newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

తాజా నివేదిక.. తీవ్ర సంక్షోభానికి చేరువలో ఏపీ సర్కార్

27-11-201927-11-2019 14:36:46 IST
2019-11-27T09:06:46.828Z27-11-2019 2019-11-27T09:06:41.407Z - - 04-08-2020

తాజా నివేదిక.. తీవ్ర సంక్షోభానికి చేరువలో ఏపీ సర్కార్
facebooktwitterGooglewhatsappwhatsappGoogle
ఏపీ ప్రభుత్వం ఇప్పుడు తీవ్ర ఆర్ధిక ఇబ్బందులలో ఉంది. కొన్ని అనాలోచిత ప్రభుత్వ నిర్ణయాల వలనే రాష్ట్ర ఆదాయానికి భారీగా గండిపడగా ప్రతినెలా జీతభత్యాలకు, సంక్షేమ పథకాల చెల్లింపులకు కూడా తర్జభర్జనలు పడుతున్నారని నిపుణుల అభిప్రాయం. ఇప్పటికే ఈ పరిస్థితులకు అధిగమించేందుకు సర్కార్ ఎక్సైజ్ శాఖ అధీనంలో నడుస్తున్న లిక్కర్ ధరలను భారీగా పెంచేసింది.

ఇప్పుడు రాష్ట్రంలో ప్రభుత్వం భూములను తెగనమ్మేసి అయినా ప్రభుత్వం ఖజానాను పెంచేందుకు ప్రణాళికలు కూడా సిద్ధమవుతున్నాయి. వీటికి తోడు రాష్ట్రానికి ఆదాయం వచ్చే ఏ మార్గాన్ని వదిలిపెట్టవద్దని సీఎం అధికారులను ఆదేశిస్తున్నారు. దీనికంతటికి కారణం ఆర్థికశాఖ అధికారుల హెచ్చరికలు.. ఆర్థికశాఖ తయారుచేసిన తాజా నివేదికే కారణంగా తెలుస్తుంది.

వచ్చే ఏడాది మార్చినెల చివరకు.. అంటే సరిగ్గా నాలుగు నెలలకు ఏపీ ప్రభుత్వం రూ 21,000 కోట్ల మేరకు లోటుతో ఉండవచ్చని ఆర్ధిక శాఖ అధికారులు అంచనా వేస్తున్నారు. రాష్ట్రంలో వచ్చే పన్నులు, కేంద్రం నుండి వివిధ పథకాల క్రింద రావలసిన నిధులు, ప్రభుత్వం వివిధశాఖల, ఇప్పటికే చెల్లింపులు చేస్తున్న పథకాలను అన్నిటినీ కలిపి రెవెన్యూ అధికారులు ఈ నివేదికను తయారుచేశారట.

ప్రభుత్వం ఏర్పాటైన ఆరునెలలలో ప్రతినెలా రాష్ట్ర ఆదాయం పెద్ద ఎత్తున తగ్గుతూ ఉండడంతో ఈ లోటు బడ్జెట్ కనిపిస్తుందని అధికారులు ప్రభుత్వం ముందు కుండ బద్దలు కొట్టేశారట. ఈ నివేదికలో ముఖ్యంగా అధికారులు వెల్లడించిన వాటిలో.. రాష్ట్ర ఆదాయం రూ.83 వేల కోట్ల వరకు వస్తుందని అంచనా వేసినా రూ.54 వేల కోట్లు మాత్రమే వస్తుందని తేల్చేశారట.

ఇక బడ్జెట్‌లో రూ.1.78 లక్షల కోట్లు ఆదాయం వస్తుందని అంచనా వేసినా కేవలం రూ.1.57 లక్షల కోట్లు మాత్రమే వచ్చే సూచనలే ఉన్నాయని, కేంద్ర సాయం, రాష్ట్ర ఆదాయం కలిపి రూ.96 వేల కోట్ల వరకు వస్తుందని బడ్జెట్‌లో ప్రతిపాదించినా తాజాగా నివేదికలో అది రూ.50 వేల కోట్లు మాత్రమేనని పేర్కొన్నారట.

మొత్తంగా రాష్ట్ర ఆదాయం భారీగా పడిపోయినా కొద్దిమేర అప్పులతో మ్యానేజ్ చేసే వీలు ఉంటుంది కనుక కేవలం ఇరవై నుండి పాతిక వేల కోట్ల మేర మాత్రమే లోటు బడ్జెట్ చెప్తున్నామని లేకపోతే ఇది ముప్పై ఐదు కోట్లకు చేరినా ఆశ్చర్యపోవాల్సిన అవసరం లేదని తేల్చిచెప్పారట. మరి ప్రభుత్వం ఈ లోటును ఎలా పూడ్చుకుంటుందో.. ప్రతినెలా ముంచుకొచ్చే ఈ ఆర్ధిక తుఫానును ఎలా ఎదుర్కొంటుందో చూడాల్సిఉంది.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle