newssting
BITING NEWS :
*కర్ణాటక అసెంబ్లీలో బలపరీక్ష *విజయవాడ రానున్న ఏపీ కొత్త గవర్నర్ బి.బి హరిచందన్ *బీజేపీ పార్లమెంటరీ సమావేశం*బీజేపీలో చేరనున్న మాజీ ఎంపీ వివేక్* ఎర్రమంజిల్ భవనం కూల్చివేతే కేసుపై హైకోర్టులో విచారణ *ప్రారంభం కానున్న జపాన్ ఓపెన్ బ్యాట్మింటన్ టోర్నీ

పాలకొల్లులో ఎస్వీరంగారావు ఫిల్మ్ ఇనిస్టిట్యూట్.. పవన్ ప్లాన్

01-07-201901-07-2019 07:35:30 IST
Updated On 03-07-2019 12:53:54 ISTUpdated On 03-07-20192019-07-01T02:05:30.854Z01-07-2019 2019-07-01T01:57:23.617Z - 2019-07-03T07:23:54.668Z - 03-07-2019

పాలకొల్లులో ఎస్వీరంగారావు ఫిల్మ్ ఇనిస్టిట్యూట్.. పవన్ ప్లాన్
facebooktwitterGooglewhatsappwhatsappGoogle
2019ఎన్నికల్లో షాక్ తర్వాత పవన్ కళ్యాణ్ చాలా సీరియస్ గా ఆలోచిస్తున్నారు. తన అన్న చిరంజీవి అత్తగారి ఊరైన పాలకొల్లులో ఏదైనా ఫిల్మ్ ఇనిస్టిట్యూట్ పెట్టాలని నిర్ణయించారు. తెలుగు తేజాన్నివిశ్వవ్యాప్తం చేసిన దిగ్గజ నటుడు ఎస్వీ రంగారావు పేరుతో ఫిల్మ్ ఇన్‌స్టిట్యూట్ ప్రారంభించాలని నిర్ణయించారు.

దీనిని జనసేన పార్టీ ఆధ్వర్యంలో పశ్చిమగోదావరి జిల్లా ప్రారంభించనున్నట్టు  పార్టీ ప్రకటించింది. త్వరలో జనసేన అధినేత పవన్ కల్యాణ్ ఈ ఇన్ స్టిట్యూట్‌ను ప్రారంభించనున్నారు. 2009 ఎన్నికల్లో ప్రజారాజ్యం పార్టీ తరఫున చిరంజీవి పాలకొల్లులో పోటీచేసి కాంగ్రెస్ అభ్యర్థి బంగారు ఉషారాణి చేతిలో ఓటమి పాలయ్యారు. 

తర్వాత ఏపీ రాజకీయాల్లో జరిగిన పరిణామాలు అందరికీ తెలిసినవే. 2019లో పవన్ కళ్యాణ్ జనసేన పార్టీని ఎన్నికల క్షేత్రంలో నిలిచారు. భీమవరం, గాజువాక నుంచి పోటీచేసి ఓడిపోయారు.కానీ స్వంత జిల్లాకు రాష్ట్ర వ్యాప్తంగా గుర్తింపు తేవాలని పవన్ భావిస్తున్నారు. అందులో భాగంగానే పవన్ ఫిల్మ్ ఇనిస్టిట్యూట్ ఆలోచన చేశారు.

చిరంజీవి మామగారు పద్మశ్రీ అల్లు రామలింగయ్య, దాసరి నారాయణ రావు, కోడి రామకృష్ణ లాంటి ఉద్దండులను సినీ రంగానికి అందించిన ఘనత పాలకొల్లుకు దక్కుతుంది. అలాంటివారిని గుర్తుంచుకోవడానికి ఈ ఇనిస్టిట్యూట్ దోహదం చేస్తుందని జనసేన పార్టీ ఓ ప్రకటనలో పేర్కొంది. 

రాజా వన్నెంరెడ్డి, బన్నీ వాసుల నేతృత్వంలో నడిచే ఈ ఇన్‌స్టిట్యూట్‌కి హరిరామజోగయ్య చైర్మన్‌ కాగా, రాజా వన్నెంరెడ్డి ప్రిన్సిపాల్‌గా వ్యవహరిస్తారు. శిక్షణ విధానం, ఫ్యాకల్టీ సిద్ధంగా ఉందని.. నటన, దర్శకత్వ విభాగాల్లో శిక్షణ ఇవ్వనున్నట్టు తెలిపారు. త్వరలో ముహుర్తం ఖరారు చేస్తామని ఆ ప్రకటన తెలిపింది.

మొత్తం మీద తెలుగు చలనచిత్రరంగంలో పాలకొల్లు ఖ్యాతి మరింతగా పెరుగుతుందని స్థానికులు, సినీ అభిమానులు హర్షం వ్యక్తం చేస్తున్నారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle