newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

జగన్ గూట్లో పవన్ కోవర్టు..?

05-01-201905-01-2019 17:04:29 IST
2019-01-05T11:34:29.368Z05-01-2019 2019-01-05T11:34:27.696Z - - 17-07-2019

జగన్ గూట్లో పవన్ కోవర్టు..?
facebooktwitterGooglewhatsappwhatsappGoogle
క్రియాశీలక రాజకీయాల్లోకి వచ్చిన అనంతరం పవన్ కళ్యాణ్ దూకుడుగానే వ్యవహరిస్తున్నారు కానీ... ఆయన ప్రణాళికలే ఒక పట్టాన అర్థం కావడం లేదు. ఓవైపు ఇతర పార్టీలు ఎన్నికలను దృష్టిలో పెట్టుకుని పావులు కదుపుతుంటే... పవన్ నుంచి మాత్రం ఆ విషయమై ఎలాంటి స్పష్టత రావడం లేదు. ఈ సార్వత్రిక ఎన్నికల్లో ‘జనసేన’ పార్టీ 175 స్థానాల్లో పోటీ చేస్తుందని అంటున్నారే తప్ప... దీనికి సంబంధించిన వివరాలేమీ వెల్లడించడం లేదు. పైగా ఆయన రాజకీయం చాలావరకు ఉభయ గోదావరి జిల్లాలకే పరిమితం అవ్వడం వెనుక ఆంతర్యం ఏమిటో తెలియడం లేదు.

మరోవైపు... పవన్‌కి ఆప్తమిత్రుడైన కమెడియన్ ఆలీ, వైఎస్ జగన్‌తో కలవడం సంచలనంగా మారింది. ప్రజాసంకల్ప యాత్రలో ఉన్న జగన్‌ను, ఆయన కాన్వాయ్‌లో ఆలీ కలిశారు. ఆ పార్టీలో చేరేందుకు సన్నద్ధమవుతున్నారు. పవన్‌కి ఎంతో సన్నిహితుడు అయిన ఆలీ... ‘జనసేన’లో కాకుండా వైఎస్సార్ కాంగ్రెస్‌వైపు మొగ్గు చూపడం వెనుక  అనుమానాలు రేకెత్తుతున్నాయి. మొత్తం వ్యవహారం చూస్తుంటే... పవనే స్వయంగా ఆలీని వైఎస్సార్ కాంగ్రెస్‌లో చేర్పిస్తున్నట్లు ఉందని అభిప్రాయాలు వ్యక్తమవుతున్నాయి. ఆ పార్టీతో పొత్తు కోసమేనని రాజకీయ విశ్లేషకులు పేర్కొంటున్నారు. అవును... తెరముందు ఇద్దరూ రాజకీయంగానే కాకుండా, వ్యక్తిగతంగానూ దూషించుకుంటున్నారు. కానీ... తెరవెనుక మాత్రం రాజకీయ లబ్ది కోసం కాంప్రమైజ్‌కి వచ్చి, చేతులు కలిపేందుకు సన్నద్ధమవుతున్నట్లు తెలుస్తోంది. ఇందులో భాగంగానే మొదటి పావుగా ఆలీని రంగంలోకి దించారని గుసగుసలు వినిపిస్తున్నాయి.

ఇప్పుడున్న పరిస్థితుల దృష్ట్యా... ఎన్నికల్లో టిడిపి, జనసేన, వైఎస్సార్ కాంగ్రెస్ సెపరేట్‌గా పోటీ చేస్తే ఓట్లు చీలిపోవడం ఖాయం! అందులో ‘జనసేన’కి భారీ ఓట్లు దక్కే అవకాశాలు ఏమాత్రం కనిపించడం లేదు. టిడిపితో దోస్తీ కట్ అవ్వడమే గాక వైరం మరింత పెరిగింది కాబట్టి... వైఎస్సార్ కాంగ్రెస్‌కి దగ్గరవ్వడమే బెటరనుకుని, దాంతో పొత్తు పెట్టుకోవాలని యోచిస్తున్నారట! బహుశా ఎన్నికల్లో కలిసి పోటీ చేయలేకపోయినా... ఫలితాల్ని బట్టి చేతులు కలపాలని నిర్ణయానికి వచ్చినట్లు వార్తలొస్తున్నాయి. ఇందులో ఎంతవరకు నిజముందో తెలీదు కానీ... వైఎస్సార్‌సిపికి ఆలీ దగ్గరైతే తమ దోస్తీకి రూటు క్లియర్‌ అవుతుందని భావిస్తున్నారు. మరి... ఇది ఎంతవరకు నిజమో తేలాలంటే, మరికొద్దిరోజులు ఆగాల్సిందే!


Syed Abdul Khadar Jilani


సయ్యద్ అబ్దుల్ ఖాదర్ జిలానీ- కంటెంట్ రైటర్‌. జర్నలిజంలో ఐదేళ్ళ అనుభవం. ప్రముఖ మీడియా సంస్థ టీవీ9, తొలివెలుగు, ఇతర డిజిటల్ మీడియా సంస్థల్లో పనిచేశారు. సినిమా కథనాలు, రివ్యూలు, రాజకీయాలు, టెక్నాలజీ, లైఫ్ స్టయిల్ వంటి అంశాలపై మంచి అవగాహన. ప్రస్తుతం న్యూస్‌స్టింగ్.ఇన్‌లో కంటెంట్ రైటర్‌గా పనిచేస్తున్నారు.
 syedabdul@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle