newssting
BITING NEWS :
*బెంగళూరు వన్డేలో టీమ్ ఇండియా విజయం. 3 వన్డేల సీరీస్ ను 2-1 తేడాతో కైవసం చేసుకున్న టీమ్ ఇండియా. 7 వికెట్ల తేడాతో ఆస్ట్రేలియాపై గెలుపు *అమరావతిలో హైటెన్షన్.. అసెంబ్లీ ముట్టడికి టీడీపీ ప్లాన్*చంద్రబాబు ప్రజలకు వాస్తవాలు చెప్పడం లేదు. రాజధాని రైతులకు జగన్ కౌలు కూడా ఇచ్చారు. సామాన్యులకు రాజధానితో పనేముంది? అమరావతిలో పోలీసులకు చంద్రబాబు నీళ్లు కూడా ఇవ్వకుండా చేస్తున్నారు-హోంశాఖ మంత్రి సుచరిత *ఇవాళ అసెంబ్లీ ప్రత్యేక సమావేశం *బెజవాడలో నేతలకు పోలీసుల నోటీసులు. టీడీపీ మాజీ ఎమ్మెల్యేలు బోండా ఉమ, ఎంపీ కేశినేని నానికి నోటీసులు. ఎమ్మెల్సీలు బుద్దా, రాజేంద్రప్రసాద్, తంగిరాల సౌమ్య సహా పలువురు టీడీపీ నేతలకు నోటీసులు. వామపక్షాలు, జేఏసి నేతలకు కూడా పోలీసుల నోటీసులు *రేపటి కేబినెట్, అసెంబ్లీకి రహస్యంగా సిద్ధమవుతోన్న నోట్స్, బిల్లులు. గుంభనంగా సాగుతున్న ప్రభుత్వ చర్యలు*తెలంగాణలో ఊపందుకున్న మునిసిపల్ పోరు *తెరాస, కాంగ్రెస్ పార్టీలు ఒకేగూటి పక్షులు. తెరాస కు ఓటు వేస్తె ఎంఐఎం కు ఓటు వేసినట్టే. కేంద్రం ఇచ్చిన నిధులతోనే తెలంగాణలో అభివృద్ధి. కేంద్రం నిధులపై కేటీఆర్ చర్చకు సిద్ధమా ? - లక్ష్మణ్ *విశాఖ: ఓట్ల కోసం గాజువాక.. రాజకీయాలకు అమరావతి కావాల్సి వచ్చిందా? గాజువాక ప్రజలకు పవన్ కల్యాణ్ క్షమాపణలు చెప్పాలి-మంత్రి అవంతి శ్రీనివాస్

నిందితులకు మాత్రమే హక్కులున్నాయా.. ఎన్‌హెచ్ఆర్‌సీపై రోజా ధ్వజం

10-12-201910-12-2019 10:15:24 IST
Updated On 10-12-2019 13:20:58 ISTUpdated On 10-12-20192019-12-10T04:45:24.661Z10-12-2019 2019-12-10T04:45:17.305Z - 2019-12-10T07:50:58.774Z - 10-12-2019

నిందితులకు మాత్రమే హక్కులున్నాయా.. ఎన్‌హెచ్ఆర్‌సీపై రోజా ధ్వజం
facebooktwitterGooglewhatsappwhatsappGoogle
దారుణంగా హత్యాచారానికి గురై అసువులు బాసిన పశువైద్యురాలు దిశ  కుటుంబాన్ని పలకరించడానికి కూడా మనసురాని జాతీయ మానవహక్కుల సంఘం ఎన్‌కౌంటర్ పాలైన నిందితులకు మాత్రమే హక్కులు ఉన్నాయని భావిస్తోందా అంటూ ఏపీ శాసన సభ ఎమ్మెల్యే రోజా మండిపడ్డారు. మానవ హక్కుల ఉల్లఘనపై మాత్రమే ఈ కమిటీ విలపిస్తున్నట్లుందని, హక్కులనేవి దిశ హంతకులకు మాత్రమే ఉన్నాయా అని నగరి ఎమ్మెల్యే రోజా ధ్వజమెత్తారు.

ఏపీ అసెంబ్లీ సమావేశాల తొలిరోజున రోజా మాట్లాడుతూ జాతీయ మానవ హక్కుల సంఘం తీరును ఆక్షేపించారు. అయిదేళ్లు నిండని పిల్లలను అత్యాచారం చేస్తున్నారు. వీరి హక్కులు మానవ హక్కుల కిందకే వస్తాయని హక్కుల కమిటీ గుర్తించడం లేదా అని రోజా ప్రశ్నించారు. దిశ ఘటనలో హక్కుల కమిటీ దిశ కుటుంబాన్ని కలవడానికి కూడా పూనుకోలేదని, కానీ ఎన్కౌంటర్‌లో హతమైన నిందితుల విషయంలో మాత్రం మానవ హక్కులు ఉల్లంఘనకు గురయ్యాయని అది బాధపడుతున్నట్లుందని రోజా ఎద్దేవా చేశారు. 

హక్కుల సంస్థ తీరు పట్ల రోజామాత్రమే అభ్యంతరం వ్యక్తం చేయలేదు. ఎన్‌కౌంటర్‌ గురించి హక్కుల సంస్థ విచారణకు పూనుకోవడంపై దిశా కుటుంబం, వారి కాలనీలో నివసిస్తున్న వారు కూడా అభ్యంతరం తెలిపినట్లు తెలుస్తోంది. 

తమ కుమార్తెపై అత్యాచారం చేసి దారుణంగా హత్య చేసినప్పుడు మానవ హక్కుల కమిషన్‌ ఎక్కడకు పోయిందని ‘దిశ’ తల్లిదండ్రులు ఎన్‌హెచ్‌ఆర్సీ బృందాన్ని నిలదీశారు. అప్పడు మానవ హక్కులు కనిపించలేదా అని ప్రశ్నించారు. 

రెండో రోజు విచారణలో భాగంగా ఎన్‌హెచ్‌ఆర్సీ బృందం ఎదుట ఆదివారం ‘దిశ’ తల్లిదండ్రులు, సోదరి హాజరయ్యారు. ‘దిశ’ అదృశ్యమైన తర్వాత పోలీసుల స్పందనపై ఎన్‌హెచ్‌ఆర్సీ బృందం వివరాలు సేకరించింది. తమ కుమార్తె కనిపించడం లేదని పోలీస్‌ స్టేషన్‌కు వెళితే పోలీసులు నిర్లక్ష్యంగా వ్యవహరించారని ‘దిశ’ తల్లిదండ్రులు, సోదరి ఎన్‌హెచ్‌ఆర్సీ బృందం దృష్టికి తీసుకెళ్లారు. ఎలాంటి ఇబ్బందులున్నా రాతపూర్వకంగా ఇవ్వాలని బృందం వారికి సూచించింది.

కాగా దిశ ద్వాధశ దిన కర్మ రోజున విచారణ పేరుతో జాతీయ మానవ హక్కుల సంఘం దిశ తల్లిదండ్రులను హైదరాబాద్‌కు పిలిపించుకోవడంపై తీవ్ర విమర్శలు చెలరేగుతున్నాయి.  ‘‘దిశ’ తల్లి ఆరోగ్యం బాగోలేదని, విచారణకు ఆమె ఆరోగ్యం సహకరించదని, ఇబ్బంది పెట్టవద్దని’’ స్పష్టం చేసినా హక్కుల సంఘం ఆదేశాలను పాటించాల్సిందేనని పోలీసులు ఒత్తిడి పెట్టి మరీ వారిని తీసుకునిపోవడంపై దిశ కాలనీవాసులు ధ్వజమెత్తుతున్నారు.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle