newssting
BITING NEWS :
* అధికారిక లాంఛనాలతో అరుణ్ జైట్లీ అంత్యక్రియలు పూర్తి* తెలుగు తేజం పీవీ సింధు సరికొత్త చరిత్ర*ప్రపంచ బ్యాడ్మింటన్ ఫైనల్‌లో ఒకుహరాతో తలపడి విజయం సాధించిన పీవీ సింధు* పీవీ సింధుకు మోదీ,జగన్‌,కేసీఆర్‌, చంద్రబాబు, పవన్ అభినందనలు*పీవీ సింధు, ప్రణీత్‌కు రివార్డులు* రైలు పట్టాలపై సెల్ఫీకి రూ.2 వేల జరిమానా*అమెరికాలో కాల్పుల కలకలం..బాలిక దుర్మరణం *ఫ్రాన్స్‌లో నేడు జి-7 దేశాల సదస్సు… హాజరైన భారత ప్రధాని మోడీ *ఏపీలో మూడు ప్రత్యేక కార్పొరేషన్లు ఏర్పాటు..మాల, మాదిగ, రెల్లి కులాలకు ప్రత్యేక కార్పొరేషన్లు *ఆంధ్రప్రదేశ్‌ రాజధాని అమరావతి నిర్మాణంపై వ్యాఖ్యలకు కట్టుబడి ఉన్నా: మంత్రి బొత్స

తెలుగు గడ్డపై జాతీయ పార్టీలు జీరొనేనా..?

09-05-201909-05-2019 08:26:49 IST
Updated On 01-07-2019 11:55:47 ISTUpdated On 01-07-20192019-05-09T02:56:49.387Z09-05-2019 2019-05-09T02:54:52.225Z - 2019-07-01T06:25:47.530Z - 01-07-2019

తెలుగు గడ్డపై జాతీయ పార్టీలు జీరొనేనా..?
facebooktwitterGooglewhatsappwhatsappGoogle
ఆంధ్ర‌ప్ర‌దేశ్  రాజకీయాలో జాతీయ పార్టీలు నామ‌మాత్రం అయిపోయాయి. ప్రాంతీయ పార్టీల ప్ర‌భ వెలిగిపోతుండ‌టంతో జాతీయ పార్టీలు ఢీలా ప‌డ్డాయి. రెండు పార్టీలూ చేజేతులా చేసిన త‌ప్పుల‌తో రాష్ట్రంలో ఆ పార్టీల ప్రాబల్యం వేగంగా ప‌డిపోతోంది. క‌నీసం ఈసారి కాంగ్రెస్‌, బీజేపీ రాష్ట్ర అధ్య‌క్షులుగా ఉన్న ర‌ఘువీరారెడ్డి, క‌న్నా ల‌క్ష్మీనారాయ‌ణ అయినా గెలుస్తారు అని ధీమాగా చెప్ప‌లేని ప‌రిస్థితి.

ఒక‌ప్పుడు రాష్ట్రంలో బ‌లంగా ఉన్న కాంగ్రెస్ పార్టీ ఇప్పుడు పూర్తిగా నామ‌మాత్ర‌మైంది. వైసీపీ ఆవిర్భావం, రాష్ట్ర విభ‌జ‌న చేసిన నేప‌థ్యంలో ఆ పార్టీ రాష్ట్రంలో క‌నుమ‌రుగ‌య్యే దిశ‌లో ఉంది. గ‌త ఎన్నిక‌ల్లో చాలామంది ముఖ్య‌నేత‌లు పోటీ చేసినా ఒక్క సీటును గెలుచుకోలేక‌పోయిన ఆ పార్టీ ఈసారి ఒక్క స్థాన‌మైనా గెలుస్తామ‌ని ధీమాగా ఉంది.

అనంత‌పురం జిల్లా క‌ళ్యాణదుర్గం నుంచి పోటీ చేసిన పీసీసీ చీఫ్ ర‌ఘువీరారెడ్డి విజ‌యం సాధిస్తార‌ని ఆ పార్టీ నేత‌లు న‌మ్మ‌కంగా ఉన్నారు. ఇక్క‌డ టీడీపీ సిట్టింగ్ ఎమ్మెల్యేను కాద‌ని కొత్త అభ్య‌ర్థికి టిక్కెట్ ఇచ్చింది. టీడీపీ క్యాడ‌ర్ అంత‌ర్గ‌తంగా కాంగ్రెస్‌కు మ‌ద్ద‌తు ఇచ్చింద‌నే ప్ర‌చారం జ‌రుగుతోంది. దీంతో ఇక్క‌డ ర‌ఘువీరారెడ్డి, వైసీపీ అభ్య‌ర్థి ఉష‌శ్రీ చ‌ర‌ణ్ మ‌ధ్య  ప్ర‌ధాన పోటీ జ‌రిగింది. ఇక్క‌డ ర‌ఘువీరారెడ్డి భారీగా ఓట్లు సాధించినా గెలుస్తార‌ని క‌చ్చితంగా చెప్ప‌లేని ప‌రిస్థితి ఉంది.

ఇక‌, బీజేపీ రాష్ట్ర అధ్య‌క్షులు క‌న్నా ల‌‌క్ష్మీనారాయ‌ణ నర‌స‌రావుపేట పార్ల‌మెంటు స్థానం నుంచి పోటీ చేశారు. ఇక్క‌డ తాను గెలిచి, కేంద్రంలో బీజేపీ అధికారంలోకి వ‌స్తే ఆయ‌న కేంద్ర మంత్రి అవుతార‌న్న ప్ర‌చారం కూడా జ‌రిగింది. అయితే, న‌ర‌స‌రావుపేట‌లో క‌న్నా గెలుపు మాత్రం అంత సులువుగా క‌నిపించ‌డం లేదు.

న‌ర‌స‌రావుపేట‌లో సిట్టింగ్ ఎంపీ రాయ‌పాటి సాంబ‌శివ‌రావు మ‌రోసారి పోటీ చేశారు. టీడీపీ ఈ నియోజ‌క‌వ‌ర్గంలో బ‌లంగా ఉంది. ఇక‌, వైఎస్సార్ కాంగ్రెస్ పార్టీ నుంచి లావు శ్రీకృష్ణ‌దేవ‌రాయ‌లు అనే యువ‌నేత బ‌రిలో నిలిచారు. ఆయ‌న కూడా త‌క్కువ స‌మ‌యంలోనే నియోజ‌క‌వ‌ర్గంలో ప‌ట్టు సాధించారు. ఆయ‌న ప‌ట్ల కూడా ప్ర‌జ‌ల్లో ఆధ‌ర‌ణ కనిపించింది. దీంతో వీరిద్ద‌రి మ‌ధ్యే ప్ర‌ధాన పోటీ జ‌రిగింది. ఫ‌లితంగా క‌న్నా ల‌క్ష్మీనారాయ‌ణ కూడా భారీగానే ఓట్లు సాధించినా విజ‌యావ‌కాశాలు మాత్రం క‌నిపించ‌డం లేదు.

మొత్తంగా ర‌ఘువీరారెడ్డి, క‌న్నా ల‌క్ష్మీనారాయ‌ణ గెల‌వ‌క‌పోతే ఈసారి జాతీయ పార్టీలు రెండూ ఆంధ్ర‌ప్రదేశ్‌లో పూర్తిగా క‌నుమ‌రుగు అయ్యే అవ‌కాశం ఉంది. మ‌రి, ఏం జ‌రుగుతుందో ఈ నెల 23న చూడాలి.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle