newssting
BITING NEWS :
* గోదావరిలో పర్యాటక బోటు మునక పలువురు గల్లంతు. *వైసీపీ ప్రభుత్వ పాలనలో ప్రజలకెన్నో ఇబ్బందులు.. ఇక పోరాటమే:పవన్ కళ్యాణ్ *.హైదరాబాద్ చేరుకున్న సత్య నాదెళ్ళ ...తండ్రి మాజీ ఐఏఎస్ అధికారి బీఎన్ యుగంధర్ అంత్యక్రియలు *బద్వేలులో భారీ అగ్నిప్రమాదం *హుజూర్‌నగర్‌ అభ్యర్థిని ప్రకటించిన కాంగ్రెస్‌ ...కాంగ్రెస్‌ అభ్యర్థిగా పద్మావతి *మిగులు రాష్ట్రాన్ని దివాలా తీయించారు ..కేసీఆర్ పై భట్టి విమర్శలు *నేడు భారత్‌–దక్షిణాఫ్రికా తొలి టి20

భారీ వర్షం.. గిరిజనం భయం.. భయం

07-09-201907-09-2019 09:36:50 IST
Updated On 07-09-2019 09:38:01 ISTUpdated On 07-09-20192019-09-07T04:06:50.302Z07-09-2019 2019-09-07T04:06:43.500Z - 2019-09-07T04:08:01.663Z - 07-09-2019

భారీ వర్షం.. గిరిజనం భయం.. భయం
facebooktwitterGooglewhatsappwhatsappGoogle
భారీవర్షాలు ఏపీలోని గిరిజన ప్రాంతాలను అతలాకుతలం చేసింది.  కుండపోత వానతో ఏజెన్సీ పూర్తిగా జలమయం అయింది. అరకులోయ, అనంతగిరి డుంబ్రిగుడ, హుకుంపేట, పెదబయలు, ముంచంగిపుట్టు మండలాల్లో  కుండపోతగా భారీ వర్షాలు పడుతున్నాయి. పాడేరు, పెదబయలు, డుంబ్రిగుడ, హుకుంపేట, జి,కె.వీధి, కొయ్యూరు మండలాల్లో కూడా అతి భారీ వర్షాలు కురుస్తున్నాయి. మారుమూల గ్రామాల గిరిజనులు బిక్కుబిక్కుమంటున్నారు.

ప్రకృతి అందాలకు ఆలవాలమయిన అరకులోయ, అనంతగిరి ఘాట్‌లు వణికిపోతున్నాయి.  ఈదురుగాలులతో కూడిన వర్షంతో వాహనాల రాకపోకలకు ఇబ్బంది ఏర్పడింది. పర్యాటక ప్రాంతాలు కళతప్పాయి. మత్స్యగెడ్డలో వరద నీరు పోటెత్తింది.

కల్వర్టులు కొట్టుకుపోవడంతో పలు గ్రామాలకు రాకపోకలు నిలిచిపోయాయి. డుంబ్రిగుడ మండలంలోని అన్ని ప్రధాన గెడ్డలలో వరదనీరు అధికంగా ప్రవహిస్తుండడంతో మారుమూల గ్రామాలకు రవాణా సౌకర్యాలు నిలిచిపోయాయి. గిరిజనులు వాగులు దాటేందుకు నానా ఇబ్బందులు పడుతున్నారు. ప్రభుత్వ సాయం కోసం వారంతా ఎదురుచూస్తున్నారు.

రిజర్వాయర్లు నిండు కుండలా మారడంతో గేట్లు ఎత్తివేసి దిగువకు నీరు వదులుతున్నారు. దీంతో లోతట్టు ప్రాంతాలు జలమయం అయ్యాయి. ఎడతెరిపి వానల ప్రభావంతో ఖరీఫ్‌ వ్యవసాయానికి కొంత నష్టం కలిగింది. లోతట్టు ప్రాంతాల్లో పొలాలు నీట మునిగిపోయాయి.

Image result for heavy rains in araku

కొండవాగుల నుంచి వచ్చిన వరదనీరు పొలాల్లోకి వచ్చేయడంతో చాలాచోట్ల వరి నాట్లు కొట్టుకుపోయాయి. హుకుంపేట మండలంలోని రంగశీల,కొట్నాపల్లి,తడిగిరి,పాతకోట,సూకూరు,కొంతిలి.ములియాపుట్టు, పంచాయతీల్లో పంట భూములపై వరదనీరు పారింది. వరదనీటి వల్ల మళ్ళీ వరినాట్లు వేయాలని, తమకు అదనపు ఖర్చు తప్పదంటున్నారు రైతులు. 

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle