newssting
BITING NEWS :
*కర్ణాటక అసెంబ్లీలో బలపరీక్ష *విజయవాడ రానున్న ఏపీ కొత్త గవర్నర్ బి.బి హరిచందన్ *బీజేపీ పార్లమెంటరీ సమావేశం*బీజేపీలో చేరనున్న మాజీ ఎంపీ వివేక్* ఎర్రమంజిల్ భవనం కూల్చివేతే కేసుపై హైకోర్టులో విచారణ *ప్రారంభం కానున్న జపాన్ ఓపెన్ బ్యాట్మింటన్ టోర్నీ

పోరాటానికి టీడీపీకి అస్త్రాలు దొరికాయోచ్....!

02-07-201902-07-2019 07:46:27 IST
2019-07-02T02:16:27.754Z02-07-2019 2019-07-02T02:16:07.285Z - - 24-07-2019

పోరాటానికి టీడీపీకి అస్త్రాలు దొరికాయోచ్....!
facebooktwitterGooglewhatsappwhatsappGoogle
కొత్త ప్ర‌భుత్వానికి ఆరు నెల‌ల పాటు స‌మ‌యం ఇస్తామ‌ని, అప్ప‌టి వ‌ర‌కు విమ‌ర్శ‌లు చేయ‌మ‌ని చెప్పిన తెలుగుదేశం పార్టీ ఇప్పుడు వైఖ‌రి మార్చుకుంది. స‌రిగ్గా జ‌గ‌న్ ముఖ్య‌మంత్రి ప్ర‌మాణ‌స్వీకారం చేసి నెల రోజులు గ‌డ‌వ‌క‌ముందే విమ‌ర్శ‌ల దాడి మొద‌లుపెట్టిన టీడీపీ నేత‌లు ఇప్పుడు మ‌రింత ఉధృతం చేశారు. ప్ర‌తీరోజూ ట్విట్ట‌ర్‌, మీడియా వేదిక‌గా టీడీపీ నేత‌లు వైసీపీ ప్ర‌భుత్వంపై విమ‌ర్శ‌ల వ‌ర్షం కురిపిస్తున్నారు.

వైఎస్సార్ కాంగ్రెస్ పార్టీపై విమ‌ర్శ‌లు చేయ‌డానికి ప్ర‌ధానంగా టీడీపీ రెండు కార‌ణాల‌ను వెతుక్కుంది. ఇందులో మొద‌టిది త‌మ కార్య‌కర్త‌ల‌పై దాడులు జ‌రుగుతున్నాయ‌నే ఆరోప‌ణ కాగా రెండోది రాష్ట్రంలో ఏర్ప‌డిన విత్త‌న కొర‌త‌. ఇప్పుడు ఈ రెండు అంశాల‌తోనే చంద్ర‌బాబు, లోకేశ్ స‌హా టీడీపీ నేత‌లంతా వైసీపీ ప్ర‌భుత్వంపై విమ‌ర్శ‌లు గుప్పిస్తున్నారు.

వైసీపీ అధికారంలోకి వ‌చ్చిన నాటి నుంచి రాష్ట్రంలో త‌మ కార్య‌క‌ర్త‌ల‌పై 150కి పైగా దాడులు జ‌రిగాయ‌ని, ఆరుగురు కార్య‌క‌ర్త‌ల‌ను హ‌త్య చేశార‌నేది తెలుగుదేశం పార్టీ ఆరోప‌ణ‌. దీనిపై డీజీపీ గౌత‌మ్ స‌వాంగ్‌ను క‌లిసి ఫిర్యాదు చేశారు. నారా లోకేశ్ సైతం మంగ‌ళ‌గిరిలో హ‌త్యకు గురైన టీడీపీ కార్య‌క‌ర్త కుటుంబాన్ని ప‌రామ‌ర్శించారు. ఇప్పుడు నేరుగా చంద్ర‌బాబు నాయుడు రంగంలోకి దిగాల‌ని నిర్ణ‌యించుకున్నారు. గుంటూరులో జ‌రిగిన పార్టీ ముఖ్య‌నేత‌ల స‌మావేశంలో ఆయ‌న ఈ మేరకు నిర్ణ‌యం తీసుకున్నారు.

త్వ‌ర‌లోనే దాడుల‌కు గురైన టీడీపీ కార్య‌క‌ర్త‌లు, హ‌త్య‌ల‌కు గురైన వారి కుటుంబ‌స‌భ్యుల‌ను ప‌రామ‌ర్శించాల‌ని నిర్ణ‌యించుకున్నారు. టీడీపీ నేత‌లు ఇది రాజ‌న్న రాజ్యం కాద‌ని రాక్ష‌స రాజ్యం అంటూ పెద్ద ఎత్తున విమ‌ర్శ‌లు చేస్తున్నారు. అయితే, వైసీపీ మాత్రం ఈ ఆరోప‌ణ‌ల‌ను కొట్టివేస్తోంది. టీడీపీకి కౌంట‌ర్‌గా వైసీపీ ఎమ్మెల్యే ఆళ్ల రామ‌కృష్ణారెడ్డి సైతంత డీజీపీని క‌లిసి టీడీపీ వారే త‌మ కార్య‌క‌ర్త‌ల‌పై దాడులు చేస్తున్నార‌ని, సోష‌ల్ మీడియాలో త‌ప్పుడు ప్ర‌చారం చేస్తున్నార‌ని ఫిర్యాదు చేశారు.

ఇక‌, రాష్ట్రంలో ఏర్ప‌డిన వేరుశ‌న‌గ విత్త‌నాల కొర‌త వ‌ల్ల రైతులు ఇబ్బంది ప‌డుతున్నారు. ముఖ్యంగా రాయ‌ల‌సీమ జిల్లాల్లో ఈ స‌మ‌స్య అధికంగా ఉంది. విత్త‌నాల కోసం రైతులు రోజుల త‌ర‌బ‌డి ఎదురు చూడాల్సి వ‌స్తోంది. ఈ అంశాన్ని టీడీపీ బాగా ఉప‌యోగించుకుంటోంది. రైతుల‌కు విత్త‌నాలు కూడా ఇవ్వ‌లేని ముఖ్య‌మంత్రి నీళ్లు ఇస్తారా అని నారా లోకేశ్ ప్ర‌శ్నిస్తూ ట్వీట్ చేశారు. జ‌గ‌న్ పూర్తిగా విఫ‌ల‌మ‌య్యార‌ని టీడీపీ పెద్ద ఎత్తున ప్ర‌చారం చేస్తోంది.

వైసీపీ మాత్రం ఈ ప్ర‌చారాన్ని తిప్ప‌కొడుతోంది. తాము అధికారంలోకి వ‌చ్చి నెల రోజులే అవుతుంద‌ని, కాబట్టి విత్త‌న కొర‌త‌కు బాధ్య‌త, త‌ప్పు గ‌త ప్ర‌భుత్వానిదే అని వ్య‌వ‌సాయ‌శాఖ మంత్రి క‌న్న‌బాబు ఆరోపిస్తున్నారు.

ఎన్నిక‌ల్లో విజ‌యం సాధించ‌గానే ముఖ్య‌మంత్రి జ‌గ‌న్ విత్త‌న కొర‌త‌పై స‌మీక్ష జ‌రిపి కొర‌త లేకుండా చూడాల‌ని ఆదేశించార‌ని, టీడీపీ ప్ర‌భుత్వం ఏపీసీడ్స్‌కు రూ.300 కోట్ల‌కు పైగా బ‌కాయిలు చెల్లించ‌క‌పోవ‌డం వ‌ల్లే ఇప్పుడు విత్త‌న కొర‌త ఏర్ప‌డింద‌ని చెబుతోంది.

ప్రభుత్వ వాద‌న ఎలా ఉన్నా ఈ రెండు అంశాల‌ను ఎంచుకొని ప్ర‌భుత్వాన్ని ఇరుకున పెట్టేందుకు తెలుగుదేశం పార్టీ బాగా ఉప‌యోగించుకుంటోంది. ఆరు నెల‌ల త‌ర్వాత ప్ర‌భుత్వంపై పోరాటం ప్రారంభించాల‌నుకున్న టీడీపీకి నెల రోజుల‌కే చేతినిండా ప‌ని దొరికింది. 

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle