newssting
BITING NEWS :
*దిశ చట్టం తెచ్చినందుకు ఏపీ సీఎం జగన్‌కు అభినందనలు తెలిపిన ప్రత్యుష తల్లి సరోజినిదేవి *ఏపీ సచివాలయ ఉద్యోగుల సంఘం అధ్యక్షుడిగా వెంకట్రామిరెడ్డి ఏకగ్రీవ ఎన్నిక *ఎన్‌కౌంటర్‌లో మరణించిన నలుగురు దిశ నిందితుల మృతదేహాల్ని భద్ర పర్చాలని రాష్ట్ర ప్రభుత్వానికి హైకోర్టు ఆదేశం * కాంగ్రెస్‌ ‘భారత్‌ బచావో’ ర్యాలీ* ప్రపంచంలోనే అత్యంత శక్తివంతమైన మహిళల జాబితా విడుదల....ఫోర్బ్స్‌ జాబితాలో నిర్మలాసీతారామన్‌*బ్రిటన్‌ ఎన్నికల్లో కన్జర్వేటివ్‌ పార్టీ ఘన విజయం*భారత పేసర్‌ భువనేశ్వర్‌ కుమార్‌కు గాయం. వెస్టిండీస్‌తో జరిగే మూడు వన్డే సిరీస్‌లకు దూరం * టి20 క్రికెట్‌లోకి వెస్టిండీస్‌ ఆల్‌రౌండర్‌ డ్వేన్‌ బ్రేవో

జగన్ చిటికేస్తే చంద్రబాబుకి ఏమవుతుంది?

18-11-201918-11-2019 14:26:58 IST
Updated On 18-11-2019 14:44:53 ISTUpdated On 18-11-20192019-11-18T08:56:58.635Z18-11-2019 2019-11-18T08:56:55.368Z - 2019-11-18T09:14:53.931Z - 18-11-2019

జగన్ చిటికేస్తే చంద్రబాబుకి ఏమవుతుంది?
facebooktwitterGooglewhatsappwhatsappGoogle

ఏపీలో రాజకీయం ఇప్పుడు సెగలు, పొగలు రేగుతున్న సంగతి తెలిసిందే. అధికార పార్టీ విధానాలపై ప్రతిపక్షాలన్నీ మూకుమ్మడి దాడి చేస్తుంటే అధికార పార్టీ ప్రధాన ప్రతిపక్షమైన టీడీపీని టార్గెట్ చేసి దెబ్బతీస్తుంది. ఇందులో భాగంగానే చంద్రబాబు ఇసుక దీక్షకు కూర్చున్న రోజునే ఆ పార్టీ యువనేత అవినాష్ కు సీఎం జగన్ కండువా కప్పి పార్టీలోకి చేర్చుకున్నారు.

అప్పటికే పార్టీకి గుడ్ బై చెప్పిన గన్నవరం ఎమ్మెల్యే వల్లభనేని వంశీ పార్టీ అధిష్టానం మీద ప్రత్యక్ష ఆరోపణలకు దిగారు. అక్కడ నుండే ఈ వివాదం కాస్తా ఆరోపణలు, ప్రత్యారోపణలు మించి వ్యక్తిగత దూషణల వరకు వెళ్ళింది. వీళ్ళకి తోడు మంత్రి కొడాలి నాని మాజీ సీఎం చంద్రబాబు, కుమారుడు లోకేష్, మాజీ మంత్రులు దేవినేని ఉమా మహేశ్వరరావు లాంటి కొందరు నేతలను కూడా నోటికి వచ్చినట్లుగా దూషించారు.

ప్రభుత్వంలో రెడ్డి, కాపు మంత్రులున్నా కేవలం కమ్మ సామజిక వర్గానికి చెందిన మంత్రులతో పక్కా ప్రణాళిక ప్రకారమే టీడీపీ నేతలపై విమర్శలు, దూషణలు చేయిస్తున్నారని ప్రచారం జరుగుతుంది. ఈ క్రమంలో మంత్రి కొడాలి నాని తీవ్ర ఆగ్రహంతో ఊగిపోతూ సీఎం జగన్ చిటికేస్తే చంద్రబాబు పరిస్థితి ఏంటో తెలుసా అంటూ చేసిన వ్యాఖ్యలపై ఇప్పుడు సోషల్ మీడియాలో చర్చ జరుగుతుండగా కొందరు విశ్లేషకులు దీనిపై చర్చలు జరుపుతున్నారు.

ఇంతకీ అసలు జగన్ చిటికేస్తే చంద్రబాబుకి ఏమవుతుంది? మహా అయితే పది లేదా పదహైదు మంది ఎమ్మెల్యేలు పార్టీని వీడి అధికార పార్టీలోకి చేరడమో లేక ఎమ్మెల్యేలుగా కూడా రాజీనామాలు చేయడమో జరుగుతుంది. అంతకు మించి ప్రజాస్వామ్యంలో చిటికలేసి వ్యక్తిగతంగా చంద్రబాబును ఏమీ చేయలేరన్నది విశ్లేషకుల అభిప్రాయం.

జగన్ సర్కార్ ఏర్పడిన ఐదు నెలలుగా చంద్రబాబు, లోకేష్ మీద ఎన్నో ఆరోపణలు చేసినా.. గత ప్రభుత్వ విధానాలలో లొసుగులు వెతికినా ఎక్కడా ఆధారాలు దొరకలేదని, అదే దొరికితే వ్యతిగతంగా కూడా చంద్రబాబు ఇబ్బందులు పడాల్సి వచ్చేదంటున్నారు. ఈ విషయంలో వైసీపీ అధిష్టానం అధికారుల మీద అసహనం కూడా వ్యక్తం చేశారని ప్రచారం జరిగింది.

కనుక ఇప్పుడు సీఎం జగన్ చిటికేస్తే టీడీపీకి ఉన్న 23 మంది ఎమ్మెల్యేలలో కొందరు పార్టీని వీడవచ్చు. అదే సమయంలో బీజేపీ నేతలు చిటికేసినా అదే జరుగుతుంది. కానీ బీజేపీలోకి వెళ్లకుండా చిటికేసి ఆపే సత్తా మాత్రం సీఎంకు ఉండదంటున్నారు. అధికారంలో ఉన్న వాళ్ళు ఎవరు చిటికలేసినా నేతలు పార్టీలు మారతారని.. అంతమాత్రాన ప్రజలు, కార్యకర్తలు మారాలని లేదంటున్నారు.

అదే నిజమైతే గత ప్రభుత్వంలో చంద్రబాబు చిటికేస్తే 23 మంది వైసీపీ ఎమ్మెల్యేలు టీడీపీలో చేరారని.. అంత మాత్రాన ప్రజలు టీడీపీలోకి వెళ్లలేదని, అందుకే ఇప్పుడు వైసీపీ భారీ స్థాయి విజయాన్ని అందుకుందన్నారు. అలానే ఇప్పుడు కూడా చిటికెలతో ప్రజలను మార్చలేరని నేతలు గుర్తు పెట్టుకోవాలంటున్నారు.

ఇంకా చెప్పాలంటే కేంద్రంలో మోడీ-షా ద్వయం చిటికేస్తే సీఎం జగన్ కు వ్యక్తిగతంగా కూడా ఇబ్బందులు ఎదురయ్యే ప్రమాదం ఉందంటున్నారు. కనుక నేతలెవరైనా చిటికలేస్తే, కళ్ళు తెరిస్తే, ఒక్క చూపు చూస్తే, తొడ గొడితే లాంటి మాటలను కట్టిపెట్టి ప్రజల అవసరాలను తీరిస్తే విజయాలను నిలుపుకోవచ్చని సూచిస్తున్నారు.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle