newssting
BITING NEWS :
*శాసన మండలిలో మళ్ళీ గందరగోళం...కొనసాగుతోన్న మూడు రాజధానుల రగడ..రూల్‌ 71పై చర్చకు అనుమతించిన మండలి ఛైర్మన్‌..అభ్యంతరం వ్యక్తం చేసి నినాదాలు చేస్తున్న వైసీపీ సభ్యులు *మండలి ఛైర్మన్ ఛైర్ వద్దకు వెళ్లిన పీడీఎఫ్, టీడీపీ ఎమ్మెల్సీలు..వాయిదా పడ్డాక మండలి ఛైర్మనుతో మంత్రుల భేటీ*ఐదోసారి శాసన మండలి వాయిదా..మండలి వద్ద భారీగా మార్షల్స్ మొహరింపు..మండలి ఛైర్మన్ వద్దకు వచ్చి ఆయనతో మాట్లాడిన బుద్దా వెంకన్న*ఎంపీ గల్లా జయదేవ్ కి బెయిల్ మంజూరు..బెయిల్ మంజూరు చేసిన మంగళగిరి సెషన్స్ కోర్టు..గుంటూరు సబ్ జైలు నుండి విడుదలైన ఎంపీ, పోలీసుల తీరు సరిగా లేదన్న గల్లా *ఫ్యాక్షన్ తరహా పాలన చేయాలని వైసీపీ చూస్తోంది.. వైసీపీ నిర్ణయాలు వాళ్ల వినాశనం కోసమే.. ఇకపై ఏపీలో వైసీపీకి అధికారం అనేదే ఉండదు..వైసీపీ ప్రభుత్వాన్ని కూల్చేవరకు నిద్రపోను-పవన్ కల్యాణ్‌*నాకు రాజకీయాలను ఆపాదించవద్దు... నిబంధనల ప్రకారమే వ్యవహరిస్తున్నాను-మండలి ఛైర్మన్ షరీఫ్*నిర్ణయాన్ని మార్చుకున్న వైసీపీ సర్కార్... విజయవాడలోనే రిపబ్లిక్ డే*అమరావతి: ఎస్సీ కమిషన్ బిల్లుపై చర్చలో గందరగోళం.. చర్చకు అడ్డుతగిలిన టీడీపీ సభ్యులు... జై అమరావతి అంటూ టీడీపీ సభ్యుల నినాదాలు.. టీడీపీ సభ్యులపై తీవ్ర ఆగ్రహం.. సభ నుంచి వెళ్లిపోయిన స్పీకర్ *వికేంద్రీకరణ, సీఆర్డీఏ రద్దు బిల్లుకు ఏపీ శాసనసభ ఆమోదం.. ఏపీకి ఇక నుంచి మూడు రాజధానులు.. విశాఖ ఎగ్జిక్యూటివ్ క్యాపిటల్, అమరావతి లేజిస్లేటివ్ క్యాపిటల్, కర్నూలులో జ్యూడీషియల్ క్యాపిటల్‌కు సభ ఆమోదం

జ‌గ‌న్ స‌హ‌నానికి ప‌రీక్ష పెడుతున్నారా..?

10-12-201910-12-2019 08:04:11 IST
Updated On 10-12-2019 13:44:37 ISTUpdated On 10-12-20192019-12-10T02:34:11.473Z10-12-2019 2019-12-10T02:33:47.703Z - 2019-12-10T08:14:37.599Z - 10-12-2019

జ‌గ‌న్ స‌హ‌నానికి ప‌రీక్ష పెడుతున్నారా..?
facebooktwitterGooglewhatsappwhatsappGoogle
న‌ర్సాపురం పార్ల‌మెంటు స‌భ్యుడు ర‌ఘురామ‌కృష్ణంరాజు రాజ‌కీయం వైఎస్సార్ కాంగ్రెస్ పార్టీకి త‌ల‌నొప్పిగా మారుతోంది. పార్టీ లైన్ దాటుతూ ఆయ‌న జ‌గ‌న్ స‌హ‌నానికి ప‌రీక్ష పెడుతున్నారు. ఇప్ప‌టికే ఓ వైపు వైసీపీ ఎంపీలు త‌మ‌తో ట‌చ్‌లో ఉన్నార‌ని సుజ‌నా చౌద‌రి వంటి బీజేపీ నేత‌లు ప్ర‌క‌టన‌లు ఇస్తుంటే రఘురామ‌కృష్ణంరాజు ఈ ప్రచారానికి బ‌లం చేకూర్చేలా వ్య‌వ‌హ‌రిస్తున్నారు.

ఇటీవ‌ల పాఠ‌శాల‌ల్లో ఇంగ్లీష్ మీడియంను త‌ప్ప‌నిస‌రి చేస్తూ జ‌గ‌న్ స‌ర్కార్ నిర్ణ‌యం తీసుకుంది. ఈ నిర్ణ‌యాన్ని తెలుగుదేశం పార్టీ, జ‌న‌సేన‌, బీజేపీ తీవ్రంగా వ్య‌తిరేకించాయి.

కానీ, ఈ విష‌యంలో జ‌గ‌న్ మొండిగా ముందుకెళ్లారు. ఇంగ్లీష్ విష‌యంలో ఎటువంటి అవాంత‌రాలు వ‌చ్చినా వెన‌క్కు త‌గ్గేది లేద‌ని ఆయ‌న ప్ర‌క‌టించారు. త‌మ అధినేతకు ఇంత ప్ర‌తిష్ఠాత్మ‌కంగా ఇంగ్లీష్ విద్య ఉన్నందున వైసీపీ నేత‌లంతా ఈ నిర్ణ‌యాన్ని స‌మ‌ర్థించారు.

కానీ, తెలుగును చంపేస్తున్నారా అంటూ ప్ర‌తిప‌క్ష పార్టీలు విమ‌ర్శ‌లు మొద‌లుపెట్టారు. ఈ విష‌యాన్ని టీడీపీ పార్ల‌మెంటులో కూడా లేవ‌నెత్తగా ర‌ఘురామ‌కృష్ణం రాజు సైతం మాట్లాడి తెలుగును కాపాడుకోవాల్సిన అవ‌స‌రాన్ని గుర్తు చేశారు.

ఇది వైసీపీకి ఇబ్బందిక‌రంగా మారింది. ఆయ‌న‌పై జ‌గ‌న్ సీరియ‌స్ అయ్యారు. పిలిపించుకొని మాట్లాడారు. మ‌ళ్లీ ఇలా జ‌ర‌గ‌వ‌ద్ద‌ని సున్నితంగా చెప్పారు.

అయినా, ఆయ‌న డోంట్ కేర్ అన్న‌ట్లుగా వ్య‌వ‌హ‌రిస్తున్నట్లు క‌నిపిస్తోంది. విజ‌య‌సాయిరెడ్డి, మిథున్‌రెడ్డి లేకుండా కేంద్ర ప్ర‌భుత్వంలో ఎవ‌రినీ క‌ల‌వ‌వ‌ద్ద‌ని పార్టీ ఎంపీల‌కు ఒక సూచ‌న చేసింది. కానీ, రాఘురామ‌కృష్ణంరాజు మాత్రం ఈ సూచ‌న‌ల‌ను బేఖాత‌రు చేస్తున్నారు.

బీజేపీలో ప‌నిచేసినందున ఆయ‌న‌కు ప్ర‌ధాని మోడీ, అమిత్ షా స‌హా బీజేపీ పెద్ద‌ల‌తో సంబంధాలు ఉన్నాయి. వీటి ఆధారంగా ఆయ‌న కేంద్ర పెద్ద‌ల‌ను త‌ర‌చూ క‌లుస్తున్నారు.

ఇక‌, తాజాగా ఎంపీలంద‌రికీ ఘ‌నంగా విందు ఇవ్వాల‌ని ర‌ఘురామ‌కృష్ణంరాజు నిర్ణ‌యించారు. ఇప్పుడు ఇదే ఆస‌క్తిక‌రంగా మారింది. ఈ విందును త‌న వియ్యంకుడు, కాంగ్రెస్ రాజ్య‌స‌భ స‌భ్యుడు కేవీపీ రామ‌చంద్ర‌రావు ఇంట్లో ఇవ్వ‌నున్నారు.

త‌న‌కు ఇంకా ఢిల్లీలో ఇల్లు కేటాయించ‌నందున కేవీపీ ఇంట్లో విందు ఏర్పాటు చేసిన‌ట్లు ఆయ‌న చెబుతున్నారు. ఈ విందుకు అన్ని పార్టీల ఎంపీల‌తో పాటు ప్ర‌ధాని మోడీ, అమిత్ షాను కూడా ఆహ్వానించారు.

కేవీపీతో జ‌గ‌న్‌కు అంత స‌ఖ్య‌త లేదు. వైఎస్ ఆత్మ‌గా చెప్పుకునే కేవీపీ వైఎస్ మ‌ర‌ణానంత‌రం జ‌గ‌న్‌కు మ‌ద్ద‌తు ఇవ్వ‌లేదు. అటువంటిది కేవీపీ ఇంట్లో త‌మ ఎంపీ విందు పెట్ట‌డం జ‌గ‌న్‌కు ఇబ్బందిగా మారింది.

ఈ విందుకు జ‌గ‌న్‌ను ఆహ్వానించారా లేదా, ఆహ్వానిస్తే వెళ్తారా లేదా అనేది ఆస‌క్తిక‌రంగా మారింది. ఇలా ఢిల్లీలో రఘురామ‌కృష్ణంరాజు స్వంతంగా రాజ‌కీయం చేసుకుంటున్నారు.

దీంతో వైసీపీ కూడా ఆయ‌న‌కు సీరియ‌స్‌గా చెక్ పెట్టేందుకు ప్ర‌య‌త్నిస్తోంది. ఇందులో భాగంగా న‌ర్సాపురానికే చెందిన మాజీ ఎంపీ గోక‌రాజు గంగ‌రాజు కుటుంబాన్ని వైఎస్సార్ కాంగ్రెస్ పార్టీలో చేర్చుకుంది.

వీరి ద్వారా ర‌ఘురామ‌కృష్ణంరాజు దూకుడుకు క‌ళ్లెం వేయాల‌ని వైసీపీ భావిస్తోంది. ఇప్ప‌టికే వైసీపీ నుంచి బీజేపీలోకి, అక్క‌డి నుంచి టీడీపీలోకి, టీడీపీ నుంచి మ‌ళ్లీ వైసీపీలోకి వ‌చ్చి టిక్కెట్ ద‌క్కించుకున్నారు ర‌ఘురామ‌కృష్ణంరాజు. ఇప్పుడు ఆయ‌న మ‌ళ్లీ బీజేపీలోకి ద‌గ్గ‌ర‌వ‌య్యే అవ‌కాశాలు ఎక్కువ‌గా ఉన్నాయి.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle