newssting
BITING NEWS :
*కర్ణాటక: ఉప ఎన్నికల ఫలితాల్లో దూసుకెళ్తున్న బీజేపీ.. 12 స్థానాల్లో బీజేపీ, కాంగ్రెస్ 2, ఇతరులు 1 స్థానంలో ఆధిక్యం*షాద్‌నగర్ ఎన్ కౌంటర్‌పై సిట్*పోలీసులకు సవాల్ గా మారిన తల్లికూతుళ్ళ హత్యకేసు... హత్య జరిగి ఐదురోజులైనా ఇంకా వీడని మిస్టరీ*దిశ కేసులో తల్లిదండ్రులను విచారించిన జాతీయ మానవహక్కుల సంఘం బృందం*ఇవాళ పార్లమెంటు ముందుకు జాతీయ పౌరసత్వ సవరణ బిల్లు *మహబూబ్ నగర్ మెడికల్ కాలేజీలో దిశ నిందితుల మృతదేహాలు... నిందితుల కుటుంబసభ్యుల స్టేట్మెంట్ ను రికార్ట్ చేసిన ఎన్.హెచ్.ఆర్. సి*తిరుపతిలో రికార్డు స్థాయిలో ఉల్లి అమ్మకాలు.. 4 గంటల్లో 5 టన్నుల ఉల్లి అమ్మకం*జనసేన కార్యకర్తలపై పవన్ అసహనం.. మీ క్రమశిక్షణా లోపం వల్లే పార్టీ ఓడిపోయిందన్న పవన్ *తిరుపతిలో రెచ్చిపోయిన కామాంధులు.. ముళ్ళపూడిలో బాలికపై ఇద్దరు యువకుల అత్యాచారం *తిరుమల: బూందిపోటులో అగ్నిప్రమాదం.. ఆవిరిగా మారిన నెయ్యి వల్లే ప్రమాదం జరిగిందంటున్న పోటు కార్మికులు *ఇవాళ్టి నుంచే ఏపీ అసెంబ్లీ సమావేశాలు *తూ.గో: వెలగతోడులో వరి రైతులతో మాట్లాడిన జనసేన అధినేత పవన్ కల్యాణ్... వరి రైతుల సమస్యలు అడిగి తెలుసుకున్న పవన్*చటాన్‌పల్లి ఎన్‌కౌంటర్‌పై పోలీసుల విచారణ ప్రారంభం.. ఎన్‌కౌంటర్‌పై ఇప్పటికే కేసు నమోదు చేసిన పోలీసులు.. విచారణాధికారిగా రాచకొండ ఎస్వోటీ సురేందర్‌రెడ్డి నియామకం

చంద్ర‌బాబు, లోకేష్‌ల‌పై మంత్రి అనిల్ లేటెస్ట్ పంచ్..!

27-11-201927-11-2019 09:16:41 IST
Updated On 27-11-2019 12:57:05 ISTUpdated On 27-11-20192019-11-27T03:46:41.251Z27-11-2019 2019-11-27T03:46:38.940Z - 2019-11-27T07:27:05.748Z - 27-11-2019

చంద్ర‌బాబు, లోకేష్‌ల‌పై మంత్రి అనిల్ లేటెస్ట్ పంచ్..!
facebooktwitterGooglewhatsappwhatsappGoogle
పోల‌వ‌రం ప్రాజెక్టుల‌పై వీలు చిక్కిన‌ప్పుడ‌ల్లా ప్ర‌తిప‌క్ష తెలుగుదేశం విమ‌ర్శ‌లు చేస్తూనే ఉంది. తాను మ‌ళ్లీ గెలిచి ఉంటే పోల‌వ‌రం నిర్మించేవాడిన‌ని, జ‌గ‌న్ మోహ‌న్‌రెడ్డి ప్ర‌భుత్వం పోల‌వ‌రం క‌ల‌ను చంపేస్తోంద‌ని చంద్ర‌బాబు నాయుడు ప‌దే ప‌దే ఆరోపిస్తున్నారు. తాము 75 శాతం ప్రాజెక్టును పూర్తి చేస్తే మిగిలిన 25 శాతం ప్రాజెక్టును పూర్తి చేయ‌డ‌మ‌న్న‌ది కూడా కొత్త ప్ర‌భుత్వానికి చేత కావ‌డం లేద‌న్న‌ది చంద్ర‌బాబు ప‌దే ప‌దే చేస్తున్న విమర్శ‌.

అయితే, చంద్ర‌బాబు ఇలా చేస్తున్న విమ‌ర్శ‌ల‌కు మంత్రి అనిల్ కుమార్ వివ‌రంగా స‌మాధానం చెప్పారు. పోల‌వ‌రం ప్రాజెక్టు 75 శాతం పూర్తైందంటూ చంద్ర‌బాబు ప్ర‌జ‌ల‌ను మోసం చేస్తున్నాడ‌ని అనీల్ వివ‌రించారు. ఇప్ప‌టి వ‌ర‌కు పోల‌వ‌రం ప్రాజెక్టు నిర్మాణం కేవ‌లం 30 శాతం లోపల మాత్ర‌మే జ‌రిగింద‌ని వెల్ల‌డించారు. ప‌నులు ఎంత మేర అయ్యాయో కూడా మంత్రి అనీల్ కుమార్ యాద‌వ్ వివ‌రించారు.

పోల‌వ‌రం ప్రాజెక్టు మొత్తం వ్య‌యం రూ.55 వేల కోట్లు అని. కానీ, వైఎస్ హ‌యాం నుంచి ఇప్ప‌టి వ‌ర‌కు ఖ‌ర్చు పెట్టింది కేవ‌లం రూ.16,700 కోట్లు మాత్ర‌మేన‌ని మంత్రి వెల్ల‌డించారు. చంద్ర‌బాబు కేవ‌లం కాంక్రీట్ డ్యామ్ నిర్మిస్తే పోల‌వ‌రం ప్రాజెక్టు పూర్తైన‌ట్టే అన్న‌ట్టుగా ప్ర‌జ‌ల‌ను త‌ప్పుదోవ పట్టిస్తున్నాడ‌ని మంత్రి అనీల్ విమ‌ర్శించారు. ప్రాజెక్టులో అత్యంత కీల‌క‌మైన‌ది, ఖ‌ర్చుతో కూడుకున్న‌ది ప‌రిహారం, పున‌రావాస‌మేన‌ని అనీల్ వివ‌రించారు.

ల‌క్షా 5 వేల కుటుంబాలకు పున‌రావాసం క‌ల్పించాల్సి ఉంద‌న్నారు. ముంపు భూముల‌కు కూడా న‌ష్ట ప‌రిహారం ఇవ్వాల్సి ఉంటుంద‌న్నారు. కేవలం డ్యామ్ ఒక్క‌టే క‌ట్టేస్తే ప్రాజెక్టు పూర్తైన‌ట్టు కానే కాద‌న్నారు. డ్యామ్ నిర్మాణంతోపాటు పున‌రావాసం క‌ల్పించి న‌ష్ట‌ప‌రిహారం చెల్లించిన త‌రువాతే ప్రాజెక్టు పూర్తవుతుంద‌న్నారు. ఈ లెక్క‌న ప్రాజెక్ట్ ఇప్ప‌టి వ‌ర‌కు కేవ‌లం 30 శాతానికి లోపు మాత్ర‌మే పూర్తైంద‌న్నారు.

ముంపు ప్ర‌జ‌ల గురించి ఏ మాత్రం ప‌ట్టించుకోని చంద్ర‌బాబు, వారికి పున‌రావాసం క‌ల్పించ‌కుండానే కాఫ‌ర్ డ్యామ్ ఏర్పాటు చేశార‌ని, దానివ‌ల్లే ఇటీవ‌ల వ‌రద‌ల‌కు చాలా గ్రామాలు నీట మునిగిపోయాయ‌ని మంత్రి వెల్ల‌డించారు. ఈ ప‌రిస్థితిని దృష్టిలో ఉంచుకుని వ‌చ్చే మే నాటికి తొలి ద‌శ‌లో భాగంగా 17వేల ఇళ్లులు నిర్మించి ఇవ్వాల‌ని జ‌గ‌న్ మోహ‌న్‌రెడ్డి ప్ర‌భుత్వం ల‌క్ష్యంగా పెట్టుకుంద‌ని చెప్పారు.

ల‌క్షా 5వేల కుటుంబాల‌ను త‌ర‌లించి వారికి పున‌రావాసం క‌ల్పించాల్సి ఉండ‌గా, చంద్ర‌బాబు హ‌యాంలో ఒక్క కుటుంబానికి కూడా పున‌రావాసం క‌ల్పించలేద‌న్నారు. పున‌రావాసం, న‌ష్ట‌ప‌రిహారం గురించి ప‌ట్టించుకోకుండా చంద్ర‌బాబు 75 శాతం ప్రాజెక్టు పూర్తైదంటూ చంద్ర‌బాబు పచ్చి అబ‌ద్దాల‌ను ప్ర‌చారం చేస్తున్నార‌ని మంత్రి అనీల్ కుమార్ యాద‌వ్ అభ్యంత‌రం వ్య‌క్తం చేశారు.

ప‌దిసార్లు అబ‌ద్దం చెప్పి దాన్నే నిజం చేయాల‌న్న నైజం చంద్ర‌బాబుద‌ని, తాజాగా ఆయ‌న వ్య‌వ‌హ‌రిస్తున్న తీరు మ‌తి స్థిమితం కోల్పోయిన వ్య‌క్తిని త‌ల‌పిస్తుంద‌ని మంత్రి అనీల్ ఎద్దేవ చేశారు. మ‌రోప‌క్క రామ్‌గోపాల్ వ‌ర్మ టీడీపీ అవినీతి చ‌రిత్ర‌ను బ‌య‌ట‌పెట్టే ప‌నిలో ఉన్నాడ‌ని, తాజాగా రామ్ గోపాల్ వ‌ర్మ విడుద‌ల చేసిన ట్రైల‌ర్ చాలా తియ్య‌గుందంటూ త‌న‌దైన శైలిలో పంచ్ వేశారు.

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle