newssting
BITING NEWS :
ఎన్డీయేతో బంధం తెంచుకున్న అకాలీదళ్. కేంద్రం తీసుకొచ్చిన బిల్లులకు వ్యతిరేకంగా అకాలీదళ్ నిర్ణయం. ఈ బిల్లుల ప్రభావం రైతులు, దళితులు, రైతు కూలీల అందరిపై పడిందని తెలిపిన అకాలీదళ్ చీఫ్ సుఖ్‌బీర్ సింగ్ బాదల్ ప్రకటన. శనివారం పార్టీ నిర్వహించిన మూడు గంటల ఎమర్జెన్సీ కోర్ కమిటీ సమావేశం అనంతరం నిర్ణయం. 23 ఏళ్ల సుదీర్ఘ రాజకీయ బంధాన్ని తెగతెంపులు చేసుకున్న అకాలీదళ్ * బాలీవుడ్‌ వివాదాస్పద నటి కంగనా రనౌత్‌పై కర్ణాటకలోని తుమకూరు కోర్టులో కేసు దాఖలు. కేంద్ర ప్రభుత్వ రైతు చట్టాలకు వ్యతిరేకంగా ఆందోళన చేస్తున్న రైతులను ఉగ్రవాదులతో పోల్చుతూ ట్వీట్‌ చేయడాన్ని తప్పుబడుతూ తుమకూరు జేఎంఎఫ్సీ కోర్టులో రమేశ్‌ నాయక్‌ అనే న్యాయవాది పిటిషన్‌ దాఖలు * అత్యంత ప్రతిష్టాత్మకమైన ఢిల్లీలోని జాతీయ న్యాయ విశ్వవిద్యాలయం ఎన్‌ఎల్‌యూ వైస్‌ చాన్సలర్‌గా వరంగల్‌ జిల్లాకు చెందిన ప్రొఫెసర్‌ పి.శ్రీకృష్ణదేవరావు నియామకం. ప్రస్తుత వైస్‌ చాన్సలర్‌ ప్రొఫెసర్‌ రణబీర్‌ సింగ్‌ పదవీ విరమణ చేయడంతో శ్రీకృష్ణదేవరావు నియామకం. దేశంలోని పలు విశ్వవిద్యాలయాలలో కీలక బాధ్యతలు నిర్వహించిన శ్రీకృష్ణదేవరావు న్యాయ విద్యలో మార్పులు తీసుకువచ్చేందుకు యూజీసీ నియమించిన నిపుణుల కమిటీలో కూడా ఆయన సభ్యుడిగా కూడా పనిచేశారు * శివసేన నేత, లోక్ సభ సభ్యుడు సంజయ్‌ రౌత్‌, మహారాష్ట్ర మాజీ సీఎం దేవేంద్ర ఫడ్నవిస్ ఓ స్టార్ హోటల్ లో రహస్యంగా భేటీ అయినట్టు గుప్పుమన్న వార్తలు. ఓ లగ్జరీ హోటల్‌ లో సుమారు గంటన్నర పాటు వీరిమధ్య చర్చలు జరిగినట్టు సమాచారం. దేశవ్యాప్తంగా చర్చకు దారితీసిన ఈ సమావేశం వార్తలు. ఈ సమావేశం నిజమేనని, దీని వెనుక రాజకీయ కారణాలు లేవని స్పష్టం చేసిన బీజేపీ * అమెరికాలోని హిందూఆధ్యాత్మిక గురువు స్వామి ప్రత్యాగ్‌బోధానంద కన్నుమూత. పెన్సిల్వేనియాలో అర్ష విద్యా గురుకులానికి ఉపాధ్యక్షులుగా ఉన్న ప్రత్యాగ్‌బోధానంద వయసు 69 సంవత్సరాలు. గురుకులం 34వ వార్షిక ఉత్సవాల్లో పాల్గొన్న తర్వాత తీవ్రమైన గుండెపోటు రావడంతో ఈనెల 20తేదీన తుదిశ్వాస విడిచినట్టు తెలిపిన ఆయన శిష్యులు. ప్రత్యాగ్‌బోధానంద పార్థివదేహాన్ని భారత్‌కు తరలింపుకు ప్రయత్నాలు * పార్లమెంటు ఆమోదించిన మూడు వ్యవసాయ బిల్లులకి వ్యతిరేకంగా పంజాబ్‌లో కొనసాగుతున్న రైల్‌ రోకో ఆందోళన. గత మూడు రోజులుగా రైతులు రైలు పట్టాలపై కూర్చొని నిర్వహిస్తున్న రైల్‌ రోకో. తొలుత కిసాన్‌ మజ్దూర్‌ సంఘర్ష్ కమిటీ నిరసన కార్యక్రమాలకు పిలుపునిస్తే, ఆ తర్వాత మద్దతు ప్రకటించిన వివిధ సంఘాలు * బాలీవుడ్‌ పరిశ్రమలో కలకలం సృష్టిస్తున్న డ్రగ్స్‌ వ్యవహారం. దీపికా పదుకొనె, శ్రద్ధా కపూర్‌, సారా అలీఖాన్‌ నార్కోటిక్స్‌ కంట్రోల్‌ బ్యూరో ఎదుట శనివారం హాజరు. వేర్వేరుగా ఐదు గంటలకు పైగా కొనసాగిన విచారణ. నటీమణుల వాగ్మూలాన్ని రికార్డు చేసిన ఎన్సీబీ * ఉపరితల ద్రోణి ప్రభావంతో తెలుగు రాష్ట్రలలో పలు జిల్లాల్లో కురిసిన భారీ వర్షాలు శుక్రవారం రాత్రి నుంచి ఆదివారం ఉదయం వరకు కురిసిన ఓ మోస్తరు నుంచి భారీ వర్షాలు. వాగులు, వంకలు పొంగిపొర్లుతుండటంతో అక్కడక్కడా నిలిచిన రాకపోకలు. పలుచోట్ల నీటమునిగిన పంట పొలాలు. అత్యధికంగా రంగారెడ్డి జిల్లా నందిగామలో 19 సెంటీమీటర్ల వర్షపాతం నమోదు * అక్టోబరు 1 నుంచి సినిమా థియేటర్లు తెరిచేందుకు అనుమతినిచ్చిన పశ్చిమ బెంగాల్ ప్రభుత్వం. ఈ విషయాన్ని ట్వీట్ ద్వారా తెలియజేసిన ముఖ్యమంత్రి మమతా బెనర్జీ. పరిస్థితులను గాడిలో పెట్టేందుకు అక్టోబరు 1 నుంచి సినిమా థియేటర్ల తెరిచేందుకు అనుమతినిస్తున్నామని, అలాగే సాంస్కృతిక కార్యక్రమాలు, మ్యాజిక్ షోలు నిర్వహించేందుకు కూడా అనుమతినిస్తున్నామని ట్వీట్ * నెల్లూరు జిల్లాలో ఇటీవల జరిగిన రౌడీషీటర్ దారుణ హత్య మరువక ముందే చోటు చేసుకున్న మరో ఘటన. చిల్లకూరు మండలం కలవకకొండలో చేజర్ల సుబ్రహ్మణ్యం(38) అనే వ్యక్తి దారుణ హత్య. ఆదివారం ఉదయం అతి కిరాతకంగా చంపేసిన గుర్తు తెలియని వ్యక్తులు. సమాచారం మేరకు ఘటనాస్థలికి చేరుకున్న పోలీసులు కేసు నమోదు * సంగారెడ్డిలో వాగు దాటుతున్న వ్యక్తి వరద నీటిలో గల్లంతు. భారీ వర్షాలకు వాగు దాటుతున్న ముగ్గరు వ్యక్తులు గల్లంతవ్వగా ఇద్దరు వ్యక్తులను ఒడ్డుకు చేర్చిన స్థానికులు. కంగ్టి మండలం జంగి బికి చెందిన 55 ఏళ్ల మంగలి మారుతి కాకి వాగు వరద ఉధృతిలో గల్లంతు. మారుతి ఆచూకీ కోసం మండల రెవెన్యూ అధికారుల గాలింపు చర్యలు.

జూపూడి చేరిక‌పై వైసీపీలో వ్య‌తిరేక‌త‌..!

09-10-201909-10-2019 12:14:42 IST
2019-10-09T06:44:42.543Z09-10-2019 2019-10-09T06:44:38.031Z - - 28-09-2020

జూపూడి చేరిక‌పై వైసీపీలో వ్య‌తిరేక‌త‌..!
facebooktwitterGooglewhatsappwhatsappGoogle
ఆంధ్ర‌ప్ర‌దేశ్ రాజ‌కీయాల్లో ఎన్నిక‌ల త‌ర్వాత నేత‌ల వ‌ల‌స‌లు ఊపందుకున్నాయి. ఈ విష‌యంలో ఇంత‌కాలం చేరిక‌ల‌పై దృష్టిపెట్ట‌ని అధికార వైసీపీ కొంత వెనుక‌బ‌డ్డా ఇప్పుడు చేరిక‌ల‌కు గేట్లు తెరిచింది. దీంతో వైసీపీలోకి చేరిక‌లు పెరిగాయి. దీంతో ప‌లువురు నేత‌లు వైసీపీలో చేరుతున్నారు.

ఎవ‌రి చేరిక‌పైనా పెద్ద‌గా వ్య‌తిరేక‌త రాకున్నా నిన్న చేరిన జూపూడి ప్ర‌భాక‌ర్‌రావును పార్టీలో చేర్చుకోవ‌డం ప‌ట్ల వైసీపీ శ్రేణులే పెద‌వి విరుస్తున్నాయి.

దివంగ‌త ముఖ్య‌మంత్రి వైఎస్ రాజ‌శేఖ‌ర్‌రెడ్డి ప్రోత్సాహంతో రాజ‌కీయాల్లోకి వ‌చ్చిన జూపూడి ప్ర‌భాక‌ర్ ఆయ‌న మ‌ర‌ణం త‌ర్వాత జ‌గ‌న్ వెంట న‌డిచారు. 2014లో ప్ర‌కాశం జిల్లా కొండ‌పి నుంచి ఎమ్మెల్యేగా పోటీ చేసి ఓడిపోయారు. అయితే, త‌న ఓట‌మికి జ‌గ‌న్ బంధువులు, ప్ర‌కాశం జిల్లా వైసీపీ కీల‌క నేత‌లు బాలినేని శ్రీనివాస్‌రెడ్డి, వైవీ సుబ్బారెడ్డి కార‌ణ‌మ‌ని భావించిన ఆయ‌న త‌ర్వాత టీడీప‌లో చేరారు.

వైసీపీలో ఉన్న‌ప్పుడు పార్టీ త‌ర‌పున బ‌లమైన వాయిస్‌గా ఉండే జూపూడి టీడీపీలో చేరాక కూడా అలానే కొన‌సాగారు. వైసీపీ, జ‌గ‌న్‌పై తీవ్ర విమ‌ర్శ‌లు చేశారు. దీంతో ఆయ‌న‌కు చంద్ర‌బాబు ఎస్సీ కార్పొరేష‌న్ ఛైర్మ‌న్ ప‌ద‌వి క‌ట్ట‌బెట్టారు.

నిన్న‌మొన్న‌టి వ‌ర‌కు కూడా ఆయ‌న వైసీపీపై విమ‌ర్శ‌లు గుప్పించారు. కానీ, టీడీపీ ప‌ట్ల కూడా అసంతృప్తితో ఉన్నారు.

పార్టీ ఓట‌మిపై జ‌రిగిన మేధోమ‌థ‌న స‌ద‌స్సులో జూపూడి టీడీపీ త‌ప్పిదాల‌ను చెబుతుంటే చంద్ర‌బాబు వారించారు. దీంతో జూపూడి నొచ్చుకున్నారు. అప్ప‌టి నుంచే కొంత అసంతృప్తితో ఉన్నారు.

కానీ, గ‌త ఐదేళ్లుగా తీవ్రంగా విమ‌ర్శించిన వైసీపీలోకే మళ్లీ ఆయ‌న వెళ‌తార‌ని ఎవ‌రూ ఊహించ‌లేదు. కాగా, ఇంత‌కాలం త‌మ నేత‌ను, పార్టీని విమ‌ర్శించిన జూపూడిని తిరిగి పార్టీలో చేర్చుకోవ‌డాన్ని వైసీపీ శ్రేణులు బాహాటంగానే త‌ప్పుప‌డుతున్నాయి.

అయితే, ఆయ‌న చేరికకు గ్రీన్ సిగ్న‌ల్ ఇవ్వ‌డం వెనుక జ‌గ‌న్ ఆలోచ‌న‌లు వేరు అని తెలుస్తోంది. త‌న‌ను విమ‌ర్శించిన నేత‌ను చేర్చుకోవ‌డం ద్వారా ఎవ‌రైనా పార్టీలో చేర‌వ‌చ్చు అని టీడీపీ నేత‌ల‌కు ఒక సిగ్న‌ల్ ఇస్తున్న‌ట్లే క‌నిపిస్తోంది.

ఇక‌, జూపూడి మాల సామాజ‌క‌వ‌ర్గానికి చెందిన నేత‌. సామాజ‌క‌వ‌ర్గ సమీక‌ర‌ణాల దృష్ట్యా కూడా జూపూడి చేరిక అవ‌స‌రంగా భావించి ఉండ‌వ‌చ్చు.

ఇక‌, గ‌త ఐదేళ్లుగా టీడీపీలోకి వెళ్లి జ‌గ‌న్‌ను జూపూడి విమ‌ర్శించారు కానీ అంత‌కుముందు ఐదేళ్లు ఎమ్మెల్సీగా ఉండి, అధికార కాంగ్రెస్ పార్టీ వ‌దిలి జూపూడి జ‌గ‌న్ వంట న‌డిచారు. ఇది కూడా జూపూడి ప‌ట్ల జ‌గ‌న్‌కు ఒక సాఫ్ట్ కార్న‌ర్ ఉండేందుకు కార‌ణం కావ‌చ్చు.

ఇక‌, జ‌గ‌న్‌పై విశాఖ ఎయిర్‌పోర్టులో దాడి జ‌రిగిన‌ప్పుడు టీడీపీ నేత‌ల వాద‌న‌కు భిన్నంగా జూపూడి మాట్లాడారు. ఈ దాడిని ష‌ర్మిల‌, విజ‌య‌మ్మ చేయించార‌ని టీడీపీ ఎమ్మెల్సీ రాజేంద్ర ప్ర‌సాద్ ఆరోపించిన స‌మ‌యంలో ఆయ‌న‌ను జూపూడి మీడియా ముందే జోక‌ర్‌గా పోల్చారు.

సానుభూతి కోసం త‌న‌పైనే దాడి చేయించుకునే వ్య‌క్తి జ‌గ‌న్‌ కాద‌ని సైతం జూపూడి చెప్పారు. అయితే, ఇవేవీ వైసీపీ శ్రేణుల‌ను జూపూడి చేరిక ప‌ట్ల సంతృప్త‌ర‌చ‌లేక‌పోతున్నాయి. అయితే, రాజ‌కీయ పార్టీల్లో ఇటువంటివి స‌హ‌జ‌మ‌ని, గ‌తంలో జ‌గ‌న్‌ను తీవ్రంగా విమ‌ర్శించి బొత్స స‌త్య‌నారాయ‌ణ వంటి వారు ఇప్పుడు జ‌గ‌న్ క్యాబినెట్‌లో మంత్రులుగా ఉన్నార‌ని రాజ‌కీయ విశ్లేష‌కులు గుర్తు చేస్తున్నారు.

చేతులు మారుతున్న ఏపీలో పోర్టులు..  కాకినాడ పోర్టు అరబిందో కైవ‌సం?!

చేతులు మారుతున్న ఏపీలో పోర్టులు.. కాకినాడ పోర్టు అరబిందో కైవ‌సం?!

   9 hours ago


గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

గ్రేటర్ వరద ప్రాంతాలలో రేవంత్ పర్యటన.. కారుని ఢీ కొడతారా?

   9 hours ago


ఏపీకి మ‌ద్యం అక్ర‌మ ర‌వాణాలో కొత్త పుంత‌లు

ఏపీకి మ‌ద్యం అక్ర‌మ ర‌వాణాలో కొత్త పుంత‌లు

   10 hours ago


యూపీ సీఎం యోగి ఆదిత్యనాథ్ ను కలిసిన 'రవికిషన్'

యూపీ సీఎం యోగి ఆదిత్యనాథ్ ను కలిసిన 'రవికిషన్'

   11 hours ago


బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

బీజేపీలో పురందేశ్వ‌రికి కీల‌క ప‌ద‌వి... సామాజిక స‌మీక‌ర‌ణే ఎజెండా

   11 hours ago


అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

అంబటి భూకబ్జా లీకులు.. సొంత పార్టీ నేతలే టార్గెట్ చేశారా?

   12 hours ago


ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

ఎన్‌డీఏకు అకాలీదళ్‌ గుడ్‌బై.. రైతు వ్యతిరేక బిల్లులపై విభేదం

   12 hours ago


డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

డీకే అరుణకి జాతీయ పదవి.. రెడ్డి సామాజికవర్గంపై బీజేపీ టార్గెట్?

   13 hours ago


ఏపీని ముంచెత్తుతున్న భారీ వర్షాలు.. పంటనష్టం

ఏపీని ముంచెత్తుతున్న భారీ వర్షాలు.. పంటనష్టం

   14 hours ago


తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

తెలంగాణలో ఆడపిల్లను లక్ష్మిలా కొలుస్తున్నారు.. మంత్రి హరీష్ రావు

   16 hours ago


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle