newssting
BITING NEWS :
తెలంగాణ రాస్ట్రంలో అతి పెద్ద జాతర అయిన మేడారం తేదీలు ఖరారు ఫిబ్రవరి 7, 8 న భక్తులు తమ మొక్కులు చెల్లించుకోనున్నారు * ప్రపంచ రెజ్లింగ్‌ చాంపియన్‌షిప్‌ సెమీస్‌లో బజ్‌రంగ్‌ పూనియాకు నిరాశ వివాదాస్పదరీతిలో పరాజయం * చైనా ఓపెన్‌ క్వార్టర్‌ ఫైనల్లో సాయిప్రణీత్‌ సింధు సహా అంతా అవుట్‌ * కార్పొరేట్ పన్ను తగ్గింపు నిర్ణయం చరిత్రాత్మకం: మోదీ * స్టాక్‌మార్కెట్లో రికార్డు లాభాలు, సెన్సెక్స్‌ 1921, నిఫ్టీ 569 పాయింట్లు జంప్‌* మన్మోహన్ సింగ్ పాక్‌పై సైనిక చర్యకు ప్లాన్ వేశారు : బ్రిటన్ మాజీ ప్రధాని * ఇకపై మంత్రి హరీశ్‌రావుతో ఘర్షణ ఉండదన్న కాంగ్రెస్ ఎమ్మెల్యే జగ్గారెడ్డి * సచివాలయ ఉద్యోగాల పేరిట భారీ స్కాం.. ప్రశ్నపత్రాల లీకేజీపై చంద్రబాబు ట్వీట్ * ప్రధానమంత్రిని తిట్టడం దేశద్రోహం కిందికి రాదు: ఢిల్లీ పోలీసులు. * రామమందిరంపై సుప్రీం కోర్టు తీర్పును విశ్వసిద్దాం: నాసిక్‌ సభలో ప్రధాని నరేంద్రమోదీ *

భ‌విష్య‌త్‌పై సీమ టీడీపీ నేతల్లో బెంగ‌

09-07-201909-07-2019 07:44:35 IST
Updated On 10-07-2019 12:11:19 ISTUpdated On 10-07-20192019-07-09T02:14:35.993Z09-07-2019 2019-07-09T02:14:03.864Z - 2019-07-10T06:41:19.376Z - 10-07-2019

భ‌విష్య‌త్‌పై సీమ టీడీపీ నేతల్లో బెంగ‌
facebooktwitterGooglewhatsappwhatsappGoogle
మొన్న‌టి ఎన్నిక‌ల్లో తెలుగుదేశం పార్టీ దారుణ ఓట‌మిలో రాయ‌ల‌సీమ‌దే కీల‌కపాత్ర‌. సీమ‌లో తెలుగుదేశం పార్టీ ఘోర ప‌రాభ‌వాన్ని మూట‌గ‌ట్టుకుంది. సీమ‌లోని నాలుగు జిల్లాల్లో మొత్తం 52 అసెంబ్లీ సీట్ల‌లో కేవ‌లం మూడు స్థానాల‌కే టీడీపీ ప‌రిమితం అయ్యింది. అందులో టీడీపీకి కంచుకోట‌ల్లాంటి కుప్పం, హిందూపురంతో పాటు ఉర‌వ‌కొండ నియోజ‌క‌వ‌ర్గాల్లో మాత్రమే టీడీపీ గెలిచింది.

వైఎస్సార్ కాంగ్రెస్ మిగ‌తా 49 సీట్ల‌లో ఘ‌న విజ‌యం సాధంచింది. టీడీపీకి ఆది నుంచీ పట్టున్న నియోజ‌క‌వ‌ర్గాల్లోనూ ఆ పార్టీ దారుణంగా ఓడిపోయింది. హేమాహేమీలుగా చెప్పుకునే నేత‌లు సైతం ఓట‌మి పాల‌య్యారు. గ‌త ఎన్నిక‌ల్లోనూ వైసీపీ రాయ‌ల‌సీమ‌లో టీడీపీ కంటే ఎక్కువ సీట్లు సాధించింది. ఈసారి ఏకంగా క్లీన్ స్వీప్ చేసేసింది. దీంతో ఇప్పుడు రాయ‌ల‌సీమ తెలుగుదేశం పార్టీ నేత‌ల్లో భ‌విష్య‌త్‌పై బెంగ ఏర్ప‌డింది.

రాయ‌ల‌సీమ‌లో వైసీపీకి గ‌ట్టి ప‌ట్టుంది. గ‌త ఎన్నిక‌ల్లో అనంత‌పురం మిన‌హా మిగ‌తా మూడు జిల్లాల్లో వైసీపీ మెజారిటీ స్థానాలు గెలిచింది. సీమ‌లో వైసీపీ ప‌ట్టు పెర‌గ‌డానికి, క్లీన్ స్వీప్ చేయ‌డానికి గ‌త ఐదేళ్లు టీడీపీ అవ‌లంభించిన రాజ‌కీయం కూడా ఒక కార‌ణ‌మే. టీడీపీ హ‌యాంలో రాయ‌లసీమను నిర్ల‌క్షం చేశార‌నే భావ‌న ప్ర‌జ‌ల్లో కొంత ఉంది.

రాయల సీమ‌కు టీడీపీ ప్ర‌భుత్వం సాగు నీరు అందించే ప్ర‌య‌త్నం చేసినా ఎన్నిక‌ల్లో మాత్రం ఇది ప‌నిచేయ‌లేదు. ఇందుకు ఒక కార‌ణం టీడీపీనే వైసీపీని రాయ‌ల‌సీమ‌ను ఓన్ చేసుకునేలా చేసింది.

త‌ర‌చూ చంద్ర‌బాబు స‌హా టీడీపీ నేత‌లు రాయ‌ల‌సీమ సంప్ర‌దాయం, క‌డ‌ప రౌడీలు వంటి ప‌దాలు ఉప‌యోగించి జ‌గ‌న్‌ను సీమ ప్ర‌జ‌లు త‌మ‌వాడ‌ని భావించుకునేలా చేశారు. పైగా సీమ‌లో ఈసారి జ‌గ‌న్ ఉప‌యోగించి సామాజ‌క‌వ‌ర్గ స‌మీక‌రణాల ఫార్ములా బాగా వ‌ర్కౌంట్ అయ్యింది. 2014 అధికారంలోకి వ‌చ్చినా సీమ‌లో వైసీపీకి మెజారిటీ సీట్లు రావ‌డం, ఈసారి ఏకంగా వైసీపీ స్వీప్ చేయ‌డంతో ఇక సీమ జిల్లాల్లో తెలుగుదేశం పార్టీ భ‌విష్య‌త్ ఏంట‌ని ఆ పార్టీ నేత‌ల్లోనే బెంగ నెల‌కొంది.

పార్టీలోనే ఉండాలా, ఉంటే భ‌విష్య‌త్ ఉంటుందా అనే ఆలోచ‌న‌లో తెలుగు త‌మ్ముళ్లు ఉన్నారు. సీమ‌లోని రాజ‌కీయ ప‌రిస్థితుల నేప‌థ్యంలో అధికారంలో లేని నేత‌లు అనేక స‌మ‌స్య‌లు ప్ర‌త్య‌ర్థుల నుంచి ఎదుర్కోవాల్సి ఉంటుంది. 

ఐదేళ్లు ఎలాగోలా భరిద్దామ‌నుకున్నా వ‌చ్చే ఎన్నిక‌ల నాటికి గెలుస్తామ‌న్న ధీమా వారిలో లేన‌ట్లు క‌నిపిస్తోంది. త‌మ‌కు వ్య‌క్తిగ‌తంగా నియోజ‌క‌వ‌ర్గంలో బ‌లం ఉన్నా పార్టీప‌రంగా వైసీపీ హ‌వాను సీమ జిల్లాల్లో త‌ట్టుకోలేమ‌ని భావిస్తున్నారు.

ఇటీవ‌ల త‌మ ఓట‌మికి కూడా టీడీపీ వారంతా ఇదే కార‌ణం చెబుతున్నారు. దీంతో ఈ ఐదేళ్లు ఇబ్బంది ప‌డ‌టం ఎందుక‌నే భావ‌న‌తో కొంంద‌రు బీజేపీ వైపు చూస్తున్నార‌నే ప్ర‌చారం జ‌రుగుతోంది. అయితే, సీమ‌లో టీడీపీకి పూర్వ‌వైభవం తీసుకువ‌చ్చేందుకు చంద్ర‌బాబు తీవ్రంగా శ్ర‌మిస్తే త‌ప్ప వ‌చ్చే ఎన్నిక‌ల నాటికి కొంతైనా పుంజుకునే అవ‌కాశం ఉంది. 

పైగా తాను అధికారంలో ఉండే ఐదేళ్లు జ‌గ‌న్ స‌హ‌జంగానే సీమ అభివృద్ధిపై ఎక్కువ దృష్టి పెట్టవ‌చ్చు.  మొత్తంగా భ‌విష్య‌త్‌పై బెంగ‌తో ఉన్న రాయ‌ల‌సీమ తెలుగుత‌మ్ముళ్ల‌లో చంద్ర‌బాబు ఏవిధంగా ధైర్యం నింపుతారో చూడాలి.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle