newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

పాల్... ఫసక్ కామెంట్స్ !

07-01-201907-01-2019 18:16:36 IST
2019-01-07T12:46:36.998Z07-01-2019 2019-01-07T12:46:33.370Z - - 17-07-2019

పాల్... ఫసక్ కామెంట్స్ !
facebooktwitterGooglewhatsappwhatsappGoogle
కె.ఎ పాల్. పరిచయం అక్కర్లేని పేరు. తన బోధనల ద్వారా ప్రపంచస్థాయి అధినేతలను ప్రభావితం చేశానంటున్న కెఎ పాల్‌కు ప్రాణహాని ఉందిట. ఒక రాజకీయ పార్టీ స్థాపించి తర్వాత అడ్రెస్ లేకుండా పోయిన పాల్... తనను హత్య చేసేందుకు కొందరు కుట్ర చేస్తున్నారని ఆరోపించారు. ఏపీలో వచ్చే ఎన్నికల్లో  ప్రజాశాంతి పార్టీ అధికారంలోకి రావడం ఖాయం అంటూ ధీమా వ్యక్తం చేశారు. ఏపీలో చంద్రబాబు విఫలం అయ్యారని, తమ పార్టీ ప్రత్యామ్నాయం అంటూ ఆయన చేస్తున్న కామెంట్లు రాజకీయాల్లో పెనుదుమారం రేపుతున్నాయి, త్వరలో ప్రజా శాంతి పార్టీ ప్రభంజనం ఏమిటో చూస్తారని, అన్ని జిల్లాల్లో పర్యటనలు చేపట్టి చేరికలను ఆహ్వానిస్తాం అంటున్నారు పాల్. 

రెండేళ్లుగా ప్రజా శాంతి పార్టి భారతదేశాన్ని ఏ విధంగా రక్షించాలని ప్రణాళికలు తయారు చేస్తోందన్నారు. ఏపీలో ప్రజా శాంతి పార్టి పోటీ‌చేసేందుకు మూడు ప్రధాన కారణాలు ఉన్నాయన్నారు. సేవ్ సెక్యూలర్ ఇండియా, మోడి హామీలను విస్మరించారు, చంద్రబాబు పూర్తి గా వైఫల్యం చెందారని అందుకే తాను రాజకీయాల్లోకి వచ్చానంటున్నారు. రెండు కోట్ల మంది తనను అనుసరిస్తున్నారని, తన ప్రభావం చాలా ఉంటుందన్నారు.  ఏపీలో తాను అనేక గ్రామాల రూపురేఖలు మార్చానన్నారు. తాను సేవ చేయని గ్రామం లేదని,  ప్రకృతి వైపరీత్యాలు వస్తే కోట్ల రూపాయలు విరాళంగా ఇచ్చి ఆదుకున్నానన్నారు. ప్రజా శాంతి పార్టిని గెలిపిస్తే ఒక్కో నియోజకవర్గానికి వంద కోట్ల రూపాయల విరాళం ఇస్తానన్నారు పాల్.

ప్రజా శాంతి పార్టీ ఫిబ్రవరి వరకు సమావేశాలు పెట్టి మార్చిలో అభ్యర్దుల జాబితాను ప్రకటిస్తామన్నారు. తాము ఎవరితో పొత్తు అవసరం లేదని, ఎవరైనా తమతో కలిసి వస్తే ఐదో, పది సీట్లు కేటాయిస్తాం అన్నారు. తనకు ప్రాణహాని ఉందన్న విషయం గురించి పోలీసు అధికారులకు తెలిపానని, తనకు ఏదైనా జరిగితే సిఎం హోదాలో చంద్రబాబు‌దే‌ బాధ్యత అన్నారు. చంద్రబాబు అంటే తనకు గౌరవం ఉందని, ఆయన పాలనలో విఫలమయ్యారన్నారు. ఏపీలో ప్రతిపక్ష పార్టీ విఫలం అయిందని, అందుకే తాను రంగంలోకి దిగానన్నారు. తమ పార్టీదే అధికారం అంటున్నారు పాల్. గతంలోనూ పాల్ ఇలాంటి కామెంట్లే చేశారు. ఎన్నికలముందు హడావిడి చేయడం, తర్వాత కనిపించకుండా పోవడం పాల్‌కు అలవాటే అంటున్నారు వివిధ పార్టీల నేతలు. మరికొందరైతే ఈ ఏడాది ఉత్తమ జోక్ అంటూ సోషల్ మీడియాలో సెటైర్లు పేలుతున్నాయి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle