newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

మళ్ళీ బుక్కైన లోకేష్... నెటిజన్స్ సెటైర్స్

08-02-201908-02-2019 12:25:28 IST
2019-02-08T06:55:28.941Z08-02-2019 2019-02-08T06:55:24.299Z - - 17-07-2019

మళ్ళీ బుక్కైన లోకేష్... నెటిజన్స్ సెటైర్స్
facebooktwitterGooglewhatsappwhatsappGoogle
ఏపీ మంత్రి నారా లోకేష్‌కు తప్పులు చేయడం కొత్తేమీ కాదు. ఉత్సాహంలో ఏదేదో మాట్లాడేసి, ఎన్నోసార్లు అభాసుపాలయ్యారు. తెలుగుదేశం పార్టీనే కులగజ్జి పార్టీగా అభివర్ణించడం, టిడిపికి ఓటేస్తే మనకు మనం ఉరేసుకున్నట్టేనని పబ్లిక్‌గా స్టేట్‌మెంట్ ఇవ్వడం, సార్వభౌమాధికారం పలకలేక ‘భౌ భౌ’మనడం... ఇలా ఎన్నో! అలాంటి లోకేష్ మరోసారి అడ్డంగా బుక్కయ్యారు. గతంలో జోష్‌లో చేసిన ఒక ట్వీట్ ఆయన్ను ఘోర అవమానాలపాలు చేసింది.

ఇంతకీ లోకేష్ ఆ ట్వీట్‌లో ఏం పేర్కొన్నారంటే... ‘‘అటు టిఆర్ఎస్, ఇటు కాంగ్రెస్ రెండూ కలిసి 12 ఏళ్ళలో హైదరాబాద్‌లో మెట్రోరైలు కట్టలేకపోయారు. అది సుదూర కలగానే మిగిలిపోయింది. అధికారంలోకి వచ్చి 19 నెలలైన టీడీపీ మాత్రం 2018 డిసెంబర్ నాటికి విజయవాడలో మెట్రో పనులు పూర్తిచేసేందుకు సిద్ధమవుతోంది. హైదరాబాద్... తెలివిగా ఆలోచించు’’! మూడేళ్ళ కిందట (2016 జనవరి 13) లోకేష్ చేసిన ఈ ట్వీట్‌ ఇప్పుడు సోషల్ మీడియాలో వైరల్ అవుతోంది. ఆ ట్వీట్ ప్రకారం ఈపాటికే విజయవాడలో మెట్రో పనులు పూర్తైపోవాలి. కానీ... అలా జరగకపోగా ఆ ప్రాజెక్టే రద్దైపోయింది. దీంతో నెటిజన్లు సెటైర్లు వేసుకుంటున్నారు.

ఈసారి విజయవాడ వెళ్తే కచ్ఛితంగా మెట్రో రైలు ఎక్కుతానంటూ ఒకరు జోకేస్తే... లోకేష్ అన్న నాకొక బాల్కనీ టికెట్ (మెట్రోలో) కావాలంటూ ఇంకొకరు సెటైర్ వేశారు. ‘‘ఇంతకీ ఈ మెట్రో రైలు రోడ్డుపై ఉందా, లేక కృష్ణానది కింద కట్టారా’’ అంటూ మరొకరు కౌంటర్ పేల్చారు. బహుశా లోకేష్ దృష్టిలో మెట్రో అంటే షూ కంపెనీ, క్యాష్ అండ్ క్యారీ సూపర్ మార్కెట్ అయ్యుంటుందని... రైలు ప్రాజెక్ట్ అయ్యుండకపోవచ్చని ఇంకొంతమంది జనం ఓ ఆటాడుకుంటున్నారు. ఇలా వందల సంఖ్యలో సెటైర్లు పడుతూనే ఉన్నాయి. నాన్నకు చెప్పకుండా ట్వీట్ పెడితే... దాని పర్యవసానం ఇలాగే ఉంటుందంటూ మరికొందరు అందుకున్నారు.

పనిలోపనిగా... గతంలో చంద్రబాబు చేసిన కొన్ని తప్పుల్ని కూడా వెలికి తీస్తున్నారు. ట్వీట్ల దగ్గర నుంచి మోదీని నెత్తికెక్కించుకున్న సందర్భాల వరకూ.... అన్నీ బయటికి తీసి బాబు, లోకేష్‌ల మీద జోకులు వేసుకుంటున్నారు. తెలుగు తమ్ముళ్ళు ఈ వ్యవహారాన్ని అదుపు చేయడానికి ప్రయత్నిస్తున్నా... నెటిజన్లు ఏమాత్రం వెనక్కు తగ్గకపోగా సెటైర్ల పరంపరని కొనసాగిస్తూనే ఉన్నారు. దీంతో... మరోసారి టిడిపి ఘోర అవమానాన్ని ఎదుర్కోవలసి వచ్చింది.


Syed Abdul Khadar Jilani


సయ్యద్ అబ్దుల్ ఖాదర్ జిలానీ- కంటెంట్ రైటర్‌. జర్నలిజంలో ఐదేళ్ళ అనుభవం. ప్రముఖ మీడియా సంస్థ టీవీ9, తొలివెలుగు, ఇతర డిజిటల్ మీడియా సంస్థల్లో పనిచేశారు. సినిమా కథనాలు, రివ్యూలు, రాజకీయాలు, టెక్నాలజీ, లైఫ్ స్టయిల్ వంటి అంశాలపై మంచి అవగాహన. ప్రస్తుతం న్యూస్‌స్టింగ్.ఇన్‌లో కంటెంట్ రైటర్‌గా పనిచేస్తున్నారు.
 syedabdul@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle