newssting
BITING NEWS :
*శాసన మండలిలో మళ్ళీ గందరగోళం...కొనసాగుతోన్న మూడు రాజధానుల రగడ..రూల్‌ 71పై చర్చకు అనుమతించిన మండలి ఛైర్మన్‌..అభ్యంతరం వ్యక్తం చేసి నినాదాలు చేస్తున్న వైసీపీ సభ్యులు *మండలి ఛైర్మన్ ఛైర్ వద్దకు వెళ్లిన పీడీఎఫ్, టీడీపీ ఎమ్మెల్సీలు..వాయిదా పడ్డాక మండలి ఛైర్మనుతో మంత్రుల భేటీ*ఐదోసారి శాసన మండలి వాయిదా..మండలి వద్ద భారీగా మార్షల్స్ మొహరింపు..మండలి ఛైర్మన్ వద్దకు వచ్చి ఆయనతో మాట్లాడిన బుద్దా వెంకన్న*ఎంపీ గల్లా జయదేవ్ కి బెయిల్ మంజూరు..బెయిల్ మంజూరు చేసిన మంగళగిరి సెషన్స్ కోర్టు..గుంటూరు సబ్ జైలు నుండి విడుదలైన ఎంపీ, పోలీసుల తీరు సరిగా లేదన్న గల్లా *ఫ్యాక్షన్ తరహా పాలన చేయాలని వైసీపీ చూస్తోంది.. వైసీపీ నిర్ణయాలు వాళ్ల వినాశనం కోసమే.. ఇకపై ఏపీలో వైసీపీకి అధికారం అనేదే ఉండదు..వైసీపీ ప్రభుత్వాన్ని కూల్చేవరకు నిద్రపోను-పవన్ కల్యాణ్‌*నాకు రాజకీయాలను ఆపాదించవద్దు... నిబంధనల ప్రకారమే వ్యవహరిస్తున్నాను-మండలి ఛైర్మన్ షరీఫ్*నిర్ణయాన్ని మార్చుకున్న వైసీపీ సర్కార్... విజయవాడలోనే రిపబ్లిక్ డే*అమరావతి: ఎస్సీ కమిషన్ బిల్లుపై చర్చలో గందరగోళం.. చర్చకు అడ్డుతగిలిన టీడీపీ సభ్యులు... జై అమరావతి అంటూ టీడీపీ సభ్యుల నినాదాలు.. టీడీపీ సభ్యులపై తీవ్ర ఆగ్రహం.. సభ నుంచి వెళ్లిపోయిన స్పీకర్ *వికేంద్రీకరణ, సీఆర్డీఏ రద్దు బిల్లుకు ఏపీ శాసనసభ ఆమోదం.. ఏపీకి ఇక నుంచి మూడు రాజధానులు.. విశాఖ ఎగ్జిక్యూటివ్ క్యాపిటల్, అమరావతి లేజిస్లేటివ్ క్యాపిటల్, కర్నూలులో జ్యూడీషియల్ క్యాపిటల్‌కు సభ ఆమోదం

జ‌గ‌న్ టైమ్ కోసం ఎమ్మెల్యేల వెయిటింగ్‌

30-11-201930-11-2019 14:24:34 IST
2019-11-30T08:54:34.504Z30-11-2019 2019-11-30T08:54:32.533Z - - 22-01-2020

జ‌గ‌న్ టైమ్ కోసం ఎమ్మెల్యేల వెయిటింగ్‌
facebooktwitterGooglewhatsappwhatsappGoogle
వైఎస్సార్ కాంగ్రెస్ పార్టీ అధికారంలోకి వ‌చ్చిన ఆరు నెల‌లు పూర్త‌య్యింది. ఊహ‌ల‌కు సైతం అంద‌ని విధంగా 151 సీట్లు గెలుచుకున్న జ‌గ‌న్ ముఖ్య‌మంత్రిగా బిజీబిజీగా ఉన్నారు.

అయితే, ఆయ‌న బిజీగా ఉండ‌ట‌మే ఇప్పుడు ఆ పార్టీ ఎమ్మెల్యేల్లో అసంతృప్తికి కార‌ణ‌మ‌వుతోంది. త‌మ అధినేతను క‌లిసేందుకు స‌మ‌యం దొర‌క‌క వైసీపీకి చెందిన చాలా మంది ఎమ్మెల్యేలు ఇబ్బంది ప‌డుతున్నారు. పైకి చెప్పుకోలేక జ‌గ‌న్ అపాయింట్‌మెంట్ కోసం ఎదురు చూస్తున్నారు.

ఇటీవ‌లి ఎన్నిక‌ల్లో వైసీపీ నుంచి ఏకంగా 151 మంది ఎమ్మెల్యేలు విజ‌యం సాధించారు. వైసీపీ ఇంత భారీ విజ‌యం సాధించింది అంటే ఆ పార్టీ ప‌ట్ల ప్ర‌జ‌ల్లో అన్ని ఆశ‌లు ఉన్న‌ట్లు అర్థం. ముఖ్యంగా వైసీపీ గుర్తుపై పోటీ చేసిన అభ్య‌ర్థులు ప్ర‌జ‌ల‌కు తెలిసిన వారైనా, తెలియ‌ని వారైనా సునాయ‌సంగా విజ‌యం సాధించారు.

చాలా మంది మొద‌టిసారి ఎమ్మెల్యేలుగా ఎన్నిక‌య్యారు. గెలిచిన ఏ ఎమ్మెల్యే అయినా నియోజ‌క‌వ‌ర్గానికి చేత‌నైనంత మంచి చేయాల‌నే ప్ర‌య‌త్నిస్తారు. ముఖ్యంగా కొత్త ఎమ్మెల్యేలు అయితే నియోజ‌క‌వ‌ర్గాన్ని అభివృద్ధి చేసి మంచి మార్కులు వేయించుకుంటే త‌మ రాజ‌కీయ భ‌విష్య‌త్ కూడా బాగుంటుంద‌ని ఆశ‌ప‌డుతుంటారు.

ఇక‌, ఎన్నిక‌ల్లో పార్టీ కోసం ప‌నిచేసిన క్యాడ‌ర్‌కు ఏ ర‌కంగానో న్యాయం చేయాల్సిన బాధ్య‌త కూడా వారిపై ఉంటుంది. ఇవ‌న్నీ చెప్పుకొని త‌మ నియోజ‌క‌వ‌ర్గంతో పాటు పార్టీ మంచిచెడులు మొర పెట్టుకునేందుకు ఎమ్మెల్యేల‌కు ముఖ్య‌మంత్రి జ‌గ‌న్ అందుబాటులో ఉండ‌టం లేద‌నే అసంతృప్తి మొద‌లైంది.

వైసీపీ ఎమ్మెల్యేల‌కు జ‌గ‌న్ అపాయింట్‌మెంట్ దొర‌క‌డం క‌ష్టంగా మారింది. ఆయ‌న‌ను క‌లిసి త‌మ నియోజ‌క‌వ‌ర్గానికి నిధులో, ప‌నులో అడుగుదామ‌ని ప్ర‌య‌త్నిస్తున్న ఎమ్మెల్యేలకు ఎదురుచూపులే మిగులుతున్నాయి. తెలుగుదేశం పార్టీ నుంచి గెలిచిన వ‌ల్ల‌భ‌నేని వంశీ వంటి వారు నెల‌లో రెండుసార్లు ముఖ్య‌మంత్రి జ‌గ‌న్‌ను క‌ల‌వ‌గ‌లిగినా స్వంత పార్టీ ఎమ్మెల్యేలు మాత్రం క‌ల‌వ‌లేక‌పోతున్నారు.

రాజ‌ధాని స‌మీప జిల్లాల ఎమ్మెల్యేలు రెండు రోజులు అటోఇటో జ‌గ‌న్‌ను క‌ల‌వ‌గ‌లుగుతున్నా దూర జిల్లాల ఎమ్మెల్యేలు మాత్రం క‌ల‌వ‌లేక‌పోతున్నారు. జ‌గ‌న్ ఏదైనా కార్య‌క్ర‌మంలో పాల్గొన‌డానికి వారి జిల్లాల‌కు వ‌చ్చిన‌ప్పుడే క‌ల‌వ‌డం త‌ప్ప జ‌గ‌న్‌ను ప్ర‌త్యేకంగా క‌లిసి మాట్లాడే ఛాన్స్ ఎమ్మెల్యేల‌కు దొర‌క‌డం లేదు.

ఓ వైపు నియోజ‌క‌వ‌ర్గ ప్ర‌జ‌ల‌కు ఎన్నిక‌ల్లో ఎమ్మెల్యేలు అనేక హామీలు ఇచ్చారు. వాటిని ముఖ్య‌మంత్రి దృష్టికి తీసుకెళ్లి నిధులు సాధించాల‌నే ఆశ‌తో ఎమ్మెల్యేలు ఉన్నారు. కానీ, కొత్త ముఖ్య‌మంత్రి జ‌గ‌న్‌కు పాల‌నా అనుభ‌వం లేనందున‌, ఆయ‌న పాల‌న‌పై ప‌ట్టు సాధించేందుకే ఎక్కువ స‌మ‌యం తీసుకుంటున్నారు.

త‌ర‌చూ వివిధ శాఖ స‌మావేశాలు నిర్వ‌హిస్తున్నారు. మ‌రోవైపు ఎన్నిక‌ల మేనిఫెస్టోను వేగంగా అమ‌లు చేయ‌డ‌మే ప్ర‌ధాన ల‌క్ష్యంగా పెట్టుకున్నారు. దీంతో ఆయ‌న‌కు ఎమ్మెల్యేల‌కు విడిగా అపాయింట్‌మెంట్ ఇచ్చే స‌మ‌యం దొర‌క‌డం లేద‌ని తెలుస్తోంది.

ప్ర‌స్తుతానికైతే చాలా మంది ఎమ్మెల్యేలు ముఖ్య‌మంత్రి అపాయింట్‌మెంట్ కోసం ఎదురుచూస్తూ, ముఖ్య‌మంత్రి కార్యాల‌యంలో కీల‌కంగా ఉండే అధికారులు, స‌ల‌హాదారుల‌ను ప్ర‌స‌న్నం చేసుకునేందుకు ప్ర‌య‌త్నిస్తున్నారు. మ‌రి, ఆరు నెల‌ల పాల‌న త‌ర్వాతైనా జ‌గ‌న్ ఎమ్మెల్యేల‌కు స‌మ‌యం ఇస్తారో లేదో చూడాలి.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle