newssting
BITING NEWS :
*విషమంగానే మాజీ రాష్ట్రపతి ప్రణబ్ ఆరోగ్యం.. వెంటిలేటర్ పై చికిత్స *వనపర్తి జిల్లా నాగపూర్ లో విషాదం ఒకే కుటుంబంలో నలుగురి ఆత్మహత్య *హైద‌రాబాద్‌: పంచాయతీ,మండల, జిల్లాప్రజా పరిషత్‌లకు 15వ ఆర్థిక సంఘం నిధుల పునరుద్ధరణ.. ఆరేళ్ల క్రితం నిలిపివేసిన ఆర్థికసంఘం.. ఈ ఏడాదికి రూ.1,847 కోట్ల నిధుల మంజూరు*ఢిల్లీ: ప్ర‌శాంత్ భూష‌ణ్ కోర్టు ధిక్క‌ర‌ణ సుమోటో కేసులో సుప్రీంకోర్టు తీర్పు... ప్ర‌శాంత్ భూష‌ణ్‌ను దోషిగా తేల్చిన జ‌స్టిస్ అరుణ్ మిశ్రా నేతృత్వంలోని ధ‌ర్మాస‌నం.. శిక్ష‌పై ఈ నెల 20న వాద‌న‌లు వింటాం-సుప్రీం*హైద‌రాబాద్‌: కోవిడ్ కి ఉచిత చికిత్స చేయాలి.. కరోనాతో ఆదాయ మార్గం పోయింది కాబట్టి పేదలకు ఆరు నెలల పాటు రూ. 7500 చొప్పున‌ ఇవ్వాలి-ప్రొఫెస‌ర్ కోదండరాం*భార‌త్‌లో రికార్డు స్థాయిలో పెరుగుతున్న కరోనా కేసులు, మరణాలు.. గడచిన 24 గంటల్లో 64,553 కరోనా కేసులు నమోదు, 1007 మంది మృతి.. 24,61,191కు చేరుకున్న క‌రోనా పాజిటివ్ కేసులు, ఇప్ప‌టి వ‌ర‌కు 48,040 మంది మృతి*తెలంగాణ‌లో 1921 పాజిటివ్ కేసులు నమోదు, 9 మంది మృతి.. 88396కు చేరిన పాజిటివ్ కేసుల సంఖ్య‌, ఇప్పటి వరకు 674 మంది మృతి

బాబు ఆశ‌ల‌కు గండి కొడుతున్న బీజేపీ

12-11-201912-11-2019 07:56:04 IST
2019-11-12T02:26:04.914Z12-11-2019 2019-11-12T02:16:47.150Z - - 15-08-2020

బాబు ఆశ‌ల‌కు గండి కొడుతున్న బీజేపీ
facebooktwitterGooglewhatsappwhatsappGoogle
ఆంధ్ర‌ప్ర‌దేశ్‌లో వైఎస్ జ‌గ‌న్మోహ‌న్ రెడ్డి అధికారంలోకి వ‌చ్చి ఆరు నెల‌లు కూడా కాక‌ముందే తీవ్ర స్థాయిలో ప్ర‌తిప‌క్షాల విమ‌ర్శ‌ల‌ను ఎదుర్కుంటున్నారు. అన్ని పార్టీలూ ప్ర‌భుత్వం ఏర్ప‌డిన నెల రోజుల నుంచే యుద్ధాన్ని ప్ర‌క‌టించాయి.

వివిధ స‌మ‌స్య‌ల‌పై ఏ పార్టీకి ఆ పార్టీ పోరాడుతోంది. ప్ర‌స్తుతం ఆంధ్ర‌ప్ర‌దేశ్ రాజ‌కీయాల్లో రెండు స్థానం కోసం పోటీ తీవ్రంగా ఉండ‌టంతో ప్ర‌భుత్వ వ్య‌తిరేక‌త కార్య‌క్ర‌మాల ద్వారా ఈ ప్లేస్‌ను సొంతం చేసుకోవాల‌ని అన్ని పార్టీలూ ప్ర‌య‌త్నం చేస్తున్నాయి.

దీంతో ప్ర‌భుత్వంపై పోరాడుతూనే ఆ క్రెడిట్ త‌మ ఖాతాలో వేసుకునేందుకు భార‌తీయ జ‌న‌తా పార్టీ ప్ర‌య‌త్నిస్తోంది. కానీ, చంద్ర‌బాబు నాయుడు, ప‌వ‌న్ క‌ళ్యాణ్ మాత్రం ఇందుకు భిన్నంగా వ్యూహాలు ర‌చిస్తున్నారు.

రాష్ట్రంలో వైసీపీ బ‌లంగా ఉండ‌టంతో ఆ పార్టీని ఎదుర్కునేందుకు ఒంట‌రి పోరు చేస్తే స‌రిపోద‌ని ఈ ఇద్ద‌రు నేత‌లు ఒక నిర్ణ‌యానికి వ‌చ్చారు.

ఇద్ద‌రి అభిప్రాయాలు క‌ల‌వ‌డం, ఇద్ద‌రూ పాత స్నేహితులే కావ‌డంతో క‌లిసి ప్ర‌భుత్వంపై పోరాడేందుకు టీడీపీ, జ‌న‌సేన మ‌ధ్య ఒక ఏకాభిప్రాయం కుదిరింది.

ఇటీవ‌ల ఇసుక స‌మ‌స్య‌పై ప‌వ‌న్ క‌ళ్యాణ్ విశాఖ‌ప‌ట్నంలో చేసిన లాంగ్ మార్చ్‌కు చంద్ర‌బాబు నాయుడు త‌న పార్టీ త‌ర‌పున ప్ర‌తినిధుల‌ను పంపించి మ‌ద్ద‌తు తెలిపారు. ప‌వ‌న్ క‌ళ్యాణ్ ప‌ట్ల చంద్రబాబు మొద‌టి నుంచీ సానుకూలంగా ఉన్నారు.

ఇక‌, ఇదే ఇసుక స‌మ‌స్య‌పై 14న చంద్ర‌బాబు జ‌ర‌ప‌నున్న దీక్ష‌కు జ‌న‌సేన పార్టీ మ‌ద్ద‌తు తీసుకుంది తెలుగుదేశం. కానీ, ఎన్నిక‌ల్లో ఓట‌మి త‌ర్వాత బీజేపీకి మ‌ళ్లీ ద‌గ్గ‌ర కావాల‌ని తీవ్రంగా ప్ర‌య‌త్నిస్తున్న చంద్ర‌బాబు ఆ పార్టీ మ‌ద్ద‌తు కూడా అర్జించారు. వాస్త‌వానికి, ఆ పార్టీ మ‌ద్ద‌తు ఇచ్చినా, ఇవ్వ‌క‌పోయినా ఆయ‌న దీక్ష‌పై పెద్ద‌గా ప్ర‌భావం ఉండ‌దు.

కానీ, తెలంగాణ ఆర్టీసీ కార్మికుల స‌మ్మెకు మ‌ద్ద‌తుగా అన్ని పార్టీలూ క‌లిసి కొట్లాడి ప్ర‌భుత్వాన్ని ఇరుకున పెడుతున్న‌ట్లే ఏపీలో కూడా అన్ని పార్టీలూ క‌లిసి వైసీపీ ప్ర‌భుత్వాన్ని ఇరుకున పెట్టాల‌నేది చంద్ర‌బాబు నాయుడు వ్యూహం.

కానీ, బీజేపీ మాత్రం బాబు వ్యూహాల‌ను ప‌ట్టించుకోవ‌డం లేదు. బీజేపీ మ‌ద్ద‌తు కోసం టీడీపీ నేత ఆల‌పాటి రాజాను బీజేపీ రాష్ట్ర అధ్య‌క్షుడు క‌న్నా ల‌క్ష్మీనారాయ‌ణ వ‌ద్ద‌కు పంపారు చంద్ర‌బాబు.

కానీ, ఆయ‌న నుంచి చంద్ర‌బాబు దీక్ష‌కు మ‌ద్ద‌తు ల‌భించ‌లేదు. ఇంత‌కాలం ఆంధ్ర‌ప్ర‌దేశ్‌లో పొత్తుల వ‌ల్ల న‌ష్ట‌పోయిన తాము ఇక ఎవ‌రితో క‌ల‌వ‌కుండా ఒంట‌రిగా ఎద‌గాల‌ని బీజేపీ భావిస్తోంది.

ఇప్పుడు మ‌ళ్లీ చంద్ర‌బాబు, ప‌వ‌న్ క‌ళ్యాణ్‌తో క‌లిస్తే త‌మ‌కేమీ లాభం లేక‌పోగా న‌ష్ట‌మేన‌ని బీజేపీ అంచ‌నా వేస్తోంది. దీంతో స్వంతంగా ప్ర‌భుత్వ వ్య‌తిరేక ఆందోళ‌న‌ల‌కు ప్ర‌ణాళిక‌లు ర‌చిస్తోంది.

మొత్తానికి ఏపీలో తెలంగాణ సీన్ రిపీట్ చేసి ప్ర‌భుత్వంపై ప్ర‌జ‌ల్లో అసంతృప్తిని తీసుకురావాల‌ని చంద్ర‌బాబు చేస్తున్న ప్ర‌య‌త్నాల‌కు బీజేపీ గండి కొడుతోంది. స‌మీప భ‌విష్య‌త్‌లో ఈ రెండు పార్టీలు మ‌ళ్లీ క‌లిసి ప‌నిచేయ‌డం అనుమానంగానే ఉంది. ఇప్ప‌టికైతే టీడీపీ, జ‌న‌సేన మాత్రం క‌లిసి ప్ర‌భుత్వ‌పై పోరాడాతాయ‌న్న‌మాట‌.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle