newssting
BITING NEWS :
*శబరిమల వివాదంపై సుప్రీం తీర్పు.శబరిమల వివాదం విస్తృత ధర్మాసనానికి బదిలీ *రాఫెల్‌ డీల్‌ : కేంద్రానికి క్లీన్‌చిట్‌ .. రివ్యూ పిటిషన్లు కొట్టివేత *రాహుల్ గాంధీకి రిలీఫ్.. పరువునష్టం కేసుపై సుప్రీం తీర్పు *వైసీపీలో చేరనున్న తెలుగు యువత రాష్ట్ర అధ్యక్షుడు దేవినేని అవినాష్*ఆర్టీఐ పరిధిలోకి సీజేఐ ఆఫీస్.. సుప్రీం మరో సంచలన తీర్పు*ఏపీ కొత్త సీఎస్‌గా నీలం సహాని...నిన్న రాత్రి ఉత్తర్వులు జారీ చేసిన ఏపీ సర్కార్....ఇవాళ బాధ్యతలు స్వీకరించిన నీలం సహాని *ఇసుక కొరతపై చంద్రబాబు దీక్ష...12 గంటల పాటు దీక్షలో కూర్చున్న బాబు* ప్రకాశం జిల్లాలో సీఎం జగన్ పర్యటన...మనబడి నాడు - నేడు కార్యక్రమానికి శ్రీకారం*విశాఖ: బ్లూ ఫ్రాగ్ మొబైల్ టెక్నాలజీస్ సంస్థలో సీఐడీ సోదాలు.. మన శాండ్ ఆన్‌లైన్ ఇసుక సరఫరా వెబ్‌సైట్ హ్యాక్ చేసినట్టు అనుమానం*ఢిల్లీ: అయోధ్య ట్రస్ట్ ఏర్పాటుకు కేంద్ర ప్రభుత్వం కసరత్తు.. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం*ఆర్టీసీ సమ్మెపై విచారణను ఈనెల 18కి వాయిదా వేసిన హైకోర్ట్*అమరావతి: పెట్టుబడులు వెనక్కి వెళ్లిపోతున్నాయనడం కరెక్ట్ కాదు.. చంద్రబాబు, లోకేష్ తప్పుడు ప్రచారం చేస్తున్నారు: మంత్రి బొత్స

టీడీపీ మ‌హిళా నేత‌ల‌ శిగ‌ప‌ట్లు..!

23-10-201923-10-2019 15:38:03 IST
2019-10-23T10:08:03.967Z23-10-2019 2019-10-23T10:07:55.884Z - - 14-11-2019

టీడీపీ మ‌హిళా నేత‌ల‌ శిగ‌ప‌ట్లు..!
facebooktwitterGooglewhatsappwhatsappGoogle
ఎన్నిక‌ల సంఘం ఎస్సీ షెడ్యూల్ కులాల‌కు రిజ‌ర్వ్ చేసిన అసెంబ్లీ నియోజ‌క‌వ‌ర్గాల్లో అనంత‌పురం జిల్లా శింగ‌న‌మ‌ల అసెంబ్లీ నియోజ‌క‌వ‌ర్గం ఒక‌టి. ఈ నియోజ‌క‌వ‌ర్గం నుంచి ఈ ఏడాది జ‌రిగిన సార్వ‌త్రిక‌ ఎన్నిక‌ల్లో వైసీపీ నుంచి పోటీచేసిన జొన్న‌ల గ‌డ్డ ప‌ద్మావ‌తి విజ‌యం సాధించారు. టీడీపీ అభ్య‌ర్ధి శ్రావ‌ణి ఓట‌మిపాల‌య్యారు. అయితే, ఓట‌మి త‌రువాత కూడా టీడీపీ నేత‌లు గుణ‌పాఠం నేర్చుకోకుండా పార్టీలో ఆధిప‌త్యం కోసం ఒక‌రిపై మ‌రొక‌రు కుట్ర రాజ‌కీయాలకు తెర తీస్తున్నార‌న్న టాక్  నియోజ‌క‌వ‌ర్గ ప్ర‌జ‌ల నుంచి క‌నిపిస్తోంది.

సుదీర్ఘ రాజ‌కీయ అనుభ‌వం క‌లిగిన మాజీ మంత్రి శ‌మంత‌క‌మ‌ణి ప్ర‌స్తుతం ఎమ్మెల్సీగా కొన‌సాగుతున్నారు. 2014 ఎన్నిక‌ల్లో తాను త‌ప్పుకుని, త‌న కుమార్తె యామిని బాల‌ను రాజ‌కీయాల్లోకి తెచ్చిన శ‌మంత‌క‌మ‌ణి ఆ త‌రువాత ప‌ట్టు కోల్పోయారు. 2014లో ఎమ్మెల్యేగా ఎన్నికైన యామిని బాల ప్ర‌భుత్వ విప్‌గా ప‌నిచేశారు.

అయితే, 2019 ఎన్నిక‌ల్లో సిట్టింగ్ ఎమ్మెల్యే యామిని బాల‌ను చంద్ర‌బాబు ప‌క్క‌న పెట్టారు. మాజీ ఎంపీ జేసీ దివాక‌ర్‌రెడ్డి ఒత్తిడి మేర‌కు కొత్త‌గా బండారు శ్రావ‌ణి అనే మ‌హిళ‌కు గ‌త ఎన్నిక‌ల్లో చంద్ర‌బాబు టికెట్ ఇచ్చారు. చంద్ర‌బాబు తీరుపై శ‌మంత‌క‌మ‌ణి, ఆమె కుమార్తె యామిని బాల అసంతృప్తి వ్య‌క్తం చేశారు.

ఎన్నిక‌ల్లో అంటీముట్ట‌న‌ట్టు ఉన్న ఈ త‌ల్లీ కూతుళ్లు మ‌ళ్లీ శింగ‌న‌మ‌ల‌పై ప‌ట్టు సాధించేందుకు ప్ర‌య‌త్నాల‌ను ప్రారంభించారు. శింగ‌న‌మ‌ల‌, గార్ల‌దిన్నె, బుక్క‌రాయ స‌ముద్రం, నార్ప‌ల‌, య‌ల్ల‌నూరు, పుట్లూరు మండ‌లాల్లోని త‌మ అనుచ‌రుల‌తో ప్ర‌త్యేకంగా స‌మావేశాలు నిర్వ‌హిస్తూ మ‌ళ్లీ తామేవ‌స్తామంటూ ప్ర‌చారం చేసుకుంటున్నారు.

త్వ‌ర‌లోనే శింగ‌మ‌న‌ల ఇన్‌చార్జి బాధ్య‌త‌ల‌ను త‌మ‌కే అప్ప‌గిస్తార‌ని, అంద‌రూ త‌మ‌కే మ‌ద్ద‌తు ఇవ్వాల‌ని కోరుతున్నారు  . త‌ల్లీ కూతుళ్ల రాజ‌కీయంపై అప్ర‌మ‌త్త‌మైన బండారు శ్రావ‌ణి ఉన్న అవ‌కాశాన్ని వ‌దులుకోవ‌ద్ద‌ని భావిస్తున్నారు. త‌న రాజ‌కీయ గురువు, గ‌త ఎన్నిక‌ల్లో టీడీపీ టికెట్ ఇప్పించిన జేసీ దివాక‌ర్‌రెడ్డి అందుబాటులో లేక‌పోయినా ఒంట‌రిగానే కార్య‌క్ర‌మాల‌ను నిర్వ‌హించేందుకు సిద్ధ‌మ‌య్యారు.

గ‌త ఎన్నిక‌ల్లో పోటీచేసిన త‌న‌నే శింగ‌న‌మల ఇన్‌చార్జిగా అధిష్టానం గుర్తిస్తుంద‌ని, కొత్త‌గా ఎవ‌రి జోక్యం ఆధిప‌త్యం అవ‌స‌రం లేదంటూ శ‌మంత‌క‌మ‌ణి, ఆమె కుమార్తె మాజీ ఎమ్మెల్యే యామిని బాల‌కు బండారు శ్రావ‌ణి చుర‌క‌లు అంటిస్తున్నారు. ఓ వైపు బండారు శ్రావ‌ణి, మ‌రోవైపు శ‌మంత‌క‌మ‌ణి, అలాగే శ‌మంత‌క‌మ‌ణి - యామిని బాల గ్రూపు రాజ‌కీయాల‌తో శింగ‌న‌మ‌ల టీడీపీ రెండుగా చీలిపోయింది.

పోటా పోటీ కార్య‌క్ర‌మాలు, వేర్వేరు మీటింగ్‌ల‌తో గంద‌ర‌గోళానికి తెర తీశారు. ఎవ‌రికి వారు తామే ఇన్‌చార్జిల‌మ‌ని చెప్పుకోవ‌డంతో టీడీపీ కార్య‌క‌ర్త‌లు అయోమ‌యానికి లోన‌వుతున్నారు. ఎన్నిక‌ల్లో ఓడిపోయినా నేత‌ల తీరు మార‌లేద‌ని, ఎంత‌సేపూ ప‌ద‌వుల కోసం, ఆధిప‌త్యం కోసం పాకులాడుతున్నారే కానీ, త‌మ స‌మ‌స్య‌ల‌ను ఎవ్వ‌రూ ప‌ట్టించుకోలేద‌ని శింగ‌న‌మల టీడీపీ కార్య‌క‌ర్త‌లు వాపోతున్నారు. 

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle