newssting
BITING NEWS :
*నేడు మంగళగిరిలో పవన్ పర్యటన...డొక్కా సీతమ్మ ఆహార శిబిరం ప్రారంభించనున్న పవన్ *ఉదయం పదిన్నర గంటలకు టిడిపి పార్లమెంటరీ పార్టీ సమావేశం *సాయంత్రం నాలుగు గంటలకు వైసీపీ పార్లమెంటరీ పార్టీ సమావేశం *సాయంత్రం 4 గంటలకు టీఆర్ఎస్ పార్లమెంటరీ పార్టీ సమావేశం.. కేకే, కేటీయార్ అధ్యక్షతన భేటీ * కేంద్ర మాజీ మంత్రి పి.చిదంబరం బెయిల్‌ పిటిషన్‌ హైకోర్టులో విచారణ*42వ రోజుకి చేరిన ఆర్టీసీ సమ్మె.. విలీనం అంశం వాయిదా *ఇవాళ డిపోల నుంచి గ్రామాలకు బైక్‌ ర్యాలీలు.. 16న నిరవధిక దీక్షలు, 17, 18 తేదీల్లో సామూహిక దీక్షలు.. 19న హైదరాబాద్‌ టు కోదాడ సడక్ బంద్*ముఖ్యమంత్రి నీరో చక్రవర్తిలా వ్యవహరిస్తున్నారు.. ప్రతీ పనిలోనూ జే ట్యాక్స్ విధిస్తున్నారు-చంద్రబాబు *వైసీపీలో చేరిన దేవినేని అవినాష్.. జగన్ వెంట నడుస్తానని టీడీపీ ఎమ్మెల్యే వల్లభనేని వంశీ

ప‌వ‌న్ ఇక ఫుల్ టైమ్ పొలిటీషియన్‌..!

29-07-201929-07-2019 08:16:14 IST
Updated On 29-07-2019 13:13:55 ISTUpdated On 29-07-20192019-07-29T02:46:14.708Z29-07-2019 2019-07-29T02:46:08.705Z - 2019-07-29T07:43:55.155Z - 29-07-2019

ప‌వ‌న్ ఇక ఫుల్ టైమ్ పొలిటీషియన్‌..!
facebooktwitterGooglewhatsappwhatsappGoogle
2019 ఎన్నిక‌ల్లో కింగ్ కాలేక‌పోయినా కింగ్‌మేక‌ర్‌గా అవ‌త‌రిస్తామ‌నుకున్న జ‌న‌సేన పార్టీ ఆశ‌లు ఆవిరయ్యాయి. వైఎస్ జ‌గ‌న్మోహ‌న్ రెడ్డి ప్ర‌భంజ‌నంలో జ‌న‌సేన పార్టీకి భారీ ఎదురుదెబ్బ త‌గిలింది. ఏకంగా ఆ పార్టీ అధ్య‌క్షులు ప‌వ‌న్ క‌ళ్యాణ్ సైతం రెండు స్థానాల్లో ఓడిపోయారు.

అయితే, ఆయ‌న ఓట‌మికి ప్ర‌ధాన కార‌ణాల్లో ఆయ‌న పార్ట్‌టైమ్ పొలిటీషియ‌న్ అనే ముద్ర ప‌డ‌టం కూడా ఒక‌టి. ఎన్నిక‌ల‌కు ముందు ఐదేళ్లు అధికారంలో ఉన్న చంద్ర‌బాబు నాయుడు ఏదో ఓ అధికారిక ప‌ర్య‌ట‌న పెట్టుకొని జిల్లాలు తిరుగుతూ ప్ర‌జ‌ల్లో ఉండేవారు.

ఇదే స‌మ‌యంలో ప్ర‌తిప‌క్ష నేత‌గా ఉండే జ‌గ‌న్మోహన్ రెడ్డి సైతం నిత్యం ప్ర‌జ‌ల్లో ఉన్నారు. ఆయ‌న గెలుపున‌కు కూడా ప్ర‌ధాన కార‌ణం ఇదే. వీరిద్ద‌రికీ ప్ర‌త్యామ్నాయం అవుతార‌నుకున్న ప‌వన్ క‌ళ్యాణ్ మాత్రం ఈ విష‌యంలో చాలా వెనుక‌బ‌డ్డారు. రాజ‌ధాని రైతుల స‌మ‌స్య‌లు, ఉద్దానం కిడ్నీ వ్యాధుల స‌మ‌స్య వంటి వాటిపై ఆయ‌న కొంత పోరాటం చేసినా ఆయ‌న ప్ర‌జ‌ల్లో ఉన్న రోజులు త‌క్కువే. దీంతో ఆయ‌న‌ను ప్ర‌త్యామ్నయంగా చూడ‌లేదు ప్ర‌జ‌లు.

ఎన్నిక‌ల్లో దారుణ ఓట‌మి త‌ర్వాత ప‌వ‌న్ క‌ళ్యాణ్ సైలెంట్ అవుతార‌ని అంతా అనుకున్నారు. కానీ, ప‌వ‌న్ మాత్రం తాను ఓట‌మిని ఎదుర్కునేందుకు సిద్ధంగానే ఉన్నాన‌ని, 25 ఏళ్ల పాటు రాజ‌కీయం చేయ‌డానికి వ‌చ్చాన‌ని, పార్టీని బ‌లోపేతం చేసుకుంటామ‌ని ప్ర‌క‌టించి పార్టీ క్యాడ‌ర్‌లో ధైర్యం నింపారు. త‌ర్వాత ఆయ‌న పార్టీలో ప‌లు క‌మిటీల‌ను నియ‌మించారు. త్వ‌ర‌లోనే స్థానిక సంస్థ‌ల ఎన్నిక‌లు కూడా జ‌ర‌గ‌నుండ‌టంతో అప్ప‌టిలోగా పార్టీని బ‌లోపేతం చేసే దిశ‌గా ఆయ‌న క‌స‌ర‌త్తు చేస్తున్నారు.

జ‌న‌సేన పార్టీ స్థాపించి ఐదేళ్లు ముగిసినా గ్రామ స్థాయి నుంచి రాష్ట్ర స్థాయి వ‌ర‌కు ఎక్క‌డా సంస్థాగ‌త నిర్మాణం స‌రిగ్గా జ‌రగ‌లేదు. ఇదే స‌మ‌యంలో వైసీపీ, టీడీపీలు బూత్ స్థాయి నుంచి క‌మిటీలు ఏర్పాటు చేసుకొని సంస్థాగ‌తంగా ప‌టిష్ఠంగా ఉన్నాయి. వాటిని ఎదుర్కోవాలంటే జ‌న‌సేన కూడా సంస్థాగ‌తంగా బ‌లోపేతం కావాల‌ని ప‌వ‌న్ క‌ళ్యాణ్ గుర్తించారు. ఇందుకోసం ఆయ‌న రాష్ట్ర స్థాయి నుంచి క‌స‌ర‌త్తు మొద‌లు పెట్టారు. న‌లుగురు స‌భ్యుల‌తో పోలిట్‌బ్యూరోను ఏర్పాటు చేశారు. 11 మంది స‌భ్యుల‌తో పొలిటిక‌ల్ అఫైర్స్ క‌మిటీని నియ‌మించారు.

29వ తేదీ నుంచి మూడు రోజుల పాటు పార్టీ నాయ‌కులు, వివిధ క‌మిటీల స‌భ్యుల‌తో వ‌రుస స‌మావేశాలు ఏర్పాటు చేయ‌నున్నారు. న‌ర‌సాపురం, కాకినాడ‌, రాజ‌మ‌హేంద్ర‌వ‌రం పార్ల‌మెంటు నియోజ‌క‌వ‌ర్గాల నేత‌ల‌తో ప‌వ‌న్ స‌మావేశం అవుతారు. తమ‌కు కొంత‌మేర ప‌ట్టున్న‌ ప్రాంతం కావ‌డంతో ముందు ఈ మూడు నియోజ‌క‌వ‌ర్గాల ప‌రిధిలో పార్టీని గ్రామ‌స్థాయి నుంచి బలోపేతం చేసే దివ‌గా పార్టీ శ్రేణుల‌కు ప‌వ‌న్ దిశానిర్దేశం చేస్తారు.

ముఖ్యంగా స్థానిక సంస్థ‌ల ఎన్నిక‌ల్లో గౌర‌వ‌ప్ర‌ద‌మైన స్థానాలు గెలుచుకోవాల‌నే ల‌క్ష్యంతో ప‌వన్ క‌ళ్యాణ్ ఉన్నార‌ని తెలుస్తోంది. సాధార‌ణంగా పార్టీ అధినేత‌లు నాయ‌కుల‌కు, కార్య‌క‌ర్త‌ల‌కు సూచ‌న‌లు ఇస్తుంటారు. ఏక‌ప‌క్షంగా ఈ వ్య‌వ‌హారం సాగుతుంది. కానీ, ప‌వ‌న్ క‌ళ్యాణ్ మాత్రం నాయ‌కులు, కార్య‌క‌ర్త‌ల అభిప్రాయాల‌ను సైతం తీసుకొని ప‌రిశీలించాల‌ని నిర్ణ‌యించారు. ఆయ‌న పార్టీ నేత‌లతో ముఖాముఖి నిర్వ‌హించి అంద‌రి అభిప్రాయాల‌నూ గౌర‌వించాల‌ని భావిస్తున్నారు. 


Sharat Bhamidi


With 5 years of experience in Digital Media, Sharat Bhamdi specialises in creating content for webistes, developing ad campaigns and social media campaigns. At NewsSting, he handles the video division where he brings in content through feature videos and interviews.
 sharat@rightfolio.co.in
      040 23600300

newsting
Daily Updates
facebooktwitterGooglewhatsappwhatsappGoogle