newssting
BITING NEWS :
*దిశ కేసు విచారణకు ప్రత్యేక దర్యాప్తు బృదం.. శంషాబాద్ డీసీపీ నేతృత్వంలో విచారణ కమిటీ *హైదరాబాద్ మెట్రోలో పెప్పర్ స్ప్రేలకు అనుమతి * ఎన్‌ఆర్‌సీ బిల్లుకిమంత్రివర్గం ఆమోదం*కర్ణాటకలో 15 అసెంబ్లీ నియోజకవర్గాలకు కొనసాగుతున్న పోలింగ్*రూ.150కి చేరిన కిలో ఉల్లి ధర.. ఉల్లి కొనలేక గత మూడు నెలలుగా ఇబ్బంది పడుతున్న ప్రజలు*చిత్తూరుజిల్లాలో దారుణం... కాలేజి నుండి వస్తుండగా బాలిక కిడ్నాప్*విజయవాడలో అజిత్ సింగ్ నగర్ చెత్త డంపింగ్ యార్డ్ ను పరిశీలించిన ఎమ్మెల్యే మల్లాది విష్ణు*నేడు పోలీస్‌ కస్టడీకి దిశ నిందితులు..నలుగురు నిందితులను కస్టడీలోకి తీసుకోనున్న పోలీసులు..వారం రోజుల పాటు విచారణ*నేడు ఆర్బీఐ విధాన సమీక్ష.. వడ్డీరేట్ల పై కీలక ప్రకటన చేయనున్న ఆర్బీఐ *శబరిమల సన్నిధిలో సెల్ ఫోన్లు బంద్... స్వామి గర్భగుడి పరిసర ప్రాంతాల్లో సెల్ ఫోన్ల వాడకాన్ని నిషేదించిన ట్రావెన్ కోర్ బోర్డు *తెలంగాణ సెక్యూరిటీ కమిషన్, పోలీస్ కంప్లైట్ అథారిటీని ఈ నెల 27వ తేదీలోగా ఏర్పాటు చేయాలని హైకోర్టు ఆదేశం*వివేకానందరెడ్డి హత్య కేసులో సిట్ దర్యాప్తు ముమ్మరం.. రోజుకు నలుగురిని విచారించిన సిట్ బృందం.. రేపు టీడీపీ ఎమ్మెల్సీ బీటెక్ రవిని విచారించనున్న సిట్

టీటీడీ వెబ్‌సైట్‌లో శ్రీయేసయ్యః శ్రీవేంకటేశాయనమః!

02-12-201902-12-2019 12:35:40 IST
2019-12-02T07:05:40.517Z02-12-2019 2019-12-02T07:05:17.429Z - - 06-12-2019

టీటీడీ వెబ్‌సైట్‌లో శ్రీయేసయ్యః శ్రీవేంకటేశాయనమః!
facebooktwitterGooglewhatsappwhatsappGoogle
ఆంధ్రప్రదేశ్ రాష్ట్రంలో వైసీపీ ప్రభుత్వం ఏర్పాటయ్యాక అన్యమత ప్రచారం ఎక్కువగా జరిగిపోతుందని పలువులు హిందూమత సానుభూతిపరులు, హిందూ ధార్మిక సంఘాలు పలుసందర్భాలలో అభిప్రాయపడుతున్న సంగతి అందరూ చూస్తున్నదే. ఇక రాజకీయ పార్టీల ఆరోపణలకైతే కొదువేలేదు. దీనిపై ఏపీ ప్రభుత్వ పెద్దలు తీవ్రంగా ఖండించినా ఆరోపణలకు అవకాశం కల్పించే ఘటనలు మాత్రం పునరావృతమవుతూనే ఉన్నాయి.

తిరుమలలో అన్యమతప్రచారం జరిగిపోతుందని తీవ్రంగా ఆరోపణలు వెల్లువెత్తాయి. దీనిపై టీటీడీలో పనిచేసే ఉద్యోగులు చర్చిలలో ప్రార్ధనలకు వెళ్ళడం దగ్గర నుండి కొండపైనే అన్యమతప్రచారం వరకు పలు సాక్ష్యాలతో సహా సోషల్ మీడియాలో వీడియోల రూపంలో చక్కర్లు కొట్టాయి. వీటికి తోడు రాష్ట్ర దేవాదాయ శాఖ నిధులను క్రైస్తవ మతస్థుల జెరూసలేం యాత్ర కోసం ఆర్ధిక సాయంకు మళ్లించారని ఆరోపణలొచ్చాయి.

టీటీడీ వ్యవహారంలో అతిగా జోక్యం చేసుకున్నారనే సిఎస్ గా ఉన్న ఎల్వీసుబ్రహ్మణ్యంను తొలగించారని కథనాలు వినిపించాయి. వీటన్నిటికీ సమాధానం చెప్పిన ప్రభుత్వ పెద్దలు అన్యమత ప్రచారానికి మాత్రం కట్టడి చేసే చర్యలను తీసుకోవడంలో విఫలమవుతున్నారు. తాజాగా ఏకంగా టీటీడీ వెబ్ సైట్లోనే శ్రీ యేసయ్య, శ్రీవేంకటేశాయ నమః అని కనిపించడం వెంకన్న భక్తులను విస్తుగోలిపింది.

ప్రపంచవ్యాప్తంగా ఉన్న వేంకటేశ్వరుడు భక్తులలో టీటీడీ క్యాలెండర్ పై మీద కూడా అంతే నమ్మకాలుంటాయి. ఆ క్యాలెండర్ తమ ఇంట్లో ఉండాలని అని కోరుకొనే వాళ్ళు కోట్లాదిమంది ఉన్నారు. ఈక్రమంలోనే టీటీడీ 2020 క్యాలెండర్ కోసం గూగుల్ లో సెర్చ్ చేస్తుంటే టీటీడీ అధికారిక వెబ్ సైట్ 'టీటీడీ.ఓఆర్జీ'లో 'శ్రీయేసయ్య, శ్రీవేంకటేశాయ నమః వికారి నమ సంవత్సర సిద్దాన పంచాబ్ధము' అని కనిపించడంతో ఖంగుతిన్నారు.

Image result for Sri Yesayya Sri Venkatesaya Namaha words on the TTD website!

2020 సంవత్సర పంచాంగాన్ని టీటీడీ ఉగాది రోజైన ఏప్రిల్‌ 6న అప్‌లోడ్‌ చేసింది. అప్పుడు ‘శ్రీ ఐ నమః శ్రీ వేంకటేశాయనమః’ అని ఉండగా శుక్రవారం ఉదయం నుండి  ‘శ్రీయేసయ్యః శ్రీవేంకటేశాయనమః’ అని మారిపోయింది. దీనిపై హిందూ సంఘాలు ఈఓకు ఫిర్యాదు చేయడంతో శనివారం మధ్యాహ్నం వరకు కూడా వెబ్ సైట్ లో కనిపించకుండా చేశారు. అయితే గూగుల్ సెర్చ్ లో మాత్రం అది కనిపిస్తూనే ఉంది.

ఆదివారం ఉదయానికి కానీ గూగుల్ సెర్చ్ లో కూడా కనిపించకుండా చేయగలిగారు. దీనిపై స్పందించిన టీటీడీ అధికారులు మాత్రం ఇది ఇంటర్ ప్రిటేషన్ వలన జరిగిన పొరపాటుగా పేర్కొన్నారు. కానీ అదే నిజమైతే ఆరు నెలలుగా కనిపించకపోవడం, అక్షర దోషాలు లేదా పదాల తప్పులు ఉండాలి కానీ స్పష్టంగా శ్రీ యేసయ్య అని పదం ప్రత్యక్షం కావడం అసంభవం అని టెక్నీకల్ నిపుణులు చెప్తున్నారు.

ఇక హ్యాకర్లు చేసిన పని అయ్యే అవకాశం కూడా లేదని, హ్యాకర్లు అయితే కొత్త పదాన్ని జోడించి మాత్రమే ఎందుకు వదిలేస్తారని ప్రశ్నలు లేవనెత్తుతున్నారు. ఇది ఖచ్చితంగా వెబ్ సైట్ యాక్సిస్ ఉన్న వాళ్ళు మాత్రమే చేసిన పనిగా నిపుణులు అనుమానం వ్యక్తం చేస్తుండగా ప్రభుత్వం సైబర్ నిపుణులతో విచారణ జరిపితే ఇది ఎవరి పని అన్నది సులభంగా తేల్చేందుకు అవకాశం ఉంటుందంటున్నారు.

కానీ ప్రభుత్వం, టీటీడీ పెద్దలు మాత్రం విజిలెన్స్ విచారణకు ఆదేశించడం ఎవరికీ అంతుబట్టని వ్యవహారంగా పేర్కొంటున్నారు. గతంలో కూడా ఇదే టీటీడీ అధికారిక వెబ్ సైట్లో శ్రీవారి సంకీర్తనల్లో అన్యమత దైవాన్ని స్తుతించే కీర్తనలు కనిపించాయి. అప్పుడు కూడా టీటీడీ వాటిని తొలగించి సరిపెట్టుకోగా ఇప్పుడు పదాలను తొలగించి విజిలెన్స్ విచారణకు ఆదేశించడం అనుమానాలకు తావిస్తుంది. దీనిపై సైబర్ విచారణ జరపడం ఎంతైనా అవసరమని నిపుణుల అభిప్రాయం.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle