newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

మన సీఎంలది రాజకీయ స్నేహమేనా? ప్రజల కోసం కాదా..?!

13-05-202013-05-2020 16:11:44 IST
Updated On 13-05-2020 16:44:43 ISTUpdated On 13-05-20202020-05-13T10:41:44.688Z13-05-2020 2020-05-13T10:41:42.240Z - 2020-05-13T11:14:43.334Z - 13-05-2020

మన సీఎంలది రాజకీయ స్నేహమేనా? ప్రజల కోసం కాదా..?!
facebooktwitterGooglewhatsappwhatsappGoogle
ఏపీ సీఎం జగన్మోహన్ రెడ్డి.. తెలంగాణ సీఎం కేసీఆర్ మధ్య స్నేహం గురించి అందరికీ తెలిసిందే. ఔను సీఎం జగన్ మాకు మిత్రుడేనని సీఎం కేసీఆర్ అవకాశం వచ్చిన ప్రతిసారి వెల్లడించగా.. జగన్ మాకు ఆప్తుడేనని షాడో సీఎంగా పేరున్న కేటీఆర్ కూడా పలుమార్లు ప్రకటించారు. ఇక అటు నుండి జగన్ కూడా అంతే. సాక్షాత్తు ఏపీ అసెంబ్లీలోనే సీఎం కేసీఆర్ ను ఆహా ఓహో అంటూ పొగడ్తల వర్షం కురిపించారు.

అయితే.. ఈ స్నేహం రాజకీయాల కోసమేనా? ప్రజల కోసం కదా? అన్నది ఇప్పుడు రాజకీయ విశ్లేషకులు మన ముఖ్యమంత్రులకు వేస్తున్న ప్రశ్న. కేవలం రాజకీయ అవసరాల కోసం.. ఎన్నికలలో ప్రత్యర్థులను ఓడించి తాము గద్దెనెక్కడానికి మాత్రమే రెండు రాష్ట్రాల అధికార పార్టీలు అవగాహనతో కలిసిపనిచేస్తారా? ప్రజలకు అవసరమైనపుడు మాత్రం వీరి స్నేహం పనికిరాదా? అనే ప్రశ్నలు లేవనెత్తుతున్నారు.

ప్రస్తుతం రెండు రాష్ట్రాల మధ్య జలజగడం గురించి తెలిసిందే. శ్రీశైలం నుండి కృష్ణా నీటిని తోడి రాయలసీమకి పంపింగ్ చేసేందుకు ఏపీ ప్రభుత్వం ఎత్తిపోతల పథకం నిర్మాణానికి జీవో ఇచ్చిందని.. అది తెలంగాణకు నష్టం చేకూర్చే అంశమని సీఎం కేసీఆర్ తాజాగా ప్రకటించారు. అంతేకాదు దానిపై సమీక్ష కూడా జరిపి ఇక యుద్ధమేనని ప్రకటించారు. త్వరలోనే దీనిపై సుప్రీంకోర్టుకు కూడా వెళ్లాలని నిర్ణయించారు.

మరోపక్క ఏపీ ప్రభుత్వం మాత్రం తమ రాష్ట్ర వాటా పరిధిలోనే తాము కొత్త పథకాన్ని నిర్మిస్తున్నామని చెప్తుంది. ఇంతకు ముందు ఒప్పందం చేసుకున్న ప్రకారం ఎలాంటి కొత్త ప్రాజెక్ట్ చేపట్టాలన్నా ముందుగా అపెక్స్ కౌన్సిల్ ఆమోదంపొందాల్సి ఉంది. కానీ అనుమతి లేకుండానే కొత్త ప్రాజెక్ట్ ఎలా చేపడతారని తెలంగాణ ప్రశ్నిస్తుంది. మరోవైపు తగాదాలను తీర్చాల్సిన బ్రిజేష్ కుమార్ ట్రిబ్యునల్‌లో చాలా జాప్యం జరుగుతుంది.

మొత్తంగా ఇది ఇప్పుడు రెండు రాష్ట్రాల ప్రజల భావోద్వేగాల అంశంగా మారిపోతుంది. సహజంగానే సున్నితమైన అంశం కనుక రెండు రాష్ట్రాలలో ప్రతిపక్షాలు ఈ అంశాన్ని హైలెట్ చేసేందుకు ముందుకు వస్తాయి. ఇప్పటికే తెలంగాణలో అటు బీజేపీ, కాంగ్రెస్ మాటల యుద్ధం మొదలుపెట్టాయి. మంగళవారం ఈ అంశంపై కాంగ్రెస్ పార్టీ వీడియో కాన్ఫిరెన్స్ కూడా నిర్వహించింది.

సహజంగానే రెండు రాష్ట్రాలలో ప్రాంతీయ పార్టీలు అధికారంలో ఉండడంతో ఇలాంటి వాటిని జాతీయ పార్టీలు టేకప్ చేసినా పెద్దగా ప్రయోజనం ఉండదు. ఎందుకంటే ఇది రాష్ట్రాల అంశం కనుక జాతీయ పార్టీలు ఏ రాష్ట్రానికి సపోర్ట్ చేసే పరిస్థితి ఉండదు. కానీ ఇంత సామరస్యంగా ఉండే రెండు రాష్ట్ర ప్రభుత్వాలు ఈ అంశానికి వచ్చేసరికి ఎందుకు సుప్రీమ్ వరకు వెళ్లాల్సి వస్తుందన్నది ఆసక్తి కలిగిస్తుంది.

అసలు ఇద్దరు సన్నిహితులైన సీఎంల మధ్య ఈ పరిస్థితి ఎందుకు వచ్చింది? పండుగలు, సంబరాలు, ప్రారంభోత్సవ కార్యక్రమాలు కలిసి జరుపుకుంటున్న ఇద్దరు ముఖ్యమంత్రుల స్నేహం ప్రజల కోసం ఎందుకు ఉపయోగపడడం లేదు? పరస్పరం ఒప్పందాల ప్రకారం ఇకపై ముందుకు వెళ్తామని మీడియా ముఖంగా చెప్పిన ఊసులన్నీ తమ తమ రాజకీయ ప్రయోజనాల కోసమేనా? ప్రజల కోసం కాదా?

సీఎం జగన్ ఉమ్మడి ప్రాజెక్టుపై నిర్ణయం తీసుకొనే ముందు కేసీఆర్ ను సంప్రదించవచ్చు.. ఒకవేళ జగన్ అలాంటిది చేయకుండా జీవో విడుదల చేసినా సీఎం కేసీఆర్ ఈ పరిస్థితిపై జగన్ తో మాట్లాడే ప్రయత్నం చేయాల్సింది. పోనీ రెండు రాష్ట్రాల ఇరిగేషన్ మంత్రులైనా సమావేశమై సమస్యను పరిష్కరించుకోవచ్చు. ఏది కాకపోతే రెండు రాష్ట్రాల మధ్య వారధులుగా పనిచేస్తున్న మంత్రి తలసాని శ్రీనివాస్, విజయసాయి లాంటి వాళ్ళు ఉండనే ఉన్నారు కనుక వాళ్ళైనా కలిసి సమావేశం కావచ్చు.

కానీ ఏది లేకుండా కోర్టులను ఆశ్రయిస్తామని ప్రకటిస్తున్నారు. అయితే.. ఈ అంశాన్ని ప్రతిపక్షాలు టేకప్ చేస్తే ఇది కాస్త రెండు రాష్ట్రాల మధ్య వివాదంగా మారడం ఖాయంగా కనిపిస్తుంది. సహజంగానే మొన్నటి వరకు కలిసి ఉన్న ఉమ్మడి రాష్ట్రం కనుక ఇప్పటికీ ఇంకా ఆనాటి పరిస్థితి మరుగున పడలేదు. ఈక్రమంలో ఇలాంటి సున్నితమైన అంశాలు ప్రజలలోకి వెళ్తే రాష్ట్రాల మధ్య అగాధం పెరుగుతుంది.

మరోవైపు సుప్రీమ్ కోర్టుకు వెళ్లాలని ఇప్పటికే నిర్ణయం తీసుకున్న సంగతి తెలిసిందే. కానీ రాష్ట్రాల మధ్య నీటి తగాదాలపై సుప్రీమ్ తేల్చిన సందర్భాలు చాలా తక్కువ. కనుక ఇది ఇప్పట్లో తేలే అంశం కాదు కనుక అప్పటి వరకు ప్రజల మధ్య లోకల్ ఫీలింగ్స్ పెరుగుతూనే ఉంటాయి. పైగా రెండు రాష్ట్రాలు ప్రజల సొమ్మును లాయర్ల ఫీజులు.. అధికారులు ఢిల్లీకి రాష్ట్రాలకి రానుపోను ఖర్చు కోట్లలో చెల్లించాల్సి వస్తుంది.

అంటే ఇద్దరు సీఎంలు అనుకుంటే ఒక్కరోజులో తీరిపోయే సమస్యకు ప్రజలు మనోభావాలు.. సొమ్ములు ఖర్చుచేయాల్సి వస్తుంది. గత చంద్రబాబు-కేసీఆర్ ప్రభుత్వాల మాదిరి పరస్పర విభేదించే ప్రభుత్వాలైతే ఇలాంటి ప్రశ్నలు ఉత్పన్నమయ్యేవి కాదు. కానీ ఇక్కడ ఒకరంటే ఒకరికి అమితమైన ప్రేమ, ఆప్యాయతలు కలిగిన ప్రభుత్వాలు కనుకే ప్రజల తరపున అడగాల్సి వస్తుంది. అయితే.. ఆ ప్రేమలన్నీ వారి రాజకీయాల కోసమే అంటే మాత్రం మనం అడగాల్సింది.. వాళ్ళు చెప్పాల్సింది ఏమీ ఉండదు!

 

 

 

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   9 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   9 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   10 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   11 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   11 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   12 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   12 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   13 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   14 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   15 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle