newssting
BITING NEWS :
* గోదావరిలో పర్యాటక బోటు మునక పలువురు గల్లంతు. *వైసీపీ ప్రభుత్వ పాలనలో ప్రజలకెన్నో ఇబ్బందులు.. ఇక పోరాటమే:పవన్ కళ్యాణ్ *.హైదరాబాద్ చేరుకున్న సత్య నాదెళ్ళ ...తండ్రి మాజీ ఐఏఎస్ అధికారి బీఎన్ యుగంధర్ అంత్యక్రియలు *బద్వేలులో భారీ అగ్నిప్రమాదం *హుజూర్‌నగర్‌ అభ్యర్థిని ప్రకటించిన కాంగ్రెస్‌ ...కాంగ్రెస్‌ అభ్యర్థిగా పద్మావతి *మిగులు రాష్ట్రాన్ని దివాలా తీయించారు ..కేసీఆర్ పై భట్టి విమర్శలు *నేడు భారత్‌–దక్షిణాఫ్రికా తొలి టి20

నారాయ‌ణ క‌నిపించ‌రే..!

11-09-201911-09-2019 11:56:29 IST
Updated On 11-09-2019 12:00:22 ISTUpdated On 11-09-20192019-09-11T06:26:29.589Z11-09-2019 2019-09-11T06:26:27.379Z - 2019-09-11T06:30:22.925Z - 11-09-2019

నారాయ‌ణ క‌నిపించ‌రే..!
facebooktwitterGooglewhatsappwhatsappGoogle
రాజ‌కీయాల్లో మాజీ మంత్రి నారాయ‌ణ ఒక పారాచ్యూట్ లీడ‌ర్ అనే చెప్పాలి. 2014 ఎన్నిక‌ల ముందు వ‌ర‌కూ  రాజ‌కీయంగా ఎక్క‌డా వినిపించ‌ని ఆ పేరు తెలుగుదేశం పార్టీ అధికారంలోకి వ‌చ్చాక కీల‌క‌మైంది. అప్ప‌టి ముఖ్య‌మంత్రి నారా చంద్ర‌బాబునాయుడు వెంట‌నే ఆయ‌న‌ను క్యాబినెట్‌లోకి తీసుకొని కీల‌కమైన మున్సిప‌ల్ శాఖ క‌ట్ట‌బెట్టారు. అప్ప‌టివ‌ర‌కు ఆయ‌న విద్యా వ్యాపారిగానే అంద‌రికీ తెలుసు.

అయితే నారాయ‌ణ ఒక్క‌సారిగా తెర‌మీద‌కు వ‌చ్చినా తెర‌వెనుక మాత్రం ఎంతోకాలంగా తెలుగుదేశం పార్టీకి అండ‌గా నిలుస్తూ వ‌స్తున్నారు. పార్టీ ప్ర‌తిప‌క్షంలో ఉన్న‌ప్పుడు నారాయ‌ణ పార్టీకి స‌హ‌క‌రించారు.

ఇందుకు కృత‌జ్ఞ‌త‌గానే ఆయ‌నకు వైల్డ్ కార్డ్ ఎంట్రీ ఇచ్చి మ‌రీ క్యాబినెట్‌లో బెర్త్ ఇచ్చారు చంద్ర‌బాబు. త‌ర్వాత ఎమ్మెల్సీని చేశారు. ఇత‌ర మంత్రుల కంటే కూడా నారాయ‌ణ‌కు చాలా విష‌యాల్లో ఎక్కువ ప్రాధాన్య‌త ద‌క్కేది.

ముఖ్యంగా రాజ‌ధానిగా అమ‌రావ‌తి ఎంపిక వ్య‌వ‌హారం అంతా నారాయ‌ణ చేతుల మీదుగానే జ‌రిగింది. ఆయ‌న నేతృత్వంలోని క‌మిటీనే రాజ‌ధాని ప్రాంతాన్ని ఎంపిక చేసింది. అమ‌రావ‌తి ప‌నులు జ‌రిపించ‌డంలోనూ ఆయ‌నే కీల‌కం.

ఎంత కీల‌కంగా వ్య‌వ‌హ‌రించినా దొడ్డి దారిలో మంత్రి అయ్యార‌నే ఒక విమ‌ర్శ మాత్రం నారాయ‌ణ‌పై ఉండేది. ఈ విమ‌ర్శ‌ను తిప్పికొట్టేందుకే 2019 ఎన్నిక‌ల్లో ఆయ‌న నెల్లూరు సిటీ నియోజ‌క‌వ‌ర్గం నుంచి పోటీ చేశారు.

ఇందుకు సంబంధించి గ‌త మూడేళ్లుగా ఆయ‌న గ్రౌండ్ ప్రిపేర్ చేసుకున్నారు. మున్సిప‌ల్ మంత్రిగా త‌న‌కున్న అధికారాల‌తో నెల్లూరు సిటీని బాగా అభివృద్ధి చేశారు. ఎన్నిక‌ల్లో గెలిచేందుకు అస్త్ర‌శ‌స్త్రాల‌ను ప్ర‌యోగించారు.

చివ‌ర‌కు గ‌ట్టి పోటీ ఇచ్చిన అనీల్ కుమార్ యాద‌వ్ చేతిలో ఓడిపోయారు. ఇప్ప‌డు అనీల్ మంత్రి కాగా నారాయ‌ణ మాత్రం సైలెంట్ అయిపోయారు. పార్టీ, నియోజ‌క‌వ‌ర్గ వ్య‌వ‌హారాల్లో ఎక్క‌డా ఆయ‌న పేరు వినిపించ‌డం, క‌నిపించ‌డం లేదు.

పార్టీ చేప‌డుతున్న కార్య‌క్ర‌మాల్లో నేత‌లంతా పాల్గొంటున్నా నారాయ‌ణ మాత్రం ప‌ట్టించుకోవ‌డం లేదు. ఇక‌, ఆయ‌న టీడీపీని వీడి భార‌తీయ జ‌న‌తా పార్టీలో చేరుతార‌నే ప్ర‌చారం కూడా మొద‌లైంది. అయితే, నారాయ‌ణ సైలెంట్ కావ‌డానికి ఆయ‌న వ్యాపారాలు కూడా కార‌ణ‌మ‌ని అంటున్నారు.

వ్యాపారాల‌కు ఎటువంటి ఇబ్బందులు ఉండ‌కుండా ఉండాల‌నే ఆయ‌న వైసీపీతో పెట్టుకోవ‌డం ఎంద‌క‌ని సైలెంట్ అయ్యార‌ని అంటున్నారు. మ‌రి, ఏరికోరి నారాయ‌ణ‌ను రాజ‌కీయాల్లోకి తెచ్చిన చంద్ర‌బాబు అయినా ఆయ‌న‌ను మ‌ళ్లీ యాక్టీవ్ చేస్తారో లేదో చూడాలి.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle