newssting
BITING NEWS :
*భారత్ లో అమెరికా అధ్యక్షుడు ట్రంప్ పర్యటన.. భారీ భద్రతా ఏర్పాట్లు *చిత్తూరు జిల్లాలో గుప్త నిధుల తవ్వకాల కలకలం..శ్రీ చౌడేశ్వరి ఆలయం వెనకాల ప్రాంతంలో తవ్వకాలు *ఆదిలాబాద్‌ గుడిహత్నూర్‌లో దారుణం....బాలికపై ఇద్దరు కామాంధుల అత్యాచారం* చైనాలో కొనసాగుతున్న కరోనా మరణమృదంగం....ఇప్పటివరకు 2వేల 460కి చేరిన కొవిడ్-19 మృతుల సంఖ్య*ఒడిశా : పూరీ జిల్లా పిప్పిలి ప్రాంతంలో ఏనుగుల బీభత్సం...ఏనుగుల దాడిలో ముగ్గురు మృతి.., ఐదుగురికి గాయాలు *గుజరాత్‌లోని వడోదరలో ఘోర రోడ్డు ప్రమాదం..ట్రక్కు- టెంపో ఢీ, 11మంది మృతి *68వ రోజు కొనసాగుతున్న రాజధాని రైతుల ఆందోళన... హైకోర్టు ఆదేశాలతో తుళ్లూరులో ఎంక్వైరీ చేపట్టిన పోలీసులు* ఢిల్లీలోని జఫ్రాబాద్ మెట్రో స్టేషన్‌లో సీఏఏకు వ్యతిరేకంగా ఆందోళనలు..భారీగా తరలివచ్చిన మహిళలు*తిరుమలలో మరోసారి ప్రత్యక్షమైన బంగారు బల్లి.. చూసేందుకు బారులు తీరిన భక్తులు....శిలాతోరణం చక్రతీర్థంలో బంగారు బల్లి ప్రత్యక్షం

పవన్ జనసేన పయనమెటు? యురేనియం ఆందోళన కలిసొస్తుందా?

14-09-201914-09-2019 11:04:13 IST
Updated On 14-09-2019 10:58:30 ISTUpdated On 14-09-20192019-09-14T05:34:13.056Z14-09-2019 2019-09-14T05:27:47.387Z - 2019-09-14T05:28:30.850Z - 14-09-2019

పవన్ జనసేన పయనమెటు? యురేనియం ఆందోళన కలిసొస్తుందా?
facebooktwitterGooglewhatsappwhatsappGoogle
జనసేన సార్వత్రిక ఎన్నికల తరువాత ఆ పార్టీ కార్యకలాపాలన్నీ పార్ట్ టైమ్ రాజకీయాలను తలపిస్తున్నాయి. సార్వత్రిక ఎన్నికల సమయంలో కూడా జనసేన హడావుడంతా ఆ పార్టీ అధినేత పవన్ కల్యాణ్ చుట్టూనే తిరిగింది.

జనంలో పవన్ పట్ల ఉన్న అభిమానం, సమస్యలపై ఆయన స్పందించే తీరు పట్ల సానుకూలత వ్యక్తమౌనా...ఆ అభిమానం, ఆ సానుకూలత ఓట్ల రూపంలో కనిపించకపోవడానికి కారణం...జనసేనలో రాజకీయ నేపథ్యం ఉన్న నేతగానీ, పవన్ వినా ప్రజాసమస్యలపై గళమెత్తగల నాయకుడు కానీ లేకపోవడం. 

దీంతో పవన్ కల్యాణ్ ఎక్కడ ఉంటే అక్కడ మాత్రమే జనసేన జెండాలు కనిపించేవి. అంటే పవన్ ఏ ప్రాంతంలో, ఏ నియోజకవర్గంలో పర్యటిస్తే అక్కడే జనసేన సందడి కనిపించేది. అది ఆయన అక్కడ ఉన్న రోజు మాత్రమే జనసేన హడావుడి ఉండేది.

అందుకే జనసేన అంటే  ఒక పార్టీగా జనం భావించలేదు. జనసేన అంటే పవన్ కల్యాణ్ మాత్రమే అని భావించారు. అందుకే పార్టీగా జనసేనకు ఓట్లు రాలేదు. సార్వత్రిక ఎన్నికల తరువాత జనసేన విలీనంపై పలు వార్తలు వచ్చినా ఆ పార్టీ అధినేత వాటన్నిటికీ ఖండించారు. 

అంతే కాకుండా గెలుపు ఓటములకు అతీతంగా పార్టీని సిద్ధాంత ప్రాతిపదికన నిజాయితీకి, నిబద్ధతకు మారుపేరుగా కొనసాగిస్తానని ఉద్ఘాటించారు. జనబాహుల్యంలో జనసేనాని పవన్ కల్యాణ్ పై జనంలో విశ్వసనీయతను పెంచిన అంశమిది.

అయితే రాజకీయ పార్టీగా ఎప్పడూ క్రియాశీలంగా ఉండటం, ప్రజాక్షేత్రంలో సమస్యలపై గళమెత్తడం అన్న విషయంలో మాత్రం జనసేన వెనుకబడుతున్నది. ఈ విషయంలో జనసేన తన కార్యాచరణపై సమీక్ష నిర్వహించుకోవలసిన అవసరం ఉన్నది. సార్వత్రిక ఎన్నికలకు ముందు,  అంత కంటే ముందు కూడా తమ సమస్యలను జనసేనాని పవన్ కల్యాణ్ ప్రస్తావిస్తే పరిష్కారం దిశగా ప్రభుత్వం కదులుతుందన్న విశ్వాసం జనంలో ఉండేది. 

ఉద్దానం సమస్యపై కానీ, ఫాతిమా మెడికల్ కాలేజీ వ్యవహారంలో కానీ పవన్ కల్యాణ్ గళమెత్తడం వల్లనే అప్పటి తెలుగుదేశం ప్రభుత్వం కార్యాచరణను ప్రారంభించిందని చెప్పడానికి సందేహించాల్సిన అవసరం లేదు. అటువంటి జనసేన పార్టీ ప్రజాసమస్యలపై గళమెత్తే విషయంలో ఇటీవలి కాలంలో వెనుకబడింది.

జనసేన కార్యక్షేత్రమైన ఆంధ్రప్రదేశ్ లో ఇసుక సమస్యపై కానీ, నవ్యాంధ్రప్రదేశ్ నిర్మాణం విషయంలో కానీ ప్రజల తరఫున జనసేన నిలబడిన దాఖలాలు లేవు. ఏదో యథాలాపంగా ఒక ప్రకటన విడుదల చేసి మిన్నకుండటంతో ఆ పార్టీ పయనమెటన్న అనుమానం సామాన్య ప్రజలలో నెలకొని ఉంది.

ఇప్పుడు నల్లమల రక్షణ కోసం యురేనియం తవ్వకాలకు వ్యతిరేకంగా ప్రజల తరఫున పోరాడతామంటూ జనసేనాని పవన్ కల్యాణ్ ఇచ్చిన పిలుపు జనసేనకు జవసత్వాలను తీసుకువస్తుందని ఆయన అభిమానులు, పార్టీ శ్రేణులూ ఆశాభావంతో ఉన్నారు.  

పవన్ కల్యాణ్ రాజకీయ ప్రవేశం నుంచీ కూడా తనదైన ప్రత్యేక శైలిలో ముందుకు వెళుతున్నారు. తొలి రోజులలో విజయం కోసం కాదు అంటూ చేసిన ప్రసంగాలు...పార్టీ పురోగతికి ఒకింత చేటు చేశాయని చెప్పాలి. రాజకీయ పార్టీ నేతగా విజయంపై ధీమా వ్యక్తం చేయాలి. కేడర్ లో విజయం పట్ల విశ్వాసాన్ని పెంపొందించాలి.

ఆ తరువాత తరువాత పార్టీ గెలుపు విషయంలో ధీమా వ్యక్తం చేసినప్పటికీ ప్రణాళికాబద్ధంగా ప్రచార నిర్వహణలో కానీ, అభ్యర్థుల ఎంపిక విషయంలో కానీ అవసరమైనంత శ్రద్ధ చూపలేదన్న భావన పార్టీ శ్రేణుల్లోనే వ్యక్తమైంది. అయితే పార్టీ పరాజయంతో కృంగిపోకుండా ప్రజల పక్షాన జనసేన నిలబడుతుందన్న విశ్వాసాన్ని పవన్ కల్యాణ్ సామాన్యులలో కలిగించేందుకు చేస్తున్న ప్రయత్నాలు పార్టీ భవిష్యత్ పై ఆశలు రేకెత్తిస్తున్నాయి. యురేనియం విషయంలో జనసేన స్టాండ్ ఆ పార్టీకి ఏ మేరకు ప్రయోజనం చేకూరుస్తుందో వేచి చూడాల్సిందే.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle