newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

జ‌గ‌న్ ఇలాఖాలో చంద్ర‌బాబుకు షాకిచ్చిన టీడీపీ నేత‌లు

26-11-201926-11-2019 08:08:15 IST
2019-11-26T02:38:15.199Z26-11-2019 2019-11-26T02:34:47.978Z - - 05-08-2020

జ‌గ‌న్ ఇలాఖాలో చంద్ర‌బాబుకు షాకిచ్చిన టీడీపీ నేత‌లు
facebooktwitterGooglewhatsappwhatsappGoogle
ముఖ్య‌మంత్రి వైఎస్ జ‌గ‌న్మోహ‌న్ రెడ్డి స్వంత జిల్లా క‌డ‌ప‌లో తెలుగుదేశం పార్టీ అధినేత చంద్ర‌బాబు నాయుడుకు షాక్ త‌గిలింది. సోమ‌వారం జరిగిన క‌డ‌ప జిల్లా టీడీపీ స‌మీక్ష స‌మావేశానికి చంద్ర‌బాబు హాజ‌ర‌య్యారు. అయితే, ఈ కార్య‌క్ర‌మానికి ప‌లువురు టీడీపీ ముఖ్య నేత‌లు మొహం చాటేశారు. స్వ‌యంగా అధినేత హాజ‌రైన కార్య‌క్ర‌మానికి హాజ‌రుకాక‌పోవ‌డం చ‌ర్చ‌నీయాంశంగా మారింది.

క‌డ‌ప జిల్లా వైఎస్ కుటుంబానికి కంచుకోట‌. గ‌తంలో వైఎస్ రాజ‌శేఖ‌ర్ రెడ్డి, ఇప్పుడు జ‌గ‌న్మోహ‌న్ రెడ్డికి అండ‌గా నిలుస్తున్నారు ఇక్క‌డి ప్ర‌జ‌ల్లో. 2014లో రాష్ట్రంలో టీడీపీ అధికారంలోకి వ‌చ్చినా క‌డ‌ప‌లో మాత్రం వైసీపీ 10లో 9 సీట్లు గెలుచుకుంది. ఈ ఎన్నిక‌ల్లో మొత్తం క్లీన్‌స్వీప్ చేసింది. మూడు ద‌శాబ్దాలుగా వైఎస్ కుటుంబానికి క‌డ‌ప జిల్లా కంచుకోట‌గా ఉన్నా తెలుగుదేశం పార్టీకి కూడా న‌మ్మ‌కంగా ప‌నిచేసే నేత‌లు ఉన్నారు.

వ‌రుస ఓట‌ములు ఎదుర‌వుతున్నా వీరే జిల్లాలో పార్టీని నిల‌బెడుతున్నారు. కానీ, ఇప్పుడు ప‌రిస్థితి మాత్రం గ‌తానికి భిన్నంగా ఉంది. జిల్లాలో వైసీపీ మ‌రింత బ‌లం పుంజుకుంది. రాష్ట్రంలో జ‌గ‌న్ అధికారంలోకి వ‌చ్చారు. దీంతో క‌డ‌ప జిల్లా టీడీపీ నేత‌ల్లో నైరాశ్యం నెల‌కొంది. అందుకే సైలెంట్ అయిపోయారు.

టీడీపీ ప్ర‌భుత్వంలో మంత్రిగా ప‌నిచేసి జిల్లాలో చ‌క్రం తిప్పిన ఆదినారాయ‌ణ‌రెడ్డి, రాజ్య‌స‌భ స‌భ్యుడు సీఎం ర‌మేష్ లాంటి ముఖ్య నేత‌లే జ‌గ‌న్‌ను త‌ట్టుకోవ‌డం క‌ష్ట‌మ‌నే ఆలోచ‌న‌తో బీజేపీలో చేరిపోయారు.

జిల్లాలో ఉన్న మిగ‌తా టీడీపీ నేత‌ల్లో ఎక్కువ మంది పార్టీ కార్య‌క్ర‌మాల‌కు దూరంగా ఉంటున్నారు. పార్టీని మ‌ళ్లీ గాడిన పెట్టేందుకు అన్ని జిల్లాల్లో స‌మీక్ష నిర్వ‌హిస్తున్న చంద్ర‌బాబు నాయుడు సోమ‌వారం క‌డ‌ప‌లో నిర్వ‌హించిన స‌మీక్షా స‌మావేశం జిల్లాలో టీడీపీ ప‌రిస్థితికి అద్దం ప‌ట్టింది. ఎమ్మెల్సీలు బీటెక్‌ ర‌వి, శివ‌నాథ‌రెడ్డి, ప్రొద్దుటూరు మాజీ ఎమ్మెల్యే వ‌ర‌ద‌రాజులురెడ్డి, బ‌ద్వేల్ మాజీ ఎమ్మెల్యే విజ‌య‌మ్మ‌, రాయ‌చోటి మాజీ ఎమ్మెల్యే పాల‌కొండ్రాయుడు, ప‌లువురు నియోజ‌క‌వ‌ర్గ స్థాయి నేత‌లు స‌మీక్షా స‌మావేశానికి డుమ్మా కొట్టారు.

జిల్లాలో తెలుగుదేశం పార్టీ భ‌విష్య‌త్‌పై నేత‌ల్లో అప‌న‌మ్మ‌కం ఉంది. జిల్లాలోని అన్ని నియోజ‌క‌వ‌ర్గాల్లో 30 వేల నుంచి 90 వేల మెజారిటీ వైసీపీకి వ‌స్తోంది. ఈ ప‌రిస్థితుల్లో టీడీపీలో ఉంటే భ‌విష్య‌త్ ఉంటుందా అనే ఆందోళ‌న ఆ పార్టీ నేత‌ల్లో ఉంది.

కాగా, మ‌రికొంద‌రు నేత‌లు మాత్రం వైసీపీలోకి వెళ్ల‌లేక‌, ప్ర‌త్యామ్నాయం లేక‌, టీడీపీతో ఉన్న అనుబంధాన్ని తెంచుకోలేక ఆ పార్టీలోనే కొన‌సాగుతున్నారు. అయితే, క‌డ‌ప జిల్లాలో పార్టీ బ‌లోపేతంపై చంద్ర‌బాబు ప్ర‌త్యేక దృష్టి పెట్టాల్సిన త‌క్ష‌ణ అవ‌స‌రం అయితే ఉంది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle