newssting
BITING NEWS :
*ఉన్నావ్ అత్యాచార బాధితురాలు మృతిపై నిరసనలు.. బాధిరాలి కుటుంబాన్ని పరామర్శించిన ప్రియాంకా గాంధీ *నేడు మండపేటలో పవన్ కల్యాణ్ పర్యటన... రైతుల సమస్యలు తెలుసుకోనున్న పవన్ *పఠాన్ చెరువులో బయటపడ్డ మరో సంగీత ఉదంతం.. అత్తింటి వేధింపులపై మాట్లాడేందుకు వెళ్లిన అత్తామామలపై దాడి చేసిన అనూష భర్త, అతని సోదరుడు*నేడు భారత్-వెస్టిండీస్ మధ్య రెండో టీ-20 మ్యాచ్.. తిరువనంతపురం వేదికగా రాత్రి 7 గంటలకు మ్యాచ్ ప్రారంభం*జీహెచ్ఎంసి టౌన్ ప్లానింగ్ లో భారీగా బదిలీలు... 49మంది సెక్షన్ అధికారులను బదిలీ చేసిన జీహెచ్ఎంసి అధికారులు*కేంద్ర మంత్రి నిర్మలా సీతారామన్ కు తెలంగాణ ముఖ్యమంత్రి కెసిఆర్ లేఖ.తెలంగాణకు పన్నుల వాటా పన్నుల విడుదల చేయాలని వినతి *ఏపీలో పెరిగిన ఆర్టీసీ చార్జీలు.. పల్లె వెలుగు, సిటీ సర్వీసులపై కిలోమీటర్ కు 10 పైసలు పెంపు... మిగిలిన అన్ని సర్వీసులపై కిలోమీటర్ కు 20 పైసలు పెంపు*ఎన్ కౌంటర్ మృత దేహాలను గాంధీ ఆసుపత్రికి తరలించాలని హైకోర్టును ఆశ్రయించిన పాలమూరు ఎస్పీ*అమ్మ రాజ్యంలో కడప బిడ్డలు సినిమా విడుదలకు తొలగిన అడ్డంకి...12న విడుదల *కడపజిల్లాలో దొంగనోట్ల చలామణి ముఠా గుట్టురట్టు

నిరూపిస్తే.. ఏ శిక్షకైనా సిద్ధమే.. వైసీపీ ఎమ్మెల్యే

07-10-201907-10-2019 11:02:48 IST
Updated On 07-10-2019 12:26:32 ISTUpdated On 07-10-20192019-10-07T05:32:48.214Z07-10-2019 2019-10-07T05:32:43.377Z - 2019-10-07T06:56:32.935Z - 07-10-2019

నిరూపిస్తే.. ఏ శిక్షకైనా సిద్ధమే.. వైసీపీ ఎమ్మెల్యే
facebooktwitterGooglewhatsappwhatsappGoogle
తన ఇంటిపై దాడి చేసి, తనను, తన తల్లిని వేధించారంటూ మండల పరిషత్ అభివృద్ధి అధికారిణి ఎ. సరళ చేసిన ఆరోపణలు నిజమే అని నిరూపిస్తే ఏ శిక్షకైనా తాను సిద్ధమేనని నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి పేర్కొన్నారు. ఈ వ్యవహారంలో తన ప్రమేయం ఏమాత్రం ఉందని రుజువైతే వైఎస్సార్సీపీ అధినేత, ముఖ్యమంత్రి వైఎస్ జగన్మోహన్ రెడ్డి తనను పార్టీనుంచి బహిష్కరించినా కట్టుబడతానని చెప్పారు. 

ఎంపీడీఓ సరళ ఆరోపణపై ఆదివారం ఉదయం అరెస్టయిన ఎమ్మెల్యే శ్రీధర్ రెడ్డి అనంతరం బెయిలుపై బయటికొచ్చారు. వైఎస్సార్ సీపీ ప్రతినిధి బి. శ్రీకాంత్ యాజమాన్యంలోని ఒక లేఅవుట్‌కి నీటి కనెక్షన్లు ఇవ్వడంలో జాప్యం జరిగినందుకు ఎమ్మెల్యే తన ఇంటిమీదికి వచ్చి తనను బెదిరించారని, వేధించారని సరళ సంచలన ఆరోపణలు చేసిన నేపథ్యంలో ఎమ్మెల్యేను పోలీసులు అరెస్టు చేసారు.

అరెస్టై బెయిల్‌‌పై బయటికొచ్చిన శ్రీధరరెడ్డి ఆదివారం సాయంత్రం మీడియాతో మాట్లాడుతూ తనపై ఆరోపణల్లో నిజం లేదని ఖండించారు. తనపై వచ్చిన ఆరోపణలు నిజమని తేలిన పక్షంలో ముఖ్యమంత్రి వైఎస్ జగన్ తనను పార్టీనుంచి బహిష్కరించాలని ఎమ్మెల్యే చెప్పారు. సరళ ఆరోపణపై ఆధారాలు ఉంటే అవసరమైన చర్యలు తీసుకోవాలని సీఎం జగన్ పోలీసులను ఆదేశించడాన్ని ఎమ్మెల్యే ప్రశంసించారు. నెల్లూరు జిల్లా ఎస్పీతో తనకు వ్యక్తిగత మనస్పర్థలు ఉన్నందువల్ల ఈ కేసుపట్ల ఎస్పీ పక్షపాత దృష్టితో వ్యవహరించారని ఆరోపించారు. 

జగన్ వంటి వ్యక్తి నా నాయకుడిగా ఉన్నందుకు నేను అదృష్టవంతుడిని, అదే సమయంలో ఆయన జిల్లా ఎస్పీకి అధిక స్వాతంత్య్రం ఇవ్వడం నా దురదృష్టం. మా ఇద్దరికీ వ్యక్తిగత ఘర్షణలు ఉన్నాయి. ఎన్నికల ముందు, తర్వాత కూడా ఆయన నన్ను ఇబ్బందుల్లోకి నెట్టాడని శ్రీధర్ రెడ్డి చెప్పారు. ఎస్పీ గురించి తాను గతంలోనే జిల్లా కలెక్టర్‌కు ఫిర్యాదు చేశారు.

నీటి కనెక్షన్లు ఇవ్వడానికి కాస్త సమయం పట్టేటట్టుందని తాను చెప్పిన తర్వాత వైకాపా ప్రతినిధి శ్రీకాంత్ నేరుగా తనకే ఫోన్ చేసి, ఎమ్మెల్యేతో నేరుగా మాట్లాడించారని, రెండు రోజుల్లో నీటి కనెక్షన్ ఇవ్వాల్సిందే అంటూ తనను బెదిరించారని ఎంపీడీఓ సరళ చెప్పారు. పైగా పార్టీ ప్రతినిధి శ్రీకాంత్ రెడ్డి తన ఇంటికే వచ్చి తనను, తన తల్లినీ బెదిరించారని, అంతకు ముందు తన ఇంటికి విద్యుత్ సరఫరాను కట్ చేశారని, తన ఇంటి ముందు చెత్తను వెదజల్లారని సరళ ఆరోపించారు.

నీటి కనెక్షన్ ఇవ్వాలని తాను సరళకు చెప్పింది నిజమే కానీ ఆ తర్వాత ఆమె చేసిన ఆరోపణలన్నీ వాస్తవ విరుద్ధమని ఎమ్మెల్యే ఖండించారు. తనకు వ్యతిరేకంగా నిరసన తెలుపుతున్న ఉద్యోగ సంఘాల యూనియన్లు తాను నిజంగా తప్పు చేశానని, సరళను, ఆమె తల్లిని బెదిరించానని రుజువు చేస్తే, బహిరంగంగా సరళకు క్షమాపణ చెప్పడమే కాకుండా, ఆమె తల్లి పాదాలకు మొక్కుతానని ఎమ్మెల్యే పేర్కొన్నారు.

నిజాలు నిగ్గు తేల్చకుండా ఒక వర్గం మీడియా తనపై సాగిస్తున్న దుష్ప్రచారం చూస్తుంటే ఆత్మహత్య చేసుకోవాలనిపించిందని ఎమ్మెల్యే ఆవేదన వ్యక్తం చేశారు.

ఏదేమైన ఒక్కటి మాత్రం నిజం. అధికారులుపై ప్రజాప్రతినిధులు, ఎమ్మెల్యేలు భౌతిక దాడులు తలపెట్టినా చలించకుండా తప్పు వారిపైనే నెట్టేందుకు సాహసించిన గత ప్రభుత్వ వ్యవహారంతో పోలిస్తే ఎంపీడీఓ ఆరోపణ చేసిన వెంటనే వైఎస్సార్సీపీ అధినేత వైఎస్ జగన్ తమ పార్టీ ఎమ్మెల్యేపై తగు చర్యలు తీకుకోవాలని నిర్ణయించడం ప్రశంసనీయం. నిజానిజాలు రుజువు కావలసిందే కానీ అన్యాయం జరిగితే వెంటనే స్పందించే అధికార యంత్రాంగం ఉండటమే ప్రజాస్వామ్యానికి నిజంగా శోభ నిచ్చే విషయం.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle