newssting
BITING NEWS :
*విషమంగానే మాజీ రాష్ట్రపతి ప్రణబ్ ఆరోగ్యం.. వెంటిలేటర్ పై చికిత్స *వనపర్తి జిల్లా నాగపూర్ లో విషాదం ఒకే కుటుంబంలో నలుగురి ఆత్మహత్య *హైద‌రాబాద్‌: పంచాయతీ,మండల, జిల్లాప్రజా పరిషత్‌లకు 15వ ఆర్థిక సంఘం నిధుల పునరుద్ధరణ.. ఆరేళ్ల క్రితం నిలిపివేసిన ఆర్థికసంఘం.. ఈ ఏడాదికి రూ.1,847 కోట్ల నిధుల మంజూరు*ఢిల్లీ: ప్ర‌శాంత్ భూష‌ణ్ కోర్టు ధిక్క‌ర‌ణ సుమోటో కేసులో సుప్రీంకోర్టు తీర్పు... ప్ర‌శాంత్ భూష‌ణ్‌ను దోషిగా తేల్చిన జ‌స్టిస్ అరుణ్ మిశ్రా నేతృత్వంలోని ధ‌ర్మాస‌నం.. శిక్ష‌పై ఈ నెల 20న వాద‌న‌లు వింటాం-సుప్రీం*హైద‌రాబాద్‌: కోవిడ్ కి ఉచిత చికిత్స చేయాలి.. కరోనాతో ఆదాయ మార్గం పోయింది కాబట్టి పేదలకు ఆరు నెలల పాటు రూ. 7500 చొప్పున‌ ఇవ్వాలి-ప్రొఫెస‌ర్ కోదండరాం*భార‌త్‌లో రికార్డు స్థాయిలో పెరుగుతున్న కరోనా కేసులు, మరణాలు.. గడచిన 24 గంటల్లో 64,553 కరోనా కేసులు నమోదు, 1007 మంది మృతి.. 24,61,191కు చేరుకున్న క‌రోనా పాజిటివ్ కేసులు, ఇప్ప‌టి వ‌ర‌కు 48,040 మంది మృతి*తెలంగాణ‌లో 1921 పాజిటివ్ కేసులు నమోదు, 9 మంది మృతి.. 88396కు చేరిన పాజిటివ్ కేసుల సంఖ్య‌, ఇప్పటి వరకు 674 మంది మృతి

నెవ్వర్ బిఫోర్.. సీఎం హోదాలో సీబీఐ కోర్టులో జగన్!

10-01-202010-01-2020 13:39:23 IST
2020-01-10T08:09:23.777Z10-01-2020 2020-01-10T08:09:20.578Z - - 15-08-2020

నెవ్వర్ బిఫోర్.. సీఎం హోదాలో సీబీఐ కోర్టులో జగన్!
facebooktwitterGooglewhatsappwhatsappGoogle
సీఎం జగన్మోహన్ రెడ్డి ఈసారైనా కోర్టుకు వస్తారా? లేక గత ఏడాదిలాగానే ఈ వారం కూడా సాకులు చూపి కోర్టుకి డుమ్మా కొడతారా? జగన్ సీఎం హోదాలో కోర్టు బోనులో నిలబడితే రాష్ట్రంలో వైసీపీ రాజకీయంగా ఎలాంటి సవాళ్లను ఎదుర్కోవాల్సి వస్తుంది? గత వారం రోజులుగా రెండు తెలుగు రాష్ట్రాలలో సాగిన రాజకీయ చర్చలలో ఇదే కీలకం. కాగా, చివరికి సీఎం జగన్మోహన్ రెడ్డి కోర్టులో అడుగుపెట్టారు.

అక్రమాస్తుల కేసులో విచారణ నిమిత్తం జగన్మోహన్ రెడ్డి నాంపల్లి సీబీఐ కోర్టుకు హాజరయ్యారు. ఏపీ నుండి ప్రత్యేక విమానంలో బేగంపేట ఎయిర్‌పోర్టుకు చేరుకున్న ఆయన నేరుగా నాంపల్లిలోని సీబీఐ ప్రత్యేక కోర్టుకు వచ్చారు. అక్రమాస్తుల కేసులో జగన్‌‌పై 11 చార్జిషీట్లను సీబీఐ అధికారులు కోర్టులో దాఖలు చేసిన విషయం తెలిసిందే.

ప్రతి చార్జ్‌‌షీట్ లో ఏ-1 నిందితుడిగా జగన్, ఏ2గా విజయసాయిరెడ్డి ఉన్నారు. దీంతో సీఎం జగన్ తో పాటు విజయసాయిరెడ్డి.. ఆ కేసులలో మరో నిందితులుగా ఉన్న మాజీ మంత్రి ధర్మాన ప్రసాదరావు కూడా కోర్టు ముందు హాజరయ్యారు. ఈ కేసులలోనే ఆరోపణలు ఎదుర్కొంటున్న దంపతులు కొండా మురళి, సురేఖ కూడా కోర్టుకు చేరుకున్నారు.

జగన్మోహన్ రెడ్డి చివరికి గత ఏడాది మార్చిలో కోర్టు విచారణకి హాజరుకాగా అక్కడి నుండి ఏవో సాకులతో వ్యక్తిగత హాజరు కాకుండా వస్తున్నారు. ఆ తర్వాత ఎన్నికలు రావడం.. గెలిచి ఆయన సీఎం కావడంతో అప్పటి నుంచి ప్రతి వారం వ్యక్తిగత హాజరు నుంచి మినహాయింపు కోరుతూ వచ్చాయి. ఒకదశలో సిబిఐ కోర్టు సీరియస్ అయి బెయిల్ రద్దు చేస్తుందని ప్రచారం జరిగినా జగన్ కోర్టుకి రాలేదు.

అయితే పదే పదే కోర్టుకు గైర్హాజరుకావడంపై సీబీఐ కోర్టు న్యాయమూర్తి బీఆర్‌ మధుసూదనరావు గత వారం తీవ్ర అసహనం వ్యక్తం చేస్తూ సహా నిందితులతో సహా నిందితుడు జగన్ హాజరుకావాల్సిందేనని తీవ్రంగా హెచ్చరించారు. దీంతో ఈరోజు విజయసాయి, ధర్మానతో సహా జగన్ సిబిఐ కోర్టుకి హాజరయ్యారు. దాదాపు రెండు గంటలపాటు జగన్ కోర్టులోనే ఉన్నారు.

కాగా.. ఈ కేసులలో జగన్ మరోసారి వ్యక్తిగత హాజరు నుంచి మినహాయింపు కోరారు. గతంలో తన తరపున తన లాయర్ కోర్టుకి హాజరవుతారని చెప్పగా కోర్టు అభ్యర్ధన తిరస్కరించింది. అయితే ఇప్పుడు తన తరపున సహ నిందితుడు హాజరు అవుతారని, తన వ్యక్తిగత హాజరుకు మినహాయింపు ఇవ్వాలని జగన్ న్యాయవాది కోరారు. ఈ కేసును కోర్టు ఈ నెల 17కు వాయిదా వేసింది.

మొత్తానికి సుమారు ఏడాది తర్వాత వైస్ జగన్ సీఎం హోదాలో తొలిసారి కోర్టులో అడుగుపెట్టారు. గత మూడు నెలలుగా చర్చలు రేపిన ఈ వ్యవహారంపై ఏపీలో ప్రతిపక్షాలు ఎలా స్పందిస్తాయి.. రాజధాని పరిస్థితిలు ఒక్కపక్క.. జగన్ కోర్టు హాజరు మరోపక్క.. ప్రభుత్వం వీటిని ఎలా అధిగమిస్తుంది అన్నది చూడాల్సి ఉంది.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle