newssting
BITING NEWS :
*జపాన్ టీంని ఓడించిన ఇండియన్ ఉమెన్స్ హాకీ టీం *ప్రత్యేక హోదాపై తేల్చేసిన కేంద్రం... దేశంలో ఏ రాష్ట్రానికీ ప్రత్యేక హోదా ప్రకటించే అవకాశం లేదన్న ఆర్థిక మంత్రి నిర్మలా సీతారామన్*బీహార్ లో మెదడువాపు వ్యాధికి బలమయిన 152 మంది చిన్నారులు *ప్రజావేదికను కూల్చేయండి.. సీఎం జగన్ ఆదేశం*కొనసాగుతున్న ఏపీలో కలెక్టర్ల కాన్ఫరెన్స్*అఫ్గాన్‌పై బంగ్లా ఘనవిజయం

పోరుగడ్డ... ఆళ్ళగడ్డ ... ఎవరి అడ్డా?

24-03-201924-03-2019 08:31:24 IST
2019-03-24T03:01:24.093Z24-03-2019 2019-03-24T03:01:17.832Z - - 26-06-2019

పోరుగడ్డ... ఆళ్ళగడ్డ ... ఎవరి అడ్డా?
facebooktwitterGooglewhatsappwhatsappGoogle
బాంబులగడ్డ ఆళ్లగడ్డ పోరు జనంలో రోజు రోజుకూ టెన్షన్ పెంచుతోందట. మొదటి నుంచీ ప్రత్యర్థులైన భూమా, గంగుల కుటుంబాలు ఈసారి కూడా ఆధిపత్యం కోసం తహతహలాడుతున్నాయి. ముఖ్యంగా వర్గ రాజకీయాలకు పైరైన ఆళ్లగడ్డలో ఈసారి హోరాహోరీ పోరు తప్పదని తెలుస్తోంది. 

1985 నుంచీ నేటి దాకా జరిగిన ఎన్నికల్లో గంగుల కుటుంబం 5 సార్లు గెలిస్తే, భూమా కుటుంబం 9 సార్లు విజయంతో పట్టు నిలుపుకుంది. ఈ ఎన్నికల్లో టీడీపీ అభ్యర్థిగా మంత్రి భూమా అఖిలప్రియా రెడ్డి బరిలో దిగారు. వైసీపీ అభ్యర్థిగా గంగుల బ్రిజేందర్ రెడ్డి పోటీ చేస్తున్నారు. జనసేన పోటీ ఇక్కడ నామమాత్రమే అనేది స్పష్టం. ఆళ్లగడ్డ, చాగలమర్రి, రుద్రవరం, శిరువెళ్ల, ఉయ్యాలవాడ, డోర్నపాడు మండలాలు ఉన్న ఈ నియోజకవర్గంలో బలిజలదే ప్రధాన ఓటింగ్.

 ఆ తర్వాత బీసీలు అధిక సంఖ్యలో ఉన్నారు. రెడ్ల ఓటింగ్ తక్కువే అయినా, మొదట్నించీ పెత్తనం మొత్తం వారిదే. ఇక అఖిల ప్రియ విషయానికొస్తే... భూమా కుటుంబ రాజకీయ నేపథ్యం ఆమెకు ప్లస్ పాయింట్ అవుతుంది. అలాగే మంత్రిగా దాదాపు 2 వేల కోట్ల రూపాయల నిధులతో నియోజకవర్గంలో అభివృద్ధి పనులు చేసినట్లు అఖిల ప్రియ చెప్పుకుంటున్నారు. ఆమె చెప్పినట్లు ఆళ్లగడ్డలో అభివృద్ధి జరిగితే కచ్చితంగా అఖిల ప్రియకు అడ్వాంటేజ్ అవుతుంది. అయితే ముఠా తగాదాలను ప్రోత్సహిస్తున్నారన్న ఆరోపణలు అఖిల ప్రియకు ఇబ్బందిగా మారాయట. 

ఇక మేనమామ ఎస్వీ సుబ్బారెడ్డి వైసీపీలో చేరడం మరో మైనస్ పాయింట్. అలాగే మొదటి నుంచీ భూమ కుటుంబానికి వ్యతిరేకంగా ఉన్న ఇరిగెల వర్గం కూడా వైసీపీతో చేతులు కలిపింది. ఇక భూమా నాగిరెడ్డికి ఆప్త మిత్రుడైన ఏ.వీ. సుబ్బారెడ్డి కూడా వైసీపీలో చేరుతున్నట్లు తెలుస్తోంది. అందుకే ఈ ఎన్నికలు అఖిల ప్రియకు కత్తిమీద సాములా మారాయట. ఇక వైసీపీ లోక్ సభ అభ్యర్థి పోచా బ్రహ్మానందరెడ్డి, ఉయ్యాలవాడ మండల వాసి కావడంతో అక్కడి ఓట్లు వైసీపీ అసెంబ్లీ అభ్యర్థికి వెళ్లే అవకాశాలు కనిపిస్తున్నాయట. 

ఇది కూడా అఖిలప్రియకు మైనస్ అవుతుందట. ఇక వైసీపీ అభ్యర్థి గంగుల బ్రిజేందర్ రెడ్డి విషయానికొస్తే... బలమైన రాజకీయ నేపథ్యం ఉన్న గంగుల కుటుంబానికి ఇప్పుడు ఇరిగెల వర్గం, ఏ.వీ. సుబ్బారెడ్డి వర్గం మద్దతు పలకడం ప్లస్ పాయింట్స్ అవ్వనున్నాయి. అయితే తన పెదనాన్న గంగుల ప్రతాప్ రెడ్డి టీడీపీలో ఉండటం ఇబ్బంది పెట్టే అంశంగా మారినా, జగన్ హవా తనను గెలిపిస్తుందని బ్రిజేందర్ రెడ్డి ధీమాగా ఉన్నారు. మొత్తానికి ఈ ఎన్నికలు అటు భూమా, ఇటు గంగుల కుటుంబాలకు సవాల్‌గా మారాయి.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle