newssting
BITING NEWS :
*బెంగళూరు వన్డేలో టీమ్ ఇండియా విజయం. 3 వన్డేల సీరీస్ ను 2-1 తేడాతో కైవసం చేసుకున్న టీమ్ ఇండియా. 7 వికెట్ల తేడాతో ఆస్ట్రేలియాపై గెలుపు *అమరావతిలో హైటెన్షన్.. అసెంబ్లీ ముట్టడికి టీడీపీ ప్లాన్*చంద్రబాబు ప్రజలకు వాస్తవాలు చెప్పడం లేదు. రాజధాని రైతులకు జగన్ కౌలు కూడా ఇచ్చారు. సామాన్యులకు రాజధానితో పనేముంది? అమరావతిలో పోలీసులకు చంద్రబాబు నీళ్లు కూడా ఇవ్వకుండా చేస్తున్నారు-హోంశాఖ మంత్రి సుచరిత *ఇవాళ అసెంబ్లీ ప్రత్యేక సమావేశం *బెజవాడలో నేతలకు పోలీసుల నోటీసులు. టీడీపీ మాజీ ఎమ్మెల్యేలు బోండా ఉమ, ఎంపీ కేశినేని నానికి నోటీసులు. ఎమ్మెల్సీలు బుద్దా, రాజేంద్రప్రసాద్, తంగిరాల సౌమ్య సహా పలువురు టీడీపీ నేతలకు నోటీసులు. వామపక్షాలు, జేఏసి నేతలకు కూడా పోలీసుల నోటీసులు *రేపటి కేబినెట్, అసెంబ్లీకి రహస్యంగా సిద్ధమవుతోన్న నోట్స్, బిల్లులు. గుంభనంగా సాగుతున్న ప్రభుత్వ చర్యలు*తెలంగాణలో ఊపందుకున్న మునిసిపల్ పోరు *తెరాస, కాంగ్రెస్ పార్టీలు ఒకేగూటి పక్షులు. తెరాస కు ఓటు వేస్తె ఎంఐఎం కు ఓటు వేసినట్టే. కేంద్రం ఇచ్చిన నిధులతోనే తెలంగాణలో అభివృద్ధి. కేంద్రం నిధులపై కేటీఆర్ చర్చకు సిద్ధమా ? - లక్ష్మణ్ *విశాఖ: ఓట్ల కోసం గాజువాక.. రాజకీయాలకు అమరావతి కావాల్సి వచ్చిందా? గాజువాక ప్రజలకు పవన్ కల్యాణ్ క్షమాపణలు చెప్పాలి-మంత్రి అవంతి శ్రీనివాస్

బాబును నైతికంగా దెబ్బ‌తీసే ప్లాన్‌లో జ‌గ‌న్‌

31-12-201931-12-2019 14:57:19 IST
Updated On 31-12-2019 15:10:19 ISTUpdated On 31-12-20192019-12-31T09:27:19.936Z31-12-2019 2019-12-31T09:27:17.848Z - 2019-12-31T09:40:19.965Z - 31-12-2019

బాబును నైతికంగా దెబ్బ‌తీసే ప్లాన్‌లో జ‌గ‌న్‌
facebooktwitterGooglewhatsappwhatsappGoogle
ఆంధ్ర‌ప్ర‌దేశ్ రాజ‌కీయాలు గ‌త ప‌దిహేను రోజులుగా రాజ‌ధాని చుట్టూనే తిరుగుతున్నాయి. అమ‌రావ‌తిని కొన‌సాగించాల‌ని ఒక వైపు ఆందోళ‌న‌లు జ‌రుగుతుండ‌గా, మూడు రాజ‌ధానుల ఏర్పాటు ద్వారా అన్ని ప్రాంతాల‌కు స‌మ‌న్యాయం జ‌రుగుతుంద‌నే వాద‌న మ‌రోవైపు వినిపిస్తోంది.

జ‌న‌వ‌రిలో అసెంబ్లీ స‌మావేశం ఏర్పాటు చేసి మ‌రీ రాజ‌ధానిపై చ‌ర్చ జ‌ర‌పాల‌ని ప్ర‌భుత్వం భావిస్తోంది. త‌ద్వారా త‌మ మూడు రాజ‌ధానుల వాద‌న‌కు మ‌ద్ద‌తు పెంచుకోవాల‌నేది ప్ర‌భుత్వ ఆలోచ‌న‌.

ఈ లోపు అమ‌రావ‌తిలోనే రాజ‌ధాని ఉండాల‌ని బ‌లంగా డిమాండ్ చేస్తున్న తెలుగుదేశం పార్టీని నైతికంగా దెబ్బ‌తీయాల‌నేది ప్ర‌భుత్వ వ్యూహంగా క‌నిపిస్తోంది. రాజ‌ధానిపై చంద్ర‌బాబు వాద‌న‌ను ఆ పార్టీ ఎమ్మెల్యేలే వ్య‌తిరేకించేలా చేయ‌డంలో ఈ వ్యూహంలో మొద‌టి భాగం.

ఇప్ప‌టికే విశాఖ‌ప‌ట్నం ఎమ్మెల్యేలు చంద్ర‌బాబు వాద‌న‌ను వ్య‌తిరేకించ‌డంతో పాటు జ‌గ‌న్ ప్ర‌భుత్వ నిర్ణ‌యాన్ని స‌మ‌ర్థించారు. విశాఖ‌లో ఎగ్జిక్యూటీవ్ క్యాపిటెల్‌ను వారు స్వాగ‌తించారు.

రాజ‌ధానిపై చ‌ర్చించేందుకు జ‌న‌వ‌రి చివ‌రి వారంలో ప్ర‌త్యేక అసెంబ్లీ స‌మావేశాల‌ను జ‌ర‌ప‌నుంది ప్ర‌భుత్వం. అప్ప‌టిలోగా మ‌రికొంద‌రు టీడీపీ ఎమ్మెల్యేల‌ను త‌మ‌వైపు తిప్పుకోవాల‌ని వైసీపీ భావిస్తోంది.

ఇందులో భాగంగానే గుంటూరు ఈస్ట్ ఎమ్మెల్యే మ‌ద్దాలి గిరి ముఖ్య‌మంత్రి జ‌గ‌న్‌ను క‌లిశారు. అమరావ‌తిపై జ‌గ‌న్ స‌ర్కార్ నిర్ణ‌యంతో కృష్ణ, గుంటూరు జిల్లాల్లో వ్య‌తిరేక‌త ఉంద‌నే వాద‌న త‌ప్ప‌ని నిరూపించ‌డానికే వైసీపీ గుంటూరుకే చెందిన‌ మ‌ద్దాలి గిరిని ఉప‌యోగించుకున్న‌ట్లు క‌నిపిస్తోంది.

విశాఖ‌ప‌ట్నం, ప్ర‌కాశం జిల్లాకు చెందిన మ‌రికొంద‌రు టీడీపీ ఎమ్మెల్యేల‌ను సైతం త‌మవైపున‌కు తిప్పుకోవాల‌ని వైసీపీ స్కెచ్ వేస్తోంది. ఇప్ప‌టికే వైసీపీకి చెందిన ప‌లువురు మంత్రులు కొంద‌రు టీడీపీ నేత‌ల‌తో ట‌చ్‌లో ఉన్నార‌నే ప్ర‌చారం జ‌రుగుతోంది.

అసెంబ్లీలో టీడీపీ వాద‌న‌కు టీడీపీ ఎమ్మెల్యేలే వ్య‌తిరేకంగా గ‌ళం విప్పేలా చేసి నైతికంగా టీడీపీని దెబ్బ‌తీయాల‌నేది వైసీపీ ఆలోచ‌న‌గా క‌నిపిస్తోంది.ఇక‌, ఇదే స‌మ‌యంలో అమ‌రావ‌తిలో టీడీపీ హ‌యాంలో ఇన్‌సైడ‌ర్ ట్రేడింగ్ జ‌రిగింద‌ని ఆధారాలు బ‌య‌ట‌పెట్ట‌డం ద్వారా ఆ పార్టీని డిఫెన్స్‌లో ప‌డేయడం మ‌రో వ్యూహంగా క‌నిపిస్తోంది.

ఓ వైపు టీడీపీ ఎమ్మెల్యేల్లోనే పార్టీ వాద‌న‌తో విభేదించేలా చేయ‌డం, మ‌రోవైపు ఇన్‌సైడ‌ర్ ట్రేడింగ్ ఆరోప‌ణ‌లు ప్ర‌జ‌ల్లోకి తీసుకెళ్ల‌డం ద్వారా రాజ‌ధానిపై చ‌ర్చ స‌మ‌యానికి టీడీపీని నైతికంగా ఇరుకున పెట్ట‌బోతోంది వైసీపీ. మ‌రి, వైసీపీ వ్యూహాల‌ను చంద్ర‌బాబు ఎలా ఎదుర్కుంటారో చూడాలి.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle