newssting
BITING NEWS :
*ఉన్నావ్ అత్యాచార బాధితురాలు మృతిపై నిరసనలు.. బాధిరాలి కుటుంబాన్ని పరామర్శించిన ప్రియాంకా గాంధీ *నేడు మండపేటలో పవన్ కల్యాణ్ పర్యటన... రైతుల సమస్యలు తెలుసుకోనున్న పవన్ *పఠాన్ చెరువులో బయటపడ్డ మరో సంగీత ఉదంతం.. అత్తింటి వేధింపులపై మాట్లాడేందుకు వెళ్లిన అత్తామామలపై దాడి చేసిన అనూష భర్త, అతని సోదరుడు*నేడు భారత్-వెస్టిండీస్ మధ్య రెండో టీ-20 మ్యాచ్.. తిరువనంతపురం వేదికగా రాత్రి 7 గంటలకు మ్యాచ్ ప్రారంభం*జీహెచ్ఎంసి టౌన్ ప్లానింగ్ లో భారీగా బదిలీలు... 49మంది సెక్షన్ అధికారులను బదిలీ చేసిన జీహెచ్ఎంసి అధికారులు*కేంద్ర మంత్రి నిర్మలా సీతారామన్ కు తెలంగాణ ముఖ్యమంత్రి కెసిఆర్ లేఖ.తెలంగాణకు పన్నుల వాటా పన్నుల విడుదల చేయాలని వినతి *ఏపీలో పెరిగిన ఆర్టీసీ చార్జీలు.. పల్లె వెలుగు, సిటీ సర్వీసులపై కిలోమీటర్ కు 10 పైసలు పెంపు... మిగిలిన అన్ని సర్వీసులపై కిలోమీటర్ కు 20 పైసలు పెంపు*ఎన్ కౌంటర్ మృత దేహాలను గాంధీ ఆసుపత్రికి తరలించాలని హైకోర్టును ఆశ్రయించిన పాలమూరు ఎస్పీ*అమ్మ రాజ్యంలో కడప బిడ్డలు సినిమా విడుదలకు తొలగిన అడ్డంకి...12న విడుదల *కడపజిల్లాలో దొంగనోట్ల చలామణి ముఠా గుట్టురట్టు

భర్తపై కేసులు... అఖిలప్రియకు చిక్కులు

09-10-201909-10-2019 08:21:38 IST
2019-10-09T02:51:38.751Z09-10-2019 2019-10-09T02:51:30.831Z - - 08-12-2019

భర్తపై కేసులు... అఖిలప్రియకు చిక్కులు
facebooktwitterGooglewhatsappwhatsappGoogle
భూమా నాగిరెడ్డి తనయ.. ఏపీ మాజీ మంత్రి, టీడీపీ నేత భూమా అఖిలప్రియకు చిక్కులు వచ్చి పడ్డాయి. ఆమె భర్త భార్గవరామ్‌పై కేసులమీద కేసులు నమోదయ్యాయి. తాజాగా ఆయనపై మరో ఫిర్యాదు అందింది.

కర్నూలు జిల్లా ఆళ్లగడ్డలో ఇప్పటికే ఆయనపై రెండు కేసులు నమోదయిన సంగతి తెలిసిందే. ఆళ్లగడ్డ ఎస్‌ఐ రమేశ్‌ కుమార్ తాజాగా గచ్చిబౌలి పోలీస్‌ స్టేషన్‌లో ఫిర్యాదు చేశారు. 

ఆళ్లగడ్డలో నమోదైన రెండు కేసుల్లో ప్రధాన నిందితుడిగా ఉన్న భార్గవరామ్‌ను అరెస్ట్‌ చేసేందుకు ఏపీ పోలీసులు హైదరాబాద్ వచ్చారు. సోమవారం సాయంత్రం తన కారును స్వయంగా నడుపుకుంటూ వెళుతున్న భార్గవను పట్టుకునేందుకు పోలీసులు విశ్వప్రయత్నం చేశారు.

ఏపీ పోలీసులను గుర్తించిన భార్గవ కారు ఆపకుండా వేగంగా గచ్చిబౌలి పోలీస్ స్టేషన్ దారి గుండా తప్పించుకునే ప్రయత్నం చేశారని ఎస్ ఐ రమేష్ తెలిపారు.

గచ్చిబౌలిలోని ఓక్ వుడ్ హోటల్ వద్ద భార్గవ కారు ఆపేందుకు పోలీసులు ప్రయత్నించగా, కారు ఆపినట్లే ఆపి తప్పించుకున్నారు. తమ విధులకు ఆటంకపరచడంతో పాటు కారుతో గుద్దే ప్రయత్నం చేశాడని భార్గవపై ఎస్‌ఐ రమేశ్‌కుమార్‌ ఫిర్యాదు చేయడంతో గచ్చిబౌలి పోలీసులు కేసు చేశారు.

ఐపీసీ సెక్షన్ 353, 336 సెక్షన్ల కింద కేసు నమోదు చేశారు. భార్గవరామ్‌ను పట్టుకునేందుకు పోలీసులు ప్రయత్నాలు చేశారు. 

భార్గవరామ్ వ్యాపార భాగస్వామి అయిన శివరామ రెడ్డికి కర్నూలు జిల్లా దొర్నిపాడు మండలం కొండాపురంలో క్రషర్ ఫ్యాక్టరీ ఉంది. ఇందులో అఖిలప్రియకు 40శాతం వాటా ఉంది.

అయితే వ్యాపార లావాదేవీల విషయంలో వీరిద్దరి మధ్య కొంతకాలంగా గొడవలు జరుగుతున్నాయి. ఇటీవల ఫ్యాక్టరీ వద్దకు వెళ్లిన భార్గవ రామ్.. ఫ్యాక్టరీకి తాళం వేసి బెదిరించినట్టు శివరామ రెడ్డి భార్య మాధవీ లత పోలీసులకు ఫిర్యాదు చేశారు. శివరామ రెడ్డిపై దాడికి పాల్పడడంతో హత్యాయత్నం కేసు నమోదైంది. తాజాగా మరో కేసు నమోదు కావడంతో భార్గవరామ్ చిక్కుల్లో పడ్డట్టేనని అంటున్నారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle