newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

ట్విట్టర్ ట్రెండింగ్ 'సేవ్ హిందూస్ ఫ్రం జగన్ రెడ్డి'

18-11-201918-11-2019 12:47:48 IST
Updated On 18-11-2019 14:52:31 ISTUpdated On 18-11-20192019-11-18T07:17:48.393Z18-11-2019 2019-11-18T07:17:40.579Z - 2019-11-18T09:22:31.843Z - 18-11-2019

ట్విట్టర్ ట్రెండింగ్ 'సేవ్ హిందూస్ ఫ్రం జగన్ రెడ్డి'
facebooktwitterGooglewhatsappwhatsappGoogle
రాష్ట్రాల నుండి దేశాల వరకు ఇప్పుడు ప్రభుత్వాలను శాసించే స్థాయికి సోషల్ మీడియా చేరుతుంది. అమెరికా లాంటి ఉన్నత దేశాల రాజకీయాలపై కూడా ఈ సోషల్ మీడియా తీవ్ర ప్రభావం చూపుతుంది. అందుకే ప్రతిపార్టీ ఈ సోషల్ మీడియా కార్యకలాపాల కోసం ప్రత్యేక బృందాలను ఏర్పాటు చేసుకొని ఎప్పటికప్పుడు పార్టీ కార్యక్రమాలతో పాటు ప్రత్యర్థులపై విమర్శలు, ప్రభుత్వాల తప్పులను హైలెట్ చేస్తున్నాయి.

ఇక ఏపీ విషయానికి వస్తే గత అసెంబ్లీ ఎన్నికలలో టీడీపీ ఘోర పరాజయంలో సోషల్ మీడియా వాటా కూడా ఉందన్నది రాజకీయ విశ్లేషకుల అభిప్రాయం. ఇప్పుడు ప్రభుత్వంలోకి వచ్చిన జగన్మోహన్ రెడ్డి సీఎం అయిన తర్వాత ప్రభావం తెలుసు కనుక సోషల్ మీడియా మీద ఆంక్షలకు దిగారు. రాష్ట్ర వ్యాప్తంగా ప్రభుత్వం మీద దుష్ప్రచారం చేస్తున్నారన్న కారణంగా టీడీపీకి చెందిన వ్యక్తులపై కేసులు కూడా బనాయించారు.

ప్రభుత్వం కేసులు బనాయించినా సోషల్ మీడియాలో ప్రచారం కట్టడి అయ్యే పరిస్థితిలు లేవన్నది కూడా స్పష్టంగా అర్ధమవుతుంది. ప్రభుత్వ చిన్నపాటి తప్పుడు నిర్ణయాలైనా, ప్రజా వ్యతిరేక నిర్ణయాలైనా సోషల్ మీడియాలో విపరీతంగా ట్రెండ్ అయిపోతున్నాయి. ట్విట్టర్ విషయానికి వస్తే ఇప్పటికే స్టిక్కర్ సీఎంగా విపరీతంగా ట్రెండ్ కాగా ఇప్పుడు 'సేవ్ హిందూస్ ఫ్రం జగన్ రెడ్డి' ట్యాగ్ పేరుతో విపరీతంగా ట్రెండ్ అవుతుంది.

ఏపీ జగన్మోహన్ రెడ్డి సీఎం అయిన తర్వాత మతమార్పిళ్లు ఎక్కువగా జరుగుతున్నాయని, అందుకు ప్రభుత్వం తీసుకుంటున్న నిర్ణయాలే కారణమని సోషల్ మీడియాలో ప్రచారం జరుగుతుంది. టీటీడీలో తీసుకుంటున్న పలు కీలక నిర్ణయాలు, తిరుమల కొండపై కనీస వసతులు, ప్రసాదాలు ధరలను పెంచి పేదలకు శ్రీవారిని దూరం చేయాలని ప్రభుత్వం పన్నాగాలు చేస్తుందని ప్రచారం జరుగుతుంది.

అంతేకాకుండా టీటీడీలో ఉద్యోగులు క్రైస్తవ మతాన్ని స్వీకరించి ప్రార్ధనలకు వెళ్లడంతో పాటు మత మార్పిళ్లను ప్రోత్సహిస్తున్నారని, టీటీడీ ఉద్యోగులు చర్చిలలో ప్రార్ధనలు చేస్తున్న ఆధారాలతో సహా బయటపెట్టినా చర్యలు తీసుకొనే పరిస్థితులు లేకపోవడం, వాటికి వ్యతిరేకంగా గళం విప్పినందుకు సిఎస్ ఎల్వీ సుబ్రహ్మణ్యం బదిలీ వంటివన్నీ ఉదాహరణగా సోషల్ మీడియాలో ప్రచారంలో భాగమయ్యాయి.

వీటికి తోడు రాష్ట్రంలో తెలుగు మీడియం రద్దు చేయడం కూడా తెలుగు సంస్కృతి, హిందూ సంప్రదాయాన్ని నాశనం చేయడం కోసమేనని కొందరు నేతలే ఆరోపణలు చేస్తుండగా సోషల్ మీడియాలో కూడా అదే తరహా ప్రచారం జరుగుతుంది. వీటికి తోడు త్వరలో సీఎం క్రైస్తవ పాస్టర్లకు నెలకు రూ5 వేల వేతనం కూడా ఇవ్వనున్నారు. ఇందు కోసం మార్గదర్శకాలను కూడా సిద్ధం చేస్తున్నారు.

అయితే హిందూ సంప్రదాయంలో అర్చకులు, ముస్లిం మౌజమ్ లకు నిర్దిష్ట ప్రమాణాలు ఉంటాయి. అదే క్రైస్తవ పాస్టర్లకు ఎలాంటి ప్రమాణాలు లేవు. నిజానికి అసలు రాష్ట్రంలో ఉన్న పాస్టర్లలో ఎక్కువమంది క్రైస్తవులగా గుర్తింపే ఉండదు. ప్రార్ధన, బైబిల్ పఠనం తెలిసిన వాళ్లంతా పాస్టర్లుగా చెలామణి అవుతున్న తరుణంలో ఏ విధంగా వారికి వేతనం చెల్లిస్తారు.. ఎవరి సొమ్ము వాళ్ళకు వేతనంగా పంచుతారని సోషల్ మీడియా వేదికగా ఆరోపణలు వెల్లువెత్తుతున్నాయి. మరి ఈ హ్యాష్ ట్యాగ్ ఎక్కడకి వెళ్తుందో చూడాలి!

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle