newssting
BITING NEWS :
* గోదావరిలో పర్యాటక బోటు మునక పలువురు గల్లంతు. *వైసీపీ ప్రభుత్వ పాలనలో ప్రజలకెన్నో ఇబ్బందులు.. ఇక పోరాటమే:పవన్ కళ్యాణ్ *.హైదరాబాద్ చేరుకున్న సత్య నాదెళ్ళ ...తండ్రి మాజీ ఐఏఎస్ అధికారి బీఎన్ యుగంధర్ అంత్యక్రియలు *బద్వేలులో భారీ అగ్నిప్రమాదం *హుజూర్‌నగర్‌ అభ్యర్థిని ప్రకటించిన కాంగ్రెస్‌ ...కాంగ్రెస్‌ అభ్యర్థిగా పద్మావతి *మిగులు రాష్ట్రాన్ని దివాలా తీయించారు ..కేసీఆర్ పై భట్టి విమర్శలు *నేడు భారత్‌–దక్షిణాఫ్రికా తొలి టి20

పల్నాడు పోరాటంలో గెలుపెవరిది.? ఓటమి ఎవరికి..?

12-09-201912-09-2019 16:17:21 IST
2019-09-12T10:47:21.156Z12-09-2019 2019-09-12T09:47:32.836Z - - 15-09-2019

పల్నాడు పోరాటంలో గెలుపెవరిది.? ఓటమి ఎవరికి..?
facebooktwitterGooglewhatsappwhatsappGoogle
ఛలో ఆత్మకూరు అంటే అధికార, విపక్షాలు పోటాపోటీగా నిర్వహించిన కార్యక్రమంలో చివరికి ఎవరిది గెలుపు, ఎవరికి ఓటమి అన్నది వైకాపా, తెలుగుదేశం పార్టీల మధ్య మరో వివాదంగా మారింది. పల్నాడు క్షేత్రంగా  అధికార, విపక్షాలు పరస్పరం ఢీకొన్నాయి. సవాళ్లు, ప్రతి సవాళ్లు విసురుకున్నాయి. చంద్రబాబు పిలుపు మేరకు తెలుగుదేశం చేపట్టిన ఛలో ఆత్మకూరు కార్యక్రమాన్ని భగ్నం చేయడమే లక్ష్యంగా వైకాపా అడుగులు వేసింది. చివరకు తెలుగుదేశం శ్రేణులను, నేతను ఎక్కడికక్కడ నిలువరించడం ద్వారా పంతం నెరవేర్చుకుంది.

సాక్షాత్తూ తెలుగుదేశం అధినేత చంద్రబాబునాయుడిని గృహ నిర్బంధంలో పెట్టింది. పెద్ద సంఖ్యలో టీడీపీ కార్యకర్తలను అదుపులోనికి తీసుకుంది. ఏకంగా ఊళ్లకు ఊళ్లను నిర్బంధంలోనికి తీసుకున్నారా అన్నట్లుగా పోలీసుల  మోహరింపు జరిగింది. మొత్తానికి ఛలో ఆత్మకూరు కార్యక్రమం భగ్నమైంది. అయితే ఈ వ్యవహారంలో విజయం ఎవరిది. పరాజితులెవరు? అన్న ప్రశ్నకు మాత్రం ఏపార్టీ సమాధానం ఆ పార్టీకి ఉంది. ఇంతకీ ఎవరు గెలిచారు. ఆత్మకూరు వెళ్లలేకపోయిన తెలుగుదేశం పార్టీదా, పెద్ద ఎత్తున పోలీసులను మోహరించడం ద్వారా పల్నాడు మొత్తం ఖైదులో ఉందని పించేలా నిర్బంధాన్ని ప్రయోగించిన వైకాపాదా? అయితే రాజకీయ వ్యూహాలలో ఆరితేరిన చంద్రబాబు రాజకీయంగా ఛలో ఆత్మకూరు పిలుపు ద్వారా వైకాపాపై పై చేయి సాధించారనే చెప్పాలి.

ప్రభుత్వం నిర్బంధ అస్త్రం ప్రయోగిస్తుందని తెలిసినా ఛలో ఆత్మకూరు పిలుపు ద్వారా జాతీయ స్థాయిలో అందరి దృష్టినీ ఆకర్షించారు. ఏపీలో ప్రభుత్వ ప్రచారానికి తప్ప ఇంకే విషయానికీ పెద్దగా ప్రాధాన్యత ఇవ్వని జాతీయ మీడియా సైతం ఛలో ఆత్మకూరు కార్యక్రమానికి విస్తృత కవరేజ్ ఇచ్చింది. దీంతో ఏపీలో నిర్బంధం ఏ రేంజ్ లో ఉందో దేశం మొత్తానికీ తెలియజేయడంలో చంద్రబాబు సఫలమయ్యారు.

ఇప్పటికే వంద రోజుల పాలనలో జగన్ దూకుడు నిర్ణయాలు, వ్యవహార శైలి కారణంగా ప్రభుత్వం విపక్ష పార్టీ పట్ల కక్ష సాధింపు ధోరణిని అనుసరిస్తున్నదన్న అభిప్రాయం జనంలో ఏర్పడింది. తాజాగా ఛలో ఆత్మకూరు భగ్నంతో అది బలపడే అవకాశాలు మెండుగా కనిపిస్తున్నాయి. 

కరకట్ట మీద అక్రమ కట్టడాలంటూ ప్రజావేదిక కూల్చివేతతో ఆగిపోవడం, పోలవరం టెండర్ల రద్దు, అమరావతి విషయంలో అయోమయం సృష్టించే విధంగా మంత్రుల ప్రకటనలు ఇవన్నీ వైకాపా సర్కార్ గత ప్రభుత్వ నిర్ణయాలను తిరగదొడటమే లక్ష్యంగా పని చేస్తున్నదన్న అనుమానాలు బలపడేందుకు దోహదపడ్డాయి. ఇక పీపీఏల రద్దు విషయంలో వైకాపా సర్కార్ దూకుడు, కోర్టులు సహా అన్ని వైపుల నుంచీ వ్యతిరేకత రావడం వల్ల వెనకడుగు వేయాల్సిన పరిస్థితి వైకాపా ప్రభుత్వానికి ప్రతిష్ట పెంచేవిగా ఏమీ లేవు. ఈ నేపథ్యంలోనే తాజాగా చలో ఆత్మకూరు కార్యక్రమం భగ్నాన్ని తీసుకోవలసి ఉంటుంది.

Image result for palnadu ysrcp tdp war

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle