newssting
BITING NEWS :
* భారత్-అమెరికా మధ్య కుదిరిన ఐదు ఒప్పందాలు.. ట్రంప్‌తో నాకు ఇది ఐదో సమావేశం, ట్రంప్ సకుటుంబంగా భారత్‌కు రావడం సంతోషంగా ఉంది-ప్రధాని మోడీ*మూడు బిలియన్ డాలర్ల ఒప్పందం జరిగింది, సహజవాయురంగంలో ఒప్పందం చేసుకున్నాం-డొనాల్డ్ ట్రంప్ *ఇండియాతో మాకు ప్రత్యేక అనుబంధం, ఈ టూర్ ఎప్పటికీ మర్చిపోలేను, రెండు దేశాలకు ఇది ఉపయోగకరమైన పర్యటన, ఇస్లాం తీవ్రవాదంపై కూడా చర్చించాం-ట్రంప్ * నిర్భయ దోషుల ఉరి శిక్షలో మరో ట్విస్ట్..! విచారణ 5వ తేదీకి వాయిదా *ఐఆర్ఎస్ అధికారి జాస్తి కృష్ణకిషోర్‌ సస్పెన్షన్ రద్దుచేసిన క్యాట్.. కృష్ణకిషోర్‌ కేంద్ర సర్వీసులకు వెళ్లేందుకు ట్రైబ్యునల్‌ అనుమతి, కృష్ణకిషోర్‌పై కేసులను ప్రభుత్వం చట్టప్రకారం పరిశీలించుకోవచ్చన్న క్యాట్ *ఢిల్లీ సర్వోదయ స్కూల్‌లో అమెరికన్ ఫస్ట్ లేడీ మెలానియా ట్రంప్... హ్యాపిసెన్ క్లాస్‌లను పరిశీలించిన మెలానియా*రాజ్యసభ ఎన్నికల షెడ్యూల్‌ విడుదల.. నోటిఫికేషన్‌ మార్చి 6, నామినేషన్లకు చివరి తేది మార్చి 13, నామినేషన్ల పరిశీలన మార్చి 16, నామినేషన్ల ఉపసంహరణకు చివరి తేది మార్చి 18, మార్చి 26న ఉదయం 9 గంటల నుంచి సాయంత్రం 4 గంటల వరకు పోలింగ్. సాయంత్రం 5 గంటలకు కౌంటింగ్ * సాయంత్రం మోడీ-ట్రంప్ విందుకు హాజరుకానున్న ప్రముఖులు. రాలేనని సందేశం పంపిన మాజీ పీఎం మన్మోహన్ సింగ్

ప్రజారాజ్యం పార్టీకి జనసేనకు అదే తేడా...!-పార్ట్- 1

05-03-201905-03-2019 07:39:16 IST
Updated On 05-03-2019 07:39:41 ISTUpdated On 05-03-20192019-03-05T02:09:16.391Z05-03-2019 2019-03-05T02:03:26.424Z - 2019-03-05T02:09:41.070Z - 05-03-2019

ప్రజారాజ్యం పార్టీకి జనసేనకు అదే తేడా...!-పార్ట్- 1
facebooktwitterGooglewhatsappwhatsappGoogle
పవన్ కల్యాణ్ రాజకీయాల్లోకి వచ్చిన వెంటనే ఏపీలో ప్రతి ఒక్కరి నోటి నుంచి ఒకే మాట వస్తోంది. అప్పుడు అన్నయ్య, ఇప్పుడు తమ్ముడు. ఏం చేస్తారు, వారితో ఏం ఒరుగుతుంది? ఈ మాట చాలా మంది నోటి నుంచి వింటున్నాం. కానీ అప్పటి, ఇప్పటి పరిస్థితులను కొంచెం అర్థం చేసుకుంటే చిరంజీవి, పవన్ కల్యాణ్ రాజకీయాల మధ్య తేడా ఏంటో అర్థం అవుతుంది. పీఆర్పీ పెట్టిన కొత్తల్లో చిరంజీవి మొదటగా మేధావులను సంప్రదించారు. వారితో పలుమార్లు చర్చల తర్వాత స్పార్క్ అనే సామాజిక సంస్థ ఏర్పాటు చేశారు. 

పార్టీలో చేరే కార్యకర్తలకు రాజకీయాలు అంటే ఏంటో, ఎలా ఉండాలో ట్రైనింగ్ ఇచ్చారు. అంటే ఓ రకంగా తెలుగుదేశం పార్టీ పెట్టిన కొత్తల్లో ఎన్టీఆర్ గండిపేట రాజకీయ పాఠశాల వంటిదే అనుకోవాలి. కానీ పవన్ కల్యాణ్ ఇందుకు విరుద్ధం. పార్టీ పెట్టే ముందు తనకు తానే మేధావితనంగా ఆలోచించారు.

సమాజాన్ని అర్థం చేసుకునే ప్రయత్నం చేశారు. చేగువేరా స్పూర్తి, గుంటూరు శేషేంద్రశర్మ కవితలు... ఇలా పలు విషయాలను తెల్సుకుని జనం మధ్యకు వచ్చారు. ఇక చిరంజీవి ప్రజారాజ్యం పార్టీలో అభిమానులతో పాటు ఓ స్థాయి ఉన్న నేతలు క్యూ కట్టారు. అప్పట్లో వైఎస్ నాయకత్వంలోని కాంగ్రెస్ పార్టీ, చంద్రబాబు నాయకత్వంలోని తెలుగుదేశం పార్టీకి భిన్నంగా రాజకీయం ఉంటుందని ప్రకటించారు చిరంజీవి.

ఉమ్మడి రాష్ట్రంలో టీఆర్ఎస్ పార్టీ కూడా జనానికి దగ్గరైన రోజుల్లో, అంటే రాజకీయ శూన్యత లేని పరిస్థితుల్లో పార్టీ పెట్టి జనంలోకి వెళ్లారు చిరంజీవి. తన సినీ గ్లామర్ సాయంతో జనాన్ని ఒప్పించే ప్రయత్నం చేశారు. ఇప్పుడు పవన్ కల్యాణ్ కూడా ఇదే పరిస్తితి ఎదుర్కొంటున్నారు. విభజిత ఆంధ్రప్రదేశ్ రాష్ట్రంలో ఓవైపు అధికారంలో ఉన్న టీడీపీ, మరోవైపు బలంగా ఉన్న వైసీపీలకు భిన్నంగా పార్టీ నడుపుతున్నారు పవన్ కల్యాణ్.

అంతేకాదు... ఇప్పుడు ఏపీలో కూడా పొలిటికల్ వాక్యూమ్ లేదు. కానీ జనంలో క్రేజ్ సంపాదించుకున్నారు పవన్. అప్పట్లో చిరంజీవి అవునన్నా, కాదన్నా ఆయన పార్టీ వెంట నడిచింది కాపులే. ఇప్పుడు జనసేనకు దన్నుగా నిలుస్తోంది కూడా కాపులే.

అప్పట్లో కాంగ్రెస్ పార్టీ ఒంటరిగా బరిలో దిగింది. టీఆర్ఎస్, కామ్రేడ్లతో పొత్తు పెట్టుకుని చంద్రబాబు, ఒంటరిగా చిరంజీవి పోటీ చేశారు. ఇప్పుడు కామ్రేడ్లతో పవన్ కల్యాణ్ పొత్తు పెట్టుకున్నారు. వారి బలం అప్పుడు ఎంత ఉందో ఇప్పుడు అంతకంటే తగ్గింది. ఒక్కోసారి లెఫ్ట్ పార్టీ నేతలకు వారి సొంత ఓట్లే అక్కరకు రావన్నది వేరే విషయం. 

(ఇంకా ఉంది)


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle