newssting
BITING NEWS :
*దిశ చట్టం తెచ్చినందుకు ఏపీ సీఎం జగన్‌కు అభినందనలు తెలిపిన ప్రత్యుష తల్లి సరోజినిదేవి *ఏపీ సచివాలయ ఉద్యోగుల సంఘం అధ్యక్షుడిగా వెంకట్రామిరెడ్డి ఏకగ్రీవ ఎన్నిక *ఎన్‌కౌంటర్‌లో మరణించిన నలుగురు దిశ నిందితుల మృతదేహాల్ని భద్ర పర్చాలని రాష్ట్ర ప్రభుత్వానికి హైకోర్టు ఆదేశం * కాంగ్రెస్‌ ‘భారత్‌ బచావో’ ర్యాలీ* ప్రపంచంలోనే అత్యంత శక్తివంతమైన మహిళల జాబితా విడుదల....ఫోర్బ్స్‌ జాబితాలో నిర్మలాసీతారామన్‌*బ్రిటన్‌ ఎన్నికల్లో కన్జర్వేటివ్‌ పార్టీ ఘన విజయం*భారత పేసర్‌ భువనేశ్వర్‌ కుమార్‌కు గాయం. వెస్టిండీస్‌తో జరిగే మూడు వన్డే సిరీస్‌లకు దూరం * టి20 క్రికెట్‌లోకి వెస్టిండీస్‌ ఆల్‌రౌండర్‌ డ్వేన్‌ బ్రేవో

జగన్‌కు సీబిఐ కోర్టు షాక్...ప్రతివారం వ్యక్తిగతంగా హాజరవ్వాల్సిందే!

01-11-201901-11-2019 15:25:27 IST
Updated On 01-11-2019 16:58:05 ISTUpdated On 01-11-20192019-11-01T09:55:27.226Z01-11-2019 2019-11-01T09:52:11.081Z - 2019-11-01T11:28:05.359Z - 01-11-2019

జగన్‌కు సీబిఐ కోర్టు షాక్...ప్రతివారం వ్యక్తిగతంగా హాజరవ్వాల్సిందే!
facebooktwitterGooglewhatsappwhatsappGoogle
ఏపీ ముఖ్యమంత్రి జగన్మోహన్ రెడ్డికి సీబీఐ కోర్టు షాకిచ్చింది. జగన్ వ్యక్తిగత హాజరు మినహాయింపు ఇవ్వాలని ఆయన పెట్టుకున్న పిటిషన్‌ను కోర్టు డిస్మిస్ చేసింది. జగన్ అక్రమాస్తుల కేసులో వ్యక్తిగతంగా తాను హాజరు కాకుండా మినహాయింపు ఇవ్వాలని జగన్ దాఖలు చేసిన పిటిషన్‌పై సీబీఐ ప్రత్యేక న్యాయస్థానం శుక్రవారం విచారణ జరిపింది. తాను ఏపీ ముఖ్యమంత్రిగా అధికారిక విధులు నిర్వహించాల్సి ఉందని, అందుకుగాను ప్రతి శుక్రవారం కోర్టుకు హాజరు కావడం ఇబ్బందని పిటిషన్లో పేర్కొన్న సంగతి తెలిసిందే. 

జగన్ కు ఈ మినహాయింపులు ఇవ్వడం వల్ల సాక్షులను ప్రభావితం చేస్తారని, జగన్ గతంలో ఎంపీగా ఉన్నప్పుడు సాక్షులను ప్రభావితం చేయడానికి ప్రయత్నించారని, అందుకే అప్పుడు ఆయనను అరెస్టు చేశామని సీబీఐ పేర్కొంది.

ఇవాళ ముఖ్యమంత్రి స్థానంలో ఉన్నారని, ఆయనేం చెబితే అధికారులు అదే వినాల్సి ఉంటుందని.. ఆయనకు వ్యక్తిగత హాజరు మినహాయింపు ఇవ్వడం ద్వారా తప్పుడు సంకేతాలు వెళతాయని సీబీఐ వాదించింది. ఈ వాదనలను న్యాయస్థానం అంగీకరించింది. 

అంతేకాదు, ఆయన గతంలో ఎంపీగా ఉన్నప్పుడు అక్రమాస్తుల కేసు దాఖలైందని, ఇప్పుడు సీఎంగా ఉండడం అనేది ఆయన హోదాలో మార్పు వచ్చింది కానీ నేరం మార్పు రాలేదని పేర్కొంది. తీవ్రమైన ఆర్థిక నేరాలకు పాల్పడినవారికి ఎలాంటి మినహాయింపులు ఇవ్వవద్దన్న సుప్రీం కోర్టు సూచనను సీబీఐ న్యాయస్థానానికి వివరించింది.

కానీ జగన్ ఏపీ సీఎంగా ఉన్నందువల్ల ఆయనకు వ్యక్తిగత హాజరు మినహాయింపు ఇవ్వాలని,వారం వారం ఆయన కోర్టుకు హాజరవడంవల్ల ప్రభుత్వంపై ఆర్థిక భారం పడే అవకాశం ఉందని జగన్ తరఫు న్యాయవాదులు వాదించారు. 

జగన్ వ్యక్తిగత మినహాయింపు వ్యవహారంపై పలు రకాల వాదనలు వినిపిస్తున్నాయి. జగన్ సీఎంగా ఉన్నప్పుడు కేసు దాఖలైతే.. అధికారిక హోదా దృష్ట్యా ఆయన కోర్టుకి హాజరయ్యేందుకు ఖర్చులు ప్రభుత్వం భరించాల్సి వుంటుంది.

ఆయన గతంలో ఎంపీగా ఉన్నప్పుడు కేసు కావడంతో ఆయన తన స్వంత ఖర్చులతోనే కోర్టుకి హాజరుకావడం సబబంటున్నారు రాజకీయ విశ్లేషకులు. వ్యక్తిగత కేసులకు లక్షలరూపాయల ప్రజాధనం దుర్వినియోగం చేయడంపై విమర్శలు వెల్లువెత్తుతున్నాయి. 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle