newssting
BITING NEWS :
*ఆర్టీసీ జేఏసీ బంద్ విజయవంతం..బయటకు రాని బస్సులు.. పలువురు నేతల అరెస్ట్ *తెలంగాణ సీఎస్‌, టీఎస్ఆర్టీసీ ఎండీకి బీసీ కమిషన్‌ నోటీసులు *మంచిర్యాలలో రిటైర్డ్‌ ప్రభుత్వ వైద్యుడి ఇంట్లో ఎన్‌ఐఏ సోదాలు *ఇస్లామాబాద్ : పాక్ లో ఇమ్రాన్ కు నిరసన సెగలు*హైదరాబాద్ : ఈఎస్ఐ జాయింట్ డైరెక్టర్ పద్మ ఆత్మహత్యాయత్నం *హైదరాబాద్ : బంద్ విజయవంతం-23న ఓయూలో ఆర్టీసీ బహిరంగ సభ*తెలంగాణ ఆర్టీసీ సమ్మెకు మద్దతుగా ఎపీలో నిరసనలు *అమరావతి : తెలుగుదేశాన్ని విలీనం చేస్తానంటే హై కమాండ్ తో మాట్లాడతా : జీవీఎల్*విజయవాడ : తెలుగుదేశం ఎమ్మెల్యే వంశీపై ఫోర్జరీ కేసు

జగన్‌పై తండ్రీకొడుకుల ట్వీట్ల యుద్ధం

14-08-201914-08-2019 16:58:54 IST
Updated On 20-08-2019 12:39:45 ISTUpdated On 20-08-20192019-08-14T11:28:54.213Z14-08-2019 2019-08-14T11:27:18.453Z - 2019-08-20T07:09:45.679Z - 20-08-2019

జగన్‌పై తండ్రీకొడుకుల ట్వీట్ల యుద్ధం
facebooktwitterGooglewhatsappwhatsappGoogle
భారత్- పాక్ సరిహద్దులో యుద్ధ వాతావరణం కనిపిస్తోంది. అలాగే ఏపీలో కూడా ఇప్పుడు ట్వీట్ల వార్ జరుగుతోంది. ఏపీ మాజీ ముఖ్యమంత్రి చంద్రబాబునాయుడు, కొడుకు లోకేష్ సీఎం జగన్ పై ట్వీట్ల బాణాలు విసురుతున్నారు. విద్యుత్ కొనుగోలు ఒప్పందాలతో పాటు, పరిశ్రమలు, ఆరోగ్య సంరక్షణ విషయంలో ట్వీట్ల మీద ట్వీట్లు చేస్తూ ఏపీ పాలిటిక్స్ లో వేడిని రాజేస్తున్నారు. 

చంద్రబాబు విద్యుత్ ఒప్పందాల సమీక్ష పేరుతో సీఎం జగన్ వైఖరిని తీవ్రంగా తప్పుబట్టారు. విద్యుత్ ఒప్పందాల పునః సమీక్ష మంచిది కాదని, రాష్ట్రానికి పెట్టుబడులు దూరమవుతాయని కేంద్ర ఇంధన శాఖ కార్యదర్శి చెప్పారు, వినలేదు. కేంద్ర విద్యుత్తుశాఖ మంత్రి చెప్పారు, వినలేదు. ఇప్పుడు జపాన్ రాయబార కార్యాలయం కూడా ఆ మనిషి తలకెక్కేలా కాస్త చెప్పమని భారత్ కు లేఖ రాసింది అంటూ మీడియా కవరేజ్ ని ఉటంకించారు. 

అధికారంలోకి వచ్చాం కదా ఏదో కాస్త హడావిడి చేద్దామనుకుంటే తప్పులేదు. కానీ ఇల్లు పీకి పందిరేద్దామనే ఆలోచన చేయకూడదు కదా. మనకు తెలీనప్పుడు ఎవరైనా చెబితే వినాలి. కానీ వినరుగా! చివరికి ఈరోజు పోలవరం అథారిటీ కూడా చెప్పింది. ఇప్పటికైనా తలకెక్కుతుందో లేదో ఈ మేథావులకి.. అంటూ చురకలంటించారు. 

అంతేకాదు.. జగన్ వైఖరిని తూర్పారబట్టారు. జగమొండి అనే పదంలో సగం ఆయన పేరులో ఉంటే, మిగతా సగం ఆయన చేసే పనుల్లో ఉంది. రాష్ట్రం దాటి, దేశం దాటి, జగమంతా వారికి హితవాక్యాలు చెబుతుంటే... బహుశా ఇలా చెప్పించుకోవడం కూడా వాళ్ళకు గర్వకారణంగా ఉందో ఏమో! పిచ్చికి అనేక రూపాలు మరి అంటూ వ్యంగ్యాస్త్రాలు సంధించారు. 

మరోవైపు లోకేష్ కూడా దూకుడు కొనసాగించారు. ఏపీలో ఆరోగ్య వ్యవస్థ పట్టాలు తప్పిందని, గాడిన పెట్టడానికి నేను దేవుడిలా దిగొచ్చానన్నట్టుగా @ysjagan  గారు ట్వీట్ చేస్తారు. "ఆరోగ్య సంరక్షణలో ఏపీ దేశంలోనే రెండో స్థానంలో ఉంద"ని నీతి ఆయోగ్ నివేదికను బయట పెట్టింది అన్నారు. 

No photo description available.

అలాగే.. జగన్ గారు గత ఐదేళ్ల పాలనలో రాష్ట్రం అభివృద్ధి సాధించలేదు అని ప్రజల్ని నమ్మించడానికి అనేక గాలి మాటలు మాట్లాడుతున్నారు. గత ఐదేళ్ళలో అన్ని వ్యవస్థలూ పట్టాలమీదనే పరుగులు పెట్టాయి జగన్ గారూ! మీరొచ్చాక ఏకంగా పట్టాలనే పీకేస్తున్నారు. మరి మీకు కావాల్సింది ఏంటో!?

Image

ఈట్విట్టర్ వార్ ఇలా సాగుతుంటే.. చంద్రబాబు విజయవాడలో నివాసం ఉండే ప్రాంతంలో కృష్ణానది కరకట్ట దగ్గర వరద ఉధృతి పెరుగుతున్న వార్త కొసమెరుపు. చంద్రబాబు నివాసానికి వరద ముప్పు పొంచి ఉంది. కరకట్టపైకి చేరిన కృష్ణా వరదనీరు వచ్చి చేరుతోంది. చంద్రబాబు నివాసం మెట్ల వరకు చేరింది వరద. నిన్న సాయంత్రమే హైదరాబాద్‌ వెళ్ళారు చంద్రబాబునాయుడు. కృష్ణా నదికి పెరుగుతున్న వరద ఉధృతితో  కరకట్ట వాసులు ఆందోళనకు గురవుతున్నారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle