newssting
BITING NEWS :
* గోదావరిలో పర్యాటక బోటు మునక పలువురు గల్లంతు. *వైసీపీ ప్రభుత్వ పాలనలో ప్రజలకెన్నో ఇబ్బందులు.. ఇక పోరాటమే:పవన్ కళ్యాణ్ *.హైదరాబాద్ చేరుకున్న సత్య నాదెళ్ళ ...తండ్రి మాజీ ఐఏఎస్ అధికారి బీఎన్ యుగంధర్ అంత్యక్రియలు *బద్వేలులో భారీ అగ్నిప్రమాదం *హుజూర్‌నగర్‌ అభ్యర్థిని ప్రకటించిన కాంగ్రెస్‌ ...కాంగ్రెస్‌ అభ్యర్థిగా పద్మావతి *మిగులు రాష్ట్రాన్ని దివాలా తీయించారు ..కేసీఆర్ పై భట్టి విమర్శలు *నేడు భారత్‌–దక్షిణాఫ్రికా తొలి టి20

నన్ను ఆత్మహత్యనుంచి కాపాడింది అన్నయ్యే

22-08-201922-08-2019 12:35:54 IST
Updated On 22-08-2019 15:23:08 ISTUpdated On 22-08-20192019-08-22T07:05:54.558Z22-08-2019 2019-08-22T07:05:52.887Z - 2019-08-22T09:53:08.598Z - 22-08-2019

నన్ను ఆత్మహత్యనుంచి కాపాడింది అన్నయ్యే
facebooktwitterGooglewhatsappwhatsappGoogle
అన్నయ్య చిరంజీవి బర్త్ డే వేడుకల్లో ఆయన తమ్ముడు, జనసేనాని పవన్ బాగా ఎమోషనల్ అయ్యారు. చిన్నప్పుడు జరిగిన ఒక సంఘటనను ఆయన గుర్తుచేసుకున్నారు. శిల్పకళావేదికలో జరిగిన వేడుకలో ప‌వ‌న్ మాట్లాడుతూ -``జీవితంలో న‌న్ను అన్న‌య్య మూడు సార్లు దారి త‌ప్ప‌కుండా కాపాడారు. అందుకే ఆయ‌న్ని స్ఫూర్తి ప్రదాత అంటాను.

నేను ఇంట‌ర్ ఫెయిలైన‌ప్పుడు నిరాశ నిస్పృహ క‌లిగింది. అన్న‌య్య ద‌గ్గ‌ర ఉన్న‌ లైసెన్డ్ పిస్టోల్ తో కాల్చుకుందామ‌నుకున్నాను. నా డిప్రెష‌న్ చూసి ఇంట్లోవాళ్లు అన్న‌య్య ద‌గ్గ‌ర‌కు తీసుకెళ్లారు. నువ్వు ముందు బ‌త‌కాలిరా బాబూ.. ఇంట‌ర్ పెద్ద విష‌యం కాదు. నువ్వు జాగ్ర‌త్త‌గా ఉండు! అన‌డం స్ఫూర్తి నింపింది ఆరోజు. 

అందుకే ఆత్మ‌హ‌త్య‌లు చేసుకున్న ఇంట‌ర్ విద్యార్థుల్ని .. ఆ బిడ్డ‌ల్ని చూసి బాధ క‌లుగుతోంది. రాజ‌కీయ నాయ‌కుల్ని త‌ప్పు ప‌ట్టొచ్చు. కానీ.. ఇంట్లో పెద్ద‌లు కౌన్సిలింగ్ ఇచ్చేవాళ్లు ఉండి ఉంటే బావుండేది అనిపించింది`` అని ప‌వ‌న్ ఎమోష‌న‌ల్ గా వ్యాఖ్యానించారు. చిన్న‌ప్పుడు భార‌త‌దేశాన్ని ఎవ‌రైనా ఏదైనా అంటే కోపంతో ఊగిపోయేవాడిని. దేశం స‌మాజం అంటే నాకు గొప్ప ప్రేమ‌. అయితే నా కోపాన్ని త‌గ్గించింది అన్నయ్యనే. కులం మ‌తంను మించి మాన‌వ‌త్వం అనేది ఒక‌టి ఉంటుంద‌ని న‌న్ను ఎక్స్ ట్రీమిటీకి వెళ్లకుండా ఆపేశారు అన్నయ్య.

22 వ‌య‌సులో తిరుప‌తికి వెళ్లిపోయాను. నిర్మాత‌ తిరుప‌తి ప్ర‌సాద్ గారిని క‌లిసి 5-6 నెల‌లు యోగాశ్ర‌మంలో ఉండిపోయాను. నేను ఆ దారిలోనే ఉండాల‌నుకున్నా. కానీ భ‌గవంతుడు అయ్యి వెళ్లిపోతే నువ్వు స్వ‌ర్థ ప‌రుడివి. ఇంట్లో బాధ్య‌తలు ఉంటే నువ్విలా చేయ‌వు!! అని అన్న‌య్య‌ అన్నారు. త‌ను క‌ష్ట‌ప‌డి న‌న్ను నిల‌బెట్టాడు అన్న‌య్య. అందుకే ఆయ‌న స్ఫూర్తి ప్ర‌ధాత‌. ఈ మూడు సంఘ‌ట‌న‌ల్లో దెబ్బ‌లు తిన్నా న‌న్ను నిల‌బెట్టారు... అని తెలిపారు.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle