newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

తూ.చ త‌ప్ప‌క జ‌గ‌న్ ని ఫాలో అవుతున్న యోగి ఆదిత్య‌నాధ్..!

08-10-201908-10-2019 10:45:41 IST
2019-10-08T05:15:41.015Z08-10-2019 2019-10-08T05:15:24.103Z - - 28-09-2020

తూ.చ త‌ప్ప‌క జ‌గ‌న్ ని ఫాలో అవుతున్న యోగి ఆదిత్య‌నాధ్..!
facebooktwitterGooglewhatsappwhatsappGoogle
అవును, ఆంధ్ర‌ప్ర‌దేశ్ ముఖ్య‌మంత్రి వైఎస్ జ‌గ‌న్ మోహ‌న్‌రెడ్డిని ఉత్త‌ర‌ప్ర‌దేశ్ సీఎం యోగి ఆదిత్య‌నాథ్ తూచా త‌ప్ప‌క ఫాలో అవుతున్నారు. ఇంత‌కీ ఏ విష‌యంలో..? అన్న ప్ర‌శ్న‌కు సంబంధించి ఈ క‌థ‌నాన్ని పూర్తిగా చ‌ద‌వాల్సిందే మ‌రీ..!

కాగా, విద్యుత్ కొనుగోలు ఒప్పందాల‌ను స‌మీక్షిస్తాము అని సీఎం జ‌గ‌న్ ప్ర‌క‌టించ‌గానే చాలా శ‌క్తులు ఆయ‌న్ను చుట్టుముట్టాయి. తీవ్ర స్థాయిలో ఒత్తిళ్లు కూడా వ‌చ్చాయి. ఇంకా వ‌స్తున్నాయి కూడా. టీడీపీ అధినేత‌ చంద్ర‌బాబు సీఎంగా ఉన్న స‌మ‌యంలో త‌న‌కు అనుకూలంగా ఉన్న కంపెనీల నుంచి అధిక ధ‌ర‌కు సాంప్ర‌దాయేత‌ర విద్యుత్‌ను కొనుగోలు చేసేలా ఒప్పందాలు చేసుకున్నారన్న ఆరోప‌ణ ఇటీవ‌ల వ్చిన సంగ‌తి తెలిసిందే.

నాడు చంద్ర‌బాబు చేసుకున్న ఒప్పందాల కార‌ణంగా ప్ర‌భుత్వ‌రంగ విద్యుత్ సంస్థ‌ల‌పై ప్ర‌తి ఏటా రూ.5వేల కోట్ల రూపాయ‌ల భారం ప‌డుతుంద‌ని జ‌గ‌న్ స‌ర్కార్ స్ప‌ష్టం చేసింది. అధిక ధ‌ర‌కు ప్ర‌యివేటు కంపెనీల నుంచి ఏకంగా 25 ఏళ్ల‌పాటు విద్యుత్‌ను కొనుగోలు చేసుకునేలా ఒప్పందాలు చేసుకోవ‌డ‌మ‌న్న‌ది సరైన చ‌ర్య కాద‌న్న అభిప్రాయాన్ని వ్య‌క్తం చేస్తూనే ప్ర‌జా ధ‌నాన్ని ఆదా చేసేందుకే త‌మ ప్ర‌భుత్వం విద్యుత్ కొనుగోలు ఒప్పందాల‌ను స‌మీక్షించ‌బోతున్నామ‌ని సీఎం జ‌గ‌న్ తేల్చి చెప్పారు.

జ‌గ‌న్ చెప్పిన మాదిరిగానే విద్యుత్ కొనుగోలు ఒప్పందాలపై స‌మీక్ష‌ల‌ను మొద‌లు పెట్టారు. దీంతో వివిధ రాజ‌కీయ వ‌ర్గాల నుంచి తీవ్ర‌స్థాయిలో ప్ర‌భుత్వంపై ఒత్తిళ్లు మొద‌ల‌య్యాయి. చంద్ర‌బాబు నాయుడు, ప‌లు ప్ర‌ముఖ మీడియా చానెళ్లు సైతం జ‌గ‌న్ మోహ‌న్‌రెడ్డి నిర్ణ‌యానికి వ్య‌తిరేకంగా ప్ర‌చారం మొద‌లు పెట్టాయి.

ప్ర‌జా ధ‌నాన్ని ఆదా చేసేందుకే తాము విద్యుత్ కొనుగోళ్ల ఒప్పందాల‌పై పూర్తిస్థాయిలో స‌మీక్షించ‌నున్నామ‌ని జ‌గ‌న్ స‌ర్కార్ చెబుతున్న‌ప్ప‌టికీ, విద్యుత్ కొనుగోళ్ల ఒప్పందాల‌ను స‌మీక్షిస్తే పారిశ్రామిక‌వేత్త‌లు భ‌య‌ప‌డిపోతారుని, రాష్ట్రానికి పెట్టుబ‌డులు రావు అంటూ టీడీపీ, ప‌లు మీడియా సంస్థ‌లు ప్ర‌చారం చేస్తూ వచ్చాయి.

అలాగే చంద్ర‌బాబు త‌న‌కున్న ప‌రిచయాల ఆధారంగా కేంద్రంలోని కొన్ని శక్తుల నుంచి ఏపీ ప్ర‌భుత్వంపై ఒత్తిళ్లు తెచ్చేందుకు తీవ్ర స్థాయిలో ప్ర‌య‌త్నించారంటూ వైసీపీ విమ‌ర్శించిన సంగ‌తి తెలిసిందే.  

మ‌రోప‌క్క‌, కేంద్ర ఇంధ‌న‌శాఖ మంత్రి ఆర్‌కే సింగ్ ప‌దే ప‌దే ఏపీ ప్ర‌భుత్వానికి లేఖ‌లు రాస్తూ వ‌చ్చారు.  పీపీఏల జోలికి వెళ్లొద్దు.. వాటిని స‌మీక్షించొద్దు అంటూ కేంద్ర మంత్రి రాసిన లేఖ‌ల్లో పేర్కొన్నారు. ఇలా ఆర్‌కే సింగ్ కూడా జ‌గ‌న్‌ ప్ర‌భుత్వంపై ఒత్తిడి తెచ్చేందుకు ప్ర‌య‌త్నించార‌న్న‌ది వైసీపీ ప్ర‌ధాన ఆరోప‌ణ‌.

అయితే, ఆ ఒత్తిళ్ల‌ను సీఎం జ‌గ‌న్ ఏ మాత్రం ప‌ట్టించుకోకుండా ముందుకు వెళ్లార‌ని వైసీపీ వ‌ర్గాలు చెబుతున్నాయి. జ‌గ‌న్ ప్ర‌భుత్వ నిర్ణ‌యాన్ని ప‌దే ప‌దే త‌ప్పుబ‌డుతూ వ‌స్తున్న కేంద్ర‌మంత్రి ఆర్‌కే సింగ్‌కు, చంద్ర‌బాబు, ప‌లు మీడియా ఛానెళ్ల‌కు ఉత్త‌ర ప్ర‌దేశ్ సీఎం యోగి ఆదిత్య‌నాథ్ పెద్దషాకే ఇచ్చారు.

వైసీపీ స‌ర్కార్ త‌ర‌హాలోనే యోగి ఆదిత్య‌నాథ్ కూడా ముందుకు వెళుతున్నారు. 2017లో 650 మెగావాట్ల సాంప్ర‌దాయేత‌ర విద్యుత్ కొనుగోలు కోసం ఉత్త‌రప్ర‌దేశ్ ప్ర‌భుత్వం ఒప్పందం చేసుకుంది. అయితే ప్ర‌స్తుతం మార్కెట్‌లో త‌క్కువ ధ‌ర‌కే విద్యుత్ ల‌భిస్తుండ‌టంతో 2017లో తాము చేసుకున్న ఒప్పందాల‌ను ర‌ద్దు చేస్తున్న‌ట్టు ఉత్త‌రప్ర‌దేశ్ ప్ర‌భుత్వం ప్ర‌క‌టించింది.

ఇక్క‌డ మ‌రో విష‌య‌మేమిటంటే..? ఇలా విద్యుత్ ఒప్పందాల‌ను ర‌ద్దుచేస్తున్న‌ట్టు క‌నీస ముంద‌స్తు స‌మాచారం కింద కంపెనీల‌కుగాని, కేంద్ర ప్ర‌భుత్వానికికానీ తెలీయ‌కుండా యోగి ఆదిత్య‌నాథ్ ప్ర‌భుత్వం ఏక‌ప‌క్షంగా ఈ విద్యుత్ కొనుగోలు ఒప్పందాల‌ను ర‌ద్దు చేసేసింది.

2017లో సాంప్ర‌దాయేత‌ర విద్యుత్‌ను యూనిట్‌కు 3 రూపాయ‌ల 40 పైస‌ల‌కు కొనుగోలు చేసేలా అప్ప‌ట్లో ఉత్త‌ర‌ప్ర‌దేశ్ ప్ర‌భుత్వం ఇప్పందాలు చేసుకుంది. ప్ర‌స్తుతం కేవ‌లం 3 రూపాయ‌ల 02 పైస‌ల‌కే తాము సాంప్ర‌దాయేత‌ర విద్యుత్‌ను యూనిట్‌కు అంద‌జేస్తామ‌ని ఒక సంస్థ ముందుకు రావ‌డంతో 2017లో చేసుకున్న ఒప్పందాల‌ను ర‌ద్దు చేస్తున్న‌ట్టు యోగి ఆదిత్య‌నాథ్ ప్ర‌భుత్వం ప్ర‌క‌టించింది.

అయితే, ఆంధ్ర‌ప్ర‌దేశ్ ప్ర‌భుత్వం పీపీఏల‌ను ర‌ద్దు చేస్తామని ప్ర‌క‌టించ‌గానే ప‌దే.. ప‌దే లేఖ‌లురాసిన కేంద్ర మంత్రి ఆర్‌కే సింగ్ తాజాగా ఉత్త‌ర‌ప్ర‌దేశ్ ప్ర‌భుత్వం తీసుకున్న నిర్ణ‌యంపై బెల్లంకొట్టిన రాయిలా మౌనంగా  ఉండ‌ట‌మేంటంటూ రాజ‌కీయ‌వ‌ర్గాల్లో విస్తృత‌స్థాయి చ‌ర్చ‌లు జ‌రుగుతున్నాయి.

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   8 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   8 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   9 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   10 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   10 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   11 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   12 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   12 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   13 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   15 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle