడియాకు దూరంగా జగన్ - కారణమిదేనా?

07-10-201907-10-2019 12:49:49 IST
Updated On 07-10-2019 16:00:21 ISTUpdated On 07-10-20192019-10-07T07:19:49.665Z07-10-2019 2019-10-07T07:19:44.580Z - 2019-10-07T10:30:21.276Z - 07-10-2019

మీడియాకు దూరంగా జగన్ - కారణమిదేనా?
facebooktwitterGooglewhatsappwhatsappGoogle
వైఎస్ జగన్మోహనరెడ్డి...ఆంధ్రప్రదేశ్ ముఖ్యమంత్రి.  మాట తప్పడు, మడమ తిప్పడు. వందేళ్ల పైబడిన చరిత్ర ఉన్న కాంగ్రెస్ పార్టీలో హోదాను, పదవిని తృణ ప్రాయంగా వదిలేసి...నచ్చని ఉద్యోగం చేయలేనన్న ఒక్క మాటతో అప్పటి కాంగ్రెస్ అధినేత్రి సోనియా గాంధీ మాటను సైతం లెక్క చేయలేదు.  వైయస్సార్ కాంగ్రెస్ పార్టీ వ్యవస్థాపక అధ్యక్షుడిగా ఆయన కాంగ్రెస్ తో, తెలుగుదేశంతో, బీజేపీతో ఒకే సారి పోరాడారు. సుదీర్ఘ పాదయాత్ర ద్వారా జనంతో మమేకమయ్యారు. 

చారిత్రాత్మక విజయంతో ఆంధ్రప్రదేశ్ ముఖ్యమంత్రి అయ్యారు. అయితే గతానికి, ఇప్పటికీ ఆయనలో ఒక తేడా ప్రస్ఫుటంగా కనిపిస్తున్నది. గతంలో జనం సమస్యలను, జాతీయ సమస్యలను, తెలుగుదేశం ప్రభుత్వ విధానాలను మీడియా సమావేశాల్లో ఎండగట్టేవారు. జాతీయ మీడియాను పిలిచి మరీ ఇంటర్వ్యూలు ఇచ్చే వారు. అయితే ముఖ్యమంత్రిగా ఆయన మీడియాకు సాధ్యమైనంత దూరంగా ఉంటున్నారు. హస్తిన పర్యటనలలో సైతం మీడియాతో మాట్లాడటం లేదు.

విపక్ష నేతగా ఉన్న సమయంలో ఆయనపై ఒక విమర్శ ఉండేది. ప్రాంతీయ మీడియా (ఏపీ ప్రెస్)తో మాట్లాడడానికి పెద్దగా ఇష్టపడరని, అయితే జాతీయ మీడియాలో మాత్రం ఎక్కువగా  ఇంటర్వ్యూలు, అభిప్రాయాలు వచ్చేవి. ఇప్పుడు ముఖ్యమంత్రిగా ఆయన ఆ మీడియాను కూడా దగ్గరకు రానివ్వడం లేదు? ఎందుకన్నది సహజంగానే ప్రజలలోనే కాదు పరిశీలకులలో కూడా ఉత్కంఠ రేపుతున్న అంశం. ముఖ్యమంత్రిగా నాలుగు సార్లు హస్తినలో పర్యటించిన ఆయన కేవలం ఒక్కసారంటే ఒక్కసారి మాత్రమే అక్కడ మీడియా సమావేశంలో మాట్లాడారు.  

హస్తిన పర్యటన నుంచి ఏపీకి తిరిగి వచ్చిన తరువాత ఆయన మీడియా సమావేశం ఏర్పాటు చేయలేదు. సహజంగానే ఏపీ సీఎంగా ఢిల్లీ పర్యటన నుంచి తిరిగి రాగానే అందరూ ముఖ్యమంత్రి  అక్కడి విశేషాలు చెబుతారు. ప్రధానితో, మంత్రులతో భేటీలో చర్చించిన అంశాలేమిటి? అక్కడ నుంచి వచ్చిన స్పందన ఏమిటి? కేంద్రాన్ని రాష్ట్ర ప్రయోజనాలు, అభివృద్ధి కోసం ఏం సహకారం కోరారు? ఇత్యాది అంశాలపై సహజంగానే ప్రజలలో ఆసక్తి ఉంటుంది. ముఖ్యమంత్రి ఆ వివరాలన్నీ మీడియా ద్వారా ప్రజలకు తెలియజేస్తారన్న భావన ఉంటుంది. అయితే ముఖ్యమంత్రిగా జగన్ మాత్రం మీడియా సమావేశాలు ఏర్పాటు చేయడం లేదు. పెద్దగా మీడియా ముందుకే రావడం లేదు.

ప్రధానంగా ఆంధ్రప్రదేశ్ కు ప్రత్యేక హోదా, పోలవరం నిర్మాణంలో జాప్యం తదితర అంశాలపై మీడియా నుంచి ప్రశ్నలు ఎదురౌతాయన్న ఉద్దేశంతో ఆయన మీడియాను దూరం ఉంచుతున్నారన్నది పరిశీలకుల విశ్లేషణ. ముఖ్యమంత్రి గా ప్రమాణ స్వీకారం చేసిన తొలి రోజులలో ప్రత్యేక హోదాపై కేంద్రంతో పోరాడే శక్తి లేదు అన్న ఒక్క మాటతో జగన్ ప్రత్యేక హోదా విషయంలో మాట తప్పారనీ, మడమ తిప్పారనీ విపక్షాలు విమర్శలు చేశాయి. వాటిని మీడియా ప్రముఖంగా ప్రచురించింది. ప్రసారం చేసింది. 

బహుశా ఆ కారణంగానే ఇప్పటికిప్పుడు ప్రత్యేక హోదాపై తమ వైఖరి ఏమిటన్నది వెల్లడించలేని కారణంగా ఆయన మీడియాను దూరంగా పెట్టారన్న భావన వ్యక్త మౌతున్నది. అదే విపక్ష నేతగా ఆయన మీడియాతో...ప్రత్యేకించి జాతీయ మీడియాతో చాలా తరచుగా మాట్లాడేవారు. అప్పట్లో అధికారంలో ఉన్న తెలుగుదేశం ప్రభుత్వ విధానాలను తూర్పారపట్టేందుకు మీడియానే ఆయనకు సాధనంగా మారింది. సీఎం అయిన తరువాత ఆయన మీడియా ముందుకు వచ్చి విపక్షం పై విమర్శలు చేయడం కంటే...ప్రభుత్వాధినేతగా తానేం చేశానన్నది ప్రధానంగా చెప్పుకోవలసి ఉంటుంది. ఆ బాధ్యతను మంత్రులకు అప్పగించేసి జగన్ మీడియాను దూరం ఉంచడానికి కారణం ఏమిటన్నదానిపై వైకాపా శ్రేణులకు కూడా సమాచారం లేదు.

ఏది ఏమైనా ఆంధ్రప్రదేశ్ కు విభజన హామీల విషయంలో కేంద్రంపై ఏ విధంగా ఒత్తిడి తీసుకువస్తున్నారన్న ప్రశ్నలను ఎదుర్కొనడం ఇష్టంలేకనే జగన్ మీడియాకు దూరంగా ఉంటున్నారన్న భావన ప్రజలలో వ్యక్తమౌతున్నది. అధికారం చేపట్టినప్పటి నుంచీ ఇప్పటి వరకూ కూడా ముఖ్యమంత్రిగా జగన్ విభజన హామీలపై కేంద్రంపై ఒత్తిడి తీసుకువచ్చినది లేదు. దానిపై దృష్టి పెట్టిందీ లేదు. ఆ కారణంగానే జగన్ మీడియా ముందుకు రావడం లేదా అన్న అనుమానాలు సందేహాలు వ్యక్తమౌతున్నాయి. వీటిని నివృత్తి చేయాల్సినది ముఖ్యమంత్రే.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle