newssting
BITING NEWS :
*ఢిల్లీలోనే జనసేన అధినేత పవన్ కల్యాణ్... పలువురు కేంద్రమంత్రులను కలిసే అవకాశం*ఇవాళ తిరుమల శ్రీవారి దర్శనానికి రానున్న సుప్రీంకోర్టు ప్రధాన న్యాయమూర్తి జస్టిస్ రంజన్ గొగోయ్..రేపు ఉదయం శ్రీవారిని దర్శించుకోనున్న చీఫ్ జస్టిస్ *జగన్ సన్ రైజ్ ఆంధ్రప్రదేశ్ ని సూసైడ్ ఆంధ్రప్రదేశ్ గా మార్చేసారు-లోకేష్ * బస్సు రోకోకి ఆర్టీసీ జేఏసీ పిలుపు.. అనుమతిలేదన్న పోలీసులు..బస్ డిపోల దగ్గర 144 సెక్షన్ విధింపు* ఇవాళ కాంగ్రెస్ పార్టీ విస్తృతస్థాయి సమావేశం.. పార్టీ అధ్యక్షత బాధ్యతలు తీసుకున్న తర్వాత సోనియా గాంధీ నేతృత్వంలో తొలిసారి కీలక భేటీ*టీడీపీ నేతలు అచ్చెన్నాయుడు, కూన రవిపై ప్రివిలేజ్ పిటిషన్ ఇచ్చిన వైసీపీ..స్పీకర్ తమ్మినేనిని పరుష పదజాలంతో దూషించారని ఫిర్యాదు *ఎన్నికలు నాకు కొత్తేమీ కాదు.. దమ్ముంటే గన్నవరంలో చంద్రబాబు, లోకేష్ పోటీచేయాలి-వంశీ సవాల్

బాబు దీక్షతో జగన్ అప్రమత్తం.. ఇక దీక్షలూ గీక్షలూ నై

09-11-201909-11-2019 09:50:57 IST
2019-11-09T04:20:57.417Z09-11-2019 2019-11-09T04:20:37.851Z - - 16-11-2019

బాబు దీక్షతో జగన్ అప్రమత్తం.. ఇక దీక్షలూ గీక్షలూ నై
facebooktwitterGooglewhatsappwhatsappGoogle
ఆంధ్రప్రదేశ్‌లో ఇసుక సరఫరాలో కొరత ఉన్న మాట వాస్తవం. చివరకు ముఖ్యమంత్రి వైఎస్ జగన్‌మోహన్ రెడ్డి సైతం అంగీకరించక తప్పని వాస్తవం ఇది. అందుకే తలకుమించిన పని భారంతో ఉంటున్నప్పటికీ రాష్ట్రంలో ఇసుక పరిస్థితిపై క్రమంతప్పకుండా సమీక్ష చేస్తూ నవంబర్ నెల చివర్లోగా ఇసుక సంక్షోభం తొలగిపోతుందని హామీ ఇస్తున్నారు.

రాష్ట్రంలోని ఇసుక కొరత గురించి ప్రతిపక్షాలు ఇప్పటికే నానా గొడవా చేసేశాయి. ఇటీవలే జనసేన అధినేత పవన్ కల్యాణ్ లాంగ్ మార్చ్ పేరుతో విశాఖపట్నంలో భారీ ర్యాలీ తీశారు. దానికి ఇతర ప్రతిపక్షాలేవీ హాజరు కాకున్నా తెలుగుదేశం పార్టీ నేతలు హాజరై సందడి చేశారు.

మరోవైపున భారతీయ జనతా పార్టీ  కూడా రాష్ట్ర శాఖ అధ్యక్షుడు కన్నా లక్ష్మీనారాయణ నేతృత్వంలో విజయవాడలో తన సొంత కార్యక్రమం చేపట్టింది.

ఇసుక నుంచి ఏ రాజకీయ పార్టీ అయినా రాజకీయ ప్రయోజనం సాధించడానికి ఇంకేమీ మిగలలేదన్నంతగా ప్రతిపక్షాలు గత వారంరోజులుగా రభస సృష్టించాయి. కానీ తెలుగుదేశం అధినేత చంద్రబాబు నాయుడు మాత్రం మరోలా ఆలోచిస్తున్నారు.  పవన్ కల్యాణ్, కన్నా లక్ష్మీనారాయణతో పోలిస్తే ఇసుకపై పోరాటంలో తాను వెనకబడిపోయినట్లు సందేహం వచ్చిందాయనకు. 

అందుకే ఆలస్యంగా అయినా సరే విజయవాడ మునిసిపల్ స్టేడియంలో నవంబర్ 14న ఇసుక సమస్యపై ఒకరోజు నిరాహార దీక్ష చేస్తున్నట్లు ప్రకటించారు. ఈ దీక్షకు అనుమతి ఇవ్వాల్సిందిగా అరడజను మంది టీడీపీ బడానేతలు ఇప్పటికే విజయవాడ పోలీసు కమిషనర్‌ని కలిసి అభ్యర్థించారు కూడా.

ఎన్నికలు ముగిసిన ఆరునెలల తర్వాత అందివచ్చిన అవకాశాన్ని వినియోగించుకుని తెలుగుదేశం శ్రేణులను భారీగా తరలించి దీక్షను సక్సెస్ చేయాలని చంద్రబాబు తలిచారు. కానీ రాష్ట్ర ప్రభుత్వం ఇసుక కొరతపై ప్రతిపక్షాలు చేస్తున్న రభస ఇక చాలని నిర్ణయించుకుంది. నవంబర్ చివరినాటికి రాష్ట్రంలో ఇసుక కొరత అనేదే లేకుండా పోతుందని తాను హామీ ఇస్తుంటే పదే పదే ఈ అంశంపై డ్రామాను పునరావృతం చేయాల్సిన అవసరం లేదని వైఎస్ జగన్ భావించినట్లుంది.

అందుకే చంద్రబాబు విజయవాడలో తలపెట్టిన నిరసన దీక్షకు ప్రభుత్వం నో చెప్పింది. ఇసుక కొరతపై ప్రతిరోజూ మీడియాతో సదస్సుల్లో, సోషల్ మీడియాలో బాబు చెప్పిందే చెబుతూ వస్తున్నారు కదా ఇక దీక్షలో సాధించేదేముందనే ఆలోచన ప్రభుత్వానిది. పైగా మునిసిపల్ స్టేడియం ఉన్నది ప్రభుత్వ కార్యక్రమాలను జరపడానికే కానీ ప్రైవేట్ కార్యక్రమాలను చేయడానికి అనుమతి లేదని ప్రభుత్వం కారణం చూపింది.

అయితే పోలీసులు దీక్షకు అనుమతించనప్పటికీ చంద్రబాబు నిరాహార దీక్ష కొనసాగిస్తారని మరోక వేదికకోసం చూస్తున్నామని టీడీపీ వర్గాలు చెప్పాయి. ఎన్ని సంక్షేమ కార్యక్రమాలను విజయవంతంగా అమలు చేస్తూ వస్తున్నప్పటికీ ఇసుక సమస్య లక్షలాదిమంది జీవితాలపై ప్రభావం వేస్తుండటంతో ఎవరు మద్దతుగా ర్యాలీలకు పిలిచినా భారీగా ప్రజలు హాజరయ్యే అవకాశం ఉందని గ్రహించిన ప్రభుత్వం ఇక ర్యాలీలకు అవకాశం ఇవ్వకూడదని నిర్ణయించుకున్నట్లుంది.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle