newssting
BITING NEWS :
*దిశ కేసు విచారణకు ప్రత్యేక దర్యాప్తు బృదం.. శంషాబాద్ డీసీపీ నేతృత్వంలో విచారణ కమిటీ *హైదరాబాద్ మెట్రోలో పెప్పర్ స్ప్రేలకు అనుమతి * ఎన్‌ఆర్‌సీ బిల్లుకిమంత్రివర్గం ఆమోదం*కర్ణాటకలో 15 అసెంబ్లీ నియోజకవర్గాలకు కొనసాగుతున్న పోలింగ్*రూ.150కి చేరిన కిలో ఉల్లి ధర.. ఉల్లి కొనలేక గత మూడు నెలలుగా ఇబ్బంది పడుతున్న ప్రజలు*చిత్తూరుజిల్లాలో దారుణం... కాలేజి నుండి వస్తుండగా బాలిక కిడ్నాప్*విజయవాడలో అజిత్ సింగ్ నగర్ చెత్త డంపింగ్ యార్డ్ ను పరిశీలించిన ఎమ్మెల్యే మల్లాది విష్ణు*నేడు పోలీస్‌ కస్టడీకి దిశ నిందితులు..నలుగురు నిందితులను కస్టడీలోకి తీసుకోనున్న పోలీసులు..వారం రోజుల పాటు విచారణ*నేడు ఆర్బీఐ విధాన సమీక్ష.. వడ్డీరేట్ల పై కీలక ప్రకటన చేయనున్న ఆర్బీఐ *శబరిమల సన్నిధిలో సెల్ ఫోన్లు బంద్... స్వామి గర్భగుడి పరిసర ప్రాంతాల్లో సెల్ ఫోన్ల వాడకాన్ని నిషేదించిన ట్రావెన్ కోర్ బోర్డు *తెలంగాణ సెక్యూరిటీ కమిషన్, పోలీస్ కంప్లైట్ అథారిటీని ఈ నెల 27వ తేదీలోగా ఏర్పాటు చేయాలని హైకోర్టు ఆదేశం*వివేకానందరెడ్డి హత్య కేసులో సిట్ దర్యాప్తు ముమ్మరం.. రోజుకు నలుగురిని విచారించిన సిట్ బృందం.. రేపు టీడీపీ ఎమ్మెల్సీ బీటెక్ రవిని విచారించనున్న సిట్

జ‌గ‌న్ జైలుకు వెళ్తారనే ప్ర‌చారం ఇందుకేనా..?

20-11-201920-11-2019 12:19:31 IST
2019-11-20T06:49:31.750Z20-11-2019 2019-11-20T06:49:30.133Z - - 06-12-2019

జ‌గ‌న్ జైలుకు వెళ్తారనే ప్ర‌చారం ఇందుకేనా..?
facebooktwitterGooglewhatsappwhatsappGoogle
ముఖ్య‌మంత్రి వైఎస్ జ‌గ‌న్మోహ‌న్ రెడ్డి బెయిల్ ర‌ద్ద‌వుతుంద‌ని, ఆయ‌న మ‌ళ్లీ జైలుకు వెళ‌తార‌ని ఇటీవ‌ల సోష‌ల్ మీడియాలో, రాజ‌కీయ వ‌ర్గాల్లో పెద్ద ఎత్తున ప్ర‌చారం జ‌రుగుతోంది. ఇటీవ‌ల కోర్టుకు వ్య‌క్తిగ‌త హాజ‌రు నుంచి జ‌గ‌న్‌ మిన‌హాయింపు కోరిన స‌మ‌యంలో సీబీఐ కొన్ని తీవ్ర వ్యాఖ్య‌లు చేయ‌డం, కోర్టులో జ‌గ‌న్‌కు చుక్కెదురు కావ‌డంతో ఈ ప్ర‌చారం ఊపందుకుంది.

కేసీఆర్ కూడా త‌న అంత‌రంగికుల‌తో ఈ విష‌యం చెప్పిన‌ట్లుగా టీడీపీకి అనుకూలంగా ఉండే ఓ మీడియా సంస్థ అధిప‌తి ప్ర‌చారం చేశారు. జ‌గ‌న్ ముఖ్య‌మంత్రి హోదా విచార‌ణ‌ను ప్ర‌భావితం చేస్తార‌నే ఆరోప‌ణ‌ల‌ను సీబీఐ చేసింది. దీనికి తోడు తీవ్ర‌మైన కేసుల్లో ఎక్కువ కాలంగా బెయిల్‌పై బ‌య‌ట ఉన్న వారి బెయిల్‌ల‌ను ర‌ద్దు చేయించాల‌ని కేంద్రం కూడా నిర్ణ‌యించిన‌ట్లు ప్ర‌చారం మొద‌లైంది.

ఇవ‌న్నీ క‌లిసి జ‌గ‌న్ ఇక జైలుకు వెళ్ల‌డం ఖాయ‌మ‌ని ప్ర‌త్య‌ర్థి పార్టీల శ్రేణులు భావిస్తున్నాయి. ఇక‌, గ‌వ‌ర్న‌ర్‌ను జ‌గ‌న్ త‌న స‌తీమ‌ణి భార‌తితో క‌లిసి వెళ్లడాన్ని కూడా ఈ ప్ర‌చారానికి జ‌త చేస్తున్నారు.

జ‌గ‌న్ జైలుకు వెళ్తే భార‌తిని ముఖ్య‌మంత్రిని చేస్తార‌ని, అందుకే ఇప్ప‌టి నుంచే ఆమెకు పాల‌నాప‌ర‌మైన విష‌యాల‌పై అవ‌గాహ‌న క‌ల్పిస్తున్నార‌ని, గ‌వ‌ర్న‌ర్ వ‌ద్ద‌కు ఆమెను అందుకే తీసుకెళ్లార‌ని ప్ర‌చారం చేస్తున్నారు.

టీడీపీ మాజీ ఎమ్మెల్యే బోండా ఉమా కూడా జ‌గ‌న్ బెయిల్ ర‌ద్దు అవుతుంద‌ని, ఆయ‌న జైలుకు వెళ్ల‌బోతున్నారు అంటూ సోష‌ల్ మీడియా వేదిక‌గా వ్యాఖ్యానించారు.

అయితే, జ‌గ‌న్ బెయిల్ ర‌ద్ద‌వుతుందా ? జ‌గ‌న్ మ‌ళ్లీ జైలుకు వెళతారా ? అనే విష‌యాల‌ను ప‌క్క‌న‌పెడితే ఈ ప్ర‌చారం మాత్రం తెలుగుదేశం పార్టీకి అత్య‌వ‌స‌రంగా క‌నిపిస్తోంది. ఈ ఎన్నిక‌ల్లో టీడీపీ చ‌రిత్ర‌లోనే దారుణ ప‌రాభ‌వానికి గురైంంది.

ఎన్నిక‌ల త‌ర్వాత టీడీపీ నేత‌ల్లో పార్టీ భ‌విష్య‌త్‌పై న‌మ్మ‌కం కోల్పోతున్నారు. స్వ‌యానా అధినేత చంద్ర‌బాబుకు ద‌గ్గ‌ర‌గా ఉండే వ్య‌క్తులే పార్టీని వీడి పోతున్నారు.

తాజాగా, వ‌ల్ల‌భ‌నేని వంశీతో ఎమ్మెల్యేల వ‌ల‌స‌లు కూడా మొద‌ల‌య్యాయి. మ‌రికొంద‌రు ఎమ్మెల్యేలు కూడా పార్టీ మారబోతున్నార‌నే వార్త‌లు వ‌స్తున్నాయి. కొంద‌రు ఎమ్మెల్యేలు చంద్ర‌బాబు చేప‌డుతున్న కార్య‌క్ర‌మాల్లోనూ పాల్గొన‌డం లేదు.

ఉన్న 23 మంది ఎమ్మెల్యేల్లో ఆరుగురు వెళ్లిపోతే తెలుగుదేశం పార్టీకి ప్ర‌తిప‌క్ష హోదా కూడా పోతుంది. టీడీపీకి ఆది నుంచి వెన్నుద‌న్నుగా నిలుస్తున్న క‌మ్మ సామాజ‌క‌వ‌ర్గానికి చెందిన వారు కూడా ఆ పార్టీని వీడిపోతున్నారు.

ఓ వైపు ప్ర‌భుత్వంపై యుద్ధం చేస్తూ చంద్ర‌బాబు పార్టీని మ‌ళ్లీ ప్ర‌జల్లో నిల‌బెట్టే ప్ర‌య‌త్నం చేస్తున్నా వైసీపీ వ్యూహంతో వ‌రుస‌గా టీడీపీ నేత‌లు బ‌య‌ట‌కు వెళ్లిపోతున్నారు. పార్టీ నుంచి ఇప్ప‌టికిప్పుడు వైసీపీలోకి వ‌ల‌స‌లు వెళ్ల‌కుండా చూసుకోవ‌డం టీడీపీకి అత్య‌వ‌స‌రం. అందుకే టీడీపీ భ‌విష్య‌త్‌పై న‌మ్మ‌కం క‌లిగించ‌డం కంటే వైసీపీ భ‌విష్య‌త్‌పై అప‌న‌మ్మ‌కం క‌ల్పించాల‌ని టీడీపీ భావిస్తున్న‌ట్లు క‌నిపిస్తుంది.

ఈ నేప‌థ్యంలోనే జ‌గ‌న్ మ‌ళ్లీ జైలుకు వెళ‌తార‌నే ప్ర‌చారం తెలుగుదేశం వ‌ర్గాల నుంచే మొద‌లైంది. జ‌గ‌న్ జైలుకు వెళ్తే వైసీపీకి భ‌విష్య‌త్ ఉండ‌ద‌ని, దీంతో మ‌ళ్లీ టీడీపీనే ప్ర‌త్యామ్నాయం అవుతుంద‌నే భావ‌న నేత‌ల్లో రావాల‌నే వ్యూహం ఈ ప్ర‌చారం వెనుక ఉండ‌వ‌చ్చు.

అయితే, ఈ ప్ర‌చారం ఫ‌లిస్తుందా ? టీడీపీ నేత‌ల‌ను వైసీపీలోకి వెళ్ల‌కుండా పార్టీ నిలువ‌రించ‌గ‌లుగుతుందా అనే దానికి కాల‌మే స‌మాధానం చెప్పాలి.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle