newssting
BITING NEWS :
*ఘనంగా మాజీ ప్రధాని రాజీవ్‌గాంధీ జయంతి* కర్నాటక సీఎం యడియూరప్ప కేబినెట్ విస్తరణ..17మందికి ఛాన్స్ *పంచాయతీరాజ్‌లో మరో రూ.300 కోట్ల పనులు రద్దు*పోలవరం రీ టెండరింగ్ పై హైకోర్టులో నవయుగ పిటిషన్ * కృష్ణా నదీ వరద ప్రాంతాల్లో చంద్రబాబు పర్యటన* చంద్రుని కక్ష్యలోకి చంద్రయాన్‌-2*రాజస్థాన్ నుంచి రాజ్యసభకు ఏకగ్రీవంగా ఎన్నికైన మాజీ ప్రధాని మన్మోహన్ సింగ్ *అరుణ్ జైట్లీ ఆరోగ్యం విషమం.. వెంటిలేటర్ పై చికిత్స *పన్ను సంస్కరణలపై ఆర్థికమంత్రి నిర్మలా సీతారామన్ కి టాస్క్‌ఫోర్స్‌ నివేదిక

బీజేపీ ఆఫ‌ర్‌ను జ‌గ‌న్ తీసుకుంటారా..?

12-06-201912-06-2019 09:03:23 IST
Updated On 24-06-2019 11:58:54 ISTUpdated On 24-06-20192019-06-12T03:33:23.039Z12-06-2019 2019-06-12T03:27:10.741Z - 2019-06-24T06:28:54.556Z - 24-06-2019

బీజేపీ ఆఫ‌ర్‌ను జ‌గ‌న్ తీసుకుంటారా..?
facebooktwitterGooglewhatsappwhatsappGoogle
వైఎస్సార్ కాంగ్రెస్ పార్టీకి కేంద్రంలో అధికారంలో ఉన్న భార‌తీయ జన‌తా పార్టీ బంప‌ర్ ఆఫ‌ర్ ఇచ్చింద‌ని, లోక్‌స‌భ డిప్యూటీ స్పీక‌ర్ ప‌ద‌విని వైసీపీకి ఇవ్వాల‌ని బీజేపీ యోచిస్తోంద‌ని జాతీయ మీడియాలో వార్త‌లు వ‌స్తున్నాయి. బీజేపీ ఆఫ‌ర్‌కు జ‌గ‌న్ కొంత టైమ్ తీసుకొని త‌మ నిర్ణ‌యం చెబుతామ‌న్న‌ట్లు వార్త‌లు వ‌చ్చాయి. అయితే, నిజంగానే వైసీపీకి బీజేపీ ఆఫ‌ర్ చేసిందా.? ఒక‌వేళ నిజంగానే చేస్తే వైసీపీ ఈ ఆఫ‌ర్‌కు అంగీక‌రిస్తుందా అనేది ఆస‌క్తిక‌రంగా మారింది.

లోక్‌స‌భ డిప్యూటీ స్పీక‌ర్ ప‌ద‌విని ప్ర‌తిప‌క్షానికి ఇవ్వ‌డం ఒక సంప్ర‌దాయంగా వ‌స్తోంది. అయితే, 52 సీట్ల‌తో ఉన్న ప్ర‌ధాన ప్ర‌తిప‌క్షం ఈ ప‌ద‌విని తీసుకునేందుకు ఆస‌క్తిగా లేదు. ఆ త‌ర్వాత 23 ఎంపీ సీట్ల‌తో డీఎంకే త‌ర్వాతి స్థానంలో ఉంది. అయితే, త‌మిళ‌నాడులో బీజేపీ అన్నా డీఎంకేతో క‌లిసి న‌డుస్తోంది. దీంతో డీఎంకేకు ఈ ప‌ద‌వి ఇచ్చేందుకు బీజేపీ మొగ్గు చూప‌డం లేదు.

డీఎంకే త‌ర్వాత 22 సీట్ల‌తో వైఎస్సార్ కాంగ్రెస్ పార్టీ లోక్‌స‌భ‌లో నాలుగో అతిపెద్ద పార్టీగా ఉంది. వైసీపీతో పొత్తులు లేక‌పోయినా ఆ పార్టీతో బీజేపీ స‌త్సంబంధాల‌నే నెర‌పుతోంది. దీంతో ఈ ప‌ద‌వి వైసీపీకి ఇస్తే ప్ర‌తిప‌క్షానికి ఇచ్చిన సంప్ర‌దాయం నిల‌బెట్ట‌డంతో పాటు త‌మ‌కు కూడా ఎటువంటి ఇబ్బంది ఉండ‌ద‌ని బీజేపీ భావిస్తోంద‌ని ప్ర‌చారం జ‌రుగుతోంది.

అయితే, ఈ ప‌ద‌విని స్వీక‌రించేందుకు జ‌గ‌న్ ఆస‌క్తి చూపుతారా అనేది ప్ర‌శ్న‌గా మారింది. రాష్ట్రానికి ప్ర‌త్యేక హోదా ఇవ్వ‌ని బీజేపీపై ఏపీ ప్ర‌జ‌ల్లో వ్య‌తిరేక‌త ఉంది. ఈ స‌మ‌యంలో జ‌గ‌న్ ప్ర‌త్యేక హోదా సాధించ‌డ‌మే త‌మ ల‌క్ష్య‌మ‌ని చెబుతున్నారు.

బీజేపీ ప్ర‌స్తుతానికి రాష్ట్రానికి ప్ర‌త్యేక హోదా ఇచ్చే ఆలోచ‌న‌తో లేదు. ఒక‌వేళ లోక్‌స‌భ డిప్యూటీ స్పీక‌ర్ ప‌ద‌విని వైసీపీ తీసుకున్నాక ప్ర‌త్యేక హోదా రాలేదంటే అది టీడీపీ చేతికి బ్ర‌హ్మాస్త్రాన్ని ఇచ్చిన‌ట్లే అవుతుంది. ప‌ద‌వి కోసం ప్ర‌త్యేక హోదా అంశాన్ని తాక‌ట్టుపెట్టార‌ని ఆ పార్టీ విమ‌ర్శ‌లు చేయ‌వ‌చ్చు.

దీంతో బీజేపీ ఇచ్చిన ఆఫ‌ర్‌ను జ‌గ‌న్ సున్నితంగా తిర‌స్క‌రించే అవ‌కాశాలే ఎక్కువ ఉన్నాయంటున్నారు. ఒక‌వేళ ఈ ఆఫ‌ర్ క‌నుక తీసుకోవాల‌నుకున్నా వైసీపీ త‌ర‌పున గెలిచిన ఎంపీలంతా జూనియ‌ర్లు కావ‌డం మ‌రో స‌మ‌స్య‌. మొత్తంగా ఈ వ్య‌వ‌హారంపై మ‌రో ఒక‌టిరెండు రోజుల్లో క్లారిటీ రానుంది.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle