newssting
BITING NEWS :
*టిడిపి జాతీయ అధ్యక్షుడు నారా చంద్రబాబు నాయుడు నేడు విజయనగరం జిల్లాలో పర్యటన* క్యాంప్ కార్యాలయంలో సీఎం జగన్‌తో సినీ నిర్మాతల భేటి...హాజ‌రైన దగ్గుపాటి సురేష్, శ్యాంప్రసాద్ రెడ్డి, నల్లమలుపు బుజ్జి *నేడు 72వ రోజు రాజధాని ప్రాంత రైతుల ఆందోళన *వాళ కర్నూలులో సీఎం జగన్ పర్యటన...ఎమ్మెల్మే శ్రీదేవి కుమారుడి విహహానికి హాజరు కానున్న జగన్*నేడు రాష్ట్రపతి రామ్‌నాథ్‌ కోవింద్‌ను కలవనున్న కాంగ్రెస్ నేతలు..ఢిల్లీలో అల్లర్లపై రాష్ట్రపతికి ఫిర్యాదు *నేడు రాజధానికి సంబంధించిన పిటిషన్లపై హైకోర్టులో విచారణ..హైకోర్టులో వాదనలను వినిపించనున్న ప్రభుత్వ తరపు న్యాయవాది *ఇవాళ గుంటూరు జైలు నుంచి రాజధాని రైతుల విడుదల *రాజస్థాన్‌లో ఘోర రోడ్డు ప్రమాదం.. 24 మంది మృతి *మహిళల టీ-20 ప్రపంచకప్...నేడు భారత్ - న్యూజిలాండ్ మ్యాచ్

టీడీపీ, బీజేపీకి జ‌గ‌న్ అలా మేలు చేస్తున్నారా..?

25-08-201925-08-2019 09:05:05 IST
2019-08-25T03:35:05.251Z25-08-2019 2019-08-25T03:34:54.837Z - - 27-02-2020

టీడీపీ, బీజేపీకి జ‌గ‌న్ అలా మేలు చేస్తున్నారా..?
facebooktwitterGooglewhatsappwhatsappGoogle
ఆంధ్ర‌ప్ర‌దేశ్‌లో అధికారంలోకి వ‌చ్చిన మూడు నెల‌లు తిర‌గ‌కుండానే వైఎస్సార్ కాంగ్రెస్ పార్టీకి అన్ని వైపులా శ‌త్రువులు త‌య్యార‌య్యారు. ఆరు నెల‌లు కొత్త ప్ర‌భుత్వానికి స‌మ‌యం ఇస్తామ‌ని ముందు చెప్పిన అన్ని పార్టీలూ నెల రోజుల‌కే వైసీపీ ప్ర‌భుత్వంపై యుద్ధం ప్ర‌క‌టించాయి.

ప్ర‌ధాన ప్ర‌తిప‌క్షం తెలుగుదేశం పార్టీ పెద్ద ఎత్తున ప్ర‌భుత్వంపై విమ‌ర్శ‌లు గుప్పిస్తోంది. ఇక‌, ఎన్నిక‌ల ముందు వ‌ర‌కూ వైసీపీతో స‌ఖ్య‌త‌తో ఉన్న భార‌తీయ జ‌న‌తా పార్టీ ఇప్పుడు టీడీపీతో స‌మానంగా వైసీపీపై మాట‌ల‌దాడి చేస్తోంది. వీరికి జ‌న‌సేన‌, క‌మ్యూనిస్టులు, కాంగ్రెస్ పార్టీలు అద‌నం.

తెలంగాణ‌లో కేసీఆర్ గెలిచిన‌ట్లుగానే భారీగా సీట్లు సాధించి జ‌గ‌న్ అధికారంలోకి వ‌చ్చారు. కానీ, తెలంగాణ‌లో ఇప్పుడు ప్ర‌తిప‌క్షాలు బ‌ల‌హీనంగా ఉన్నాయి. ఆప‌రేష‌న్ ఆక‌ర్ష్ పేరుతో కేసీఆర్ విసిరిన వ‌ల‌కు కాంగ్రెస్‌లో ఎమ్మెల్యేలు వ‌రుస‌బెట్టి టీఆర్ఎస్‌లో చేరిపోయారు. దీంతో ఆ పార్టీ ప్ర‌తిప‌క్ష హోదా కూడా కోల్పోయింది. దీంతో కేసీఆర్‌ను కాంగ్రెస్ పార్టీ ఎదుర్కోలేక‌పోతోంది.

అయితే, ఆంధ్ర‌ప్ర‌దేశ్‌లో 151 సీట్ల‌తో భారీ విజ‌యాన్ని జ‌గ‌న్ సొంతం చేసుకున్నాక అస‌లు టీడీపీ తిరిగి కోలుకుంటుందా అని అంతా అనుకున్నారు. అనేక మంది టీడీపీ నేత‌లు, ఎమ్మెల్యేలు కూడా వైసీపీలోకి వ‌చ్చేందుకు మొగ్గు చూపార‌నే ప్ర‌చారం కూడా జ‌రిగింది.

అయితే, ఎవ‌రినీ చేర్చుకునేందుకు జ‌గ‌న్ ఆస‌క్తి చూపించ‌లేదు. పార్టీలో చేరే వారు ప‌ద‌వుల‌కు రాజీనామా చేసి రావాల‌ని ష‌ర‌తు పెట్టారు. ఇది రాజ‌కీయంగా తెలుగుదేశం పార్టీకి బాగా క‌లిసివ‌చ్చింది.

భార‌తీయ జ‌న‌తా పార్టీలోకి కొంద‌రు నేత‌లు వెళ్లినా టీడీపీకి అంత‌టి దారుణ ప‌రాజ‌యం ఎదురైనా పెద్ద‌గా దెబ్బ ప‌డ‌లేదు. అదే కేసీఆర్ మాదిరి జ‌గ‌న్ కూడా ఆప‌రేష‌న్ ఆక‌ర్ష్‌ను ప్రారంభించి ఉంటే జారిపోతున్న నేత‌ల‌ను కాపాడుకునేందుకే చంద్ర‌బాబు స‌మ‌యం స‌రిపోయేది.

పైగా జ‌గ‌న్ పాల‌న బాగుండే చేరిక‌లు జ‌రుగుతున్నాయ‌నే భావ‌న ప్ర‌జ‌ల్లోకి వెళ్లి.. ప్ర‌తిప‌క్షాల విమ‌ర్శ‌లు ఫెయిల్ అయ్యేవి. కానీ, జ‌గ‌న్ వైసీపీ డోర్లు తెర‌వ‌క‌పోవ‌డంతో టీడీపీ ఓట‌మి నుంచి త్వ‌ర‌గానే బ‌య‌ట‌ప‌డి బ‌లంగా త‌యార‌వుతోంది. అదే జ‌గ‌న్‌.. శ‌త్రువును దెబ్బ మీద దెబ్బ కొట్టాల‌ని భావించి ఉంటే టీడీపీ ఇంత‌లా ప్ర‌భుత్వంపై ఎదురుదాడి చేసేది కాదు.

ఇక‌, జ‌గ‌న్ త‌న పార్టీలోకి ఎవ‌రినీ చేర్చుకునేందుకు ఆస‌క్తి చూప‌క‌పోవ‌డంతో భార‌తీయ జ‌న‌తా పార్టీకి బాగా క‌లిసి వ‌చ్చింది. వైసీపీలోకి వెళ్ల‌లేని నేత‌లు ప్ర‌త్యామ్నాయంగా కేంద్రంలో అధికారంలో ఉన్న బీజేపీ వైపు చూస్తున్నారు. దీంతో కాషాయ పార్టీలోకి చేరిక‌లు పెరిగి కొత్త జోష్ వ‌చ్చింది. దీంతో ఆ పార్టీ కూడా వైసీపీకి రాజ‌కీయంగా బ‌ల‌మైన ప్ర‌త్య‌ర్థిగా ఎదుగుతోంది.

అధికారంలోకి వ‌చ్చాక పాల‌నా వ్య‌వ‌హారాల‌పైనే దృష్టి పెట్టిన జ‌గ‌న్ రాజ‌కీయంగా పెద్ద‌గా ఆలోచించ‌డం లేదు. గెలిచాక ఒక్క‌రంటే ఒక్క నేత‌ను కూడా వైసీపీలో చేర్చుకోలేదు. ఇదే స‌మ‌యంలో టీడీపీ, బీజేపీ పూర్తిగా రాజ‌కీయ వ్యూహాలు ప‌న్నుతూ వైసీపీని ఇరుకున పెడుతున్నాయి.

ఇందుకు ఆ పార్టీకి అవ‌కాశం ఇచ్చింది మాత్రం జ‌గ‌నే. పార్టీ డోర్లు మూసేసి టీడీపీ నిల‌దొక్కుకునేందుకు, బీజేపీ బ‌ల‌ప‌డేందుకు ఇన్‌డైరెక్ట్‌గా సాయ‌ప‌డిన‌ట్లు క‌నిపిస్తోంది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle