newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

చంద్ర‌బాబు రాజీనామానే బెస్ట్‌.. ప‌త్తిపాటి పుల్లారావు

26-12-201926-12-2019 12:49:53 IST
2019-12-26T07:19:53.461Z26-12-2019 2019-12-26T07:19:50.121Z - - 05-08-2020

చంద్ర‌బాబు రాజీనామానే బెస్ట్‌.. ప‌త్తిపాటి పుల్లారావు
facebooktwitterGooglewhatsappwhatsappGoogle
విశాఖ‌లో ప‌రిపాల‌న రాజ‌ధాని, క‌ర్నూలులో హైకోర్టు ఏర్పాటుకు వ్య‌తిరేకంగా అమ‌రావ‌తి ప్రాంతానికి చెందిన కొంద‌రు రైతులు ఆందోళ‌న చేస్తున్న సంగ‌తి తెలిసిందే. రైతుల‌ ఆందోళ‌న‌కు ఏపీ ప్ర‌ధాన ప్ర‌తిప‌క్ష పార్టీ టీడీపీ బ‌హిరంగంగానే మ‌ద్ద‌తు ప్ర‌క‌టించింది. మూడు రాజ‌ధానుల ఆలోచ‌న‌ను తెలుగుదేశం పార్టీ కూడా వ్య‌తిరేకిక‌స్తూ వ‌స్తోంది.

ఇప్ప‌టికే రాజ‌ధాని రైతుల కోసం ఆమ‌ర‌ణ నిరాహార‌దీక్ష‌కు కూడా సిద్ధ‌మ‌ని ప్ర‌క‌టించిన టీడీపీ నేత‌, మాజీ మంత్రి ప‌త్తిపాటి పుల్లారావు తాజాగా, ఒక కొత్త ప్ర‌తిపాద‌న‌ను తెర‌మీద‌కు తీసుకొచ్చారు. అమ‌రావ‌తి ప్రాంతంలోనే రాజ‌ధాని ఉండాలి అంటే కృష్ణా, గుంటూరు జిల్లాల‌కు చెందిన ఎమ్మెల్యేలంతా రాజీనామా చేసేందుకు ముందుకు రావాల‌ని కూడా ఆయ‌న పిలుపునిచ్చారు.

ఈ అంశంలో కృష్ణా, గుంటూరు జిల్లాకు చెందిన వైసీపీ ఎమ్మెల్యేలు కూడా రాజీనామాలు చేసి రాజ‌ధాని రైతుల‌కు మ‌ద్ద‌తుగా నిల‌వాల‌ని ప‌త్తిపాటి పుల్లారావు విజ్ఞ‌ప్తి చేశారు. అయితే, ప‌త్తిపాటి పుల్లారావు ప్ర‌తిపాద‌న‌లో ఒక విష‌యాన్ని గ‌మ‌నించాల్సి ఉంటుంది.

నిజంగానే అమ‌రావ‌తి ప్రాంతంలోనే అన్నీ ఉండాల‌న్న తెలుగుదేశం వాద‌న‌కు రాష్ట్రంలోని అన్ని ప్రాంతాల ప్ర‌జ‌ల ఆమోదం ఉందా..?  లేదా..? అన్న‌ది కూడా తెలియాలంటే ప్ర‌త్తిపాటి పుల్లారావు చెప్పిన‌ట్టు ఉప ఎన్నిక‌ల‌కు వెళ్ల‌డం కూడా ఒక మార్గ‌మే. కాక‌పోతే మూడు రాజ‌ధానుల ప్ర‌తిపాద‌న స‌రైన‌ది అన్ని ప్రాంతాల‌కు న్యాయం చేసే ఉద్దేశంతోనే ఈ ఆలోచ‌న‌తో సీఎం జ‌గ‌న్ ముందుకు వెళుతున్నార‌ని అధికార పార్టీ వారు గ‌ట్టిగానే వాదిస్తున్నారు.

క‌నుక కృష్ణా, గుంటూరు జిల్లాల‌కు చెందిన వైసీపీ ఎమ్మెల్యేలు కూడా ఈ విష‌యంలో రాజీనామా చేసేందుకు సిద్ధ‌ప‌డ‌క‌పోవ‌చ్చు. కాబ‌ట్టి రాజ‌ధాని ప్రాంతానికి, అన్ని ప్రాంతాల మ‌ద్ద‌తు అని నిరూపించాల్సిన బాధ్య‌త తెలుగుదేశం పార్టీపైనే ఉంటుంది.

పైగా ఎప్పుడైనా కానీ, ఒక ప్ర‌భుత్వం తీసుకున్న నిర్ణ‌యం స‌రైన‌ది కాదు అని భావించిన‌ప్పుడు ఉద్య‌మం న‌డుపుతున్న పార్టీనే త‌మ పార్టీ ఎమ్మెల్యేల చేత రాజీనామాలు చేయించి ఉప ఎన్నిక‌లు తెప్పిస్తుంటాయి. కాబ‌ట్టి ఇప్పుడు అమ‌రావ‌తిపైన అన్ని ప్రాంతాల ప్ర‌జ‌ల‌కు ఆమోదం ఉంది అని నిరూపించాలంటే టీడీపీనే ఒక అడుగు ముందుకేసి మొన్న‌టి ఎన్నిక‌ల్లో గెలిచిన టీడీపీ ఎమ్మెల్యేలంద‌రి చేత రాజీనామా చేయించి ఉప ఎన్నిక‌ల‌కు వెళితే ఈ అంశంపై స్ప‌ష్ట‌త వ‌చ్చే అవ‌కాశం ఉంటుంది.

అమ‌రావ‌తిలోనే అన్నీ ఉండాల‌ని అటు ఉత్త‌రాంధ్ర‌, ఇటు రాయ‌ల‌సీమ ప్ర‌జ‌లు కూడా భావిస్తున్నారు అంటూ రోజూ మీడియాలో రాయించ‌డం కొంద‌రు నేత‌ల చేత చెప్పించ‌డం కంటే ఇలా టీడీపీకి చెందిన ఎమ్మెల్యేలంతా రాజీనామా చేసి ఉప ఎన్నిక‌ల‌కు వెళితే ఆయా ప్రాంతాల ప్ర‌జ‌లు ఈ అంశంపైన ఎలా స్పందిస్తార‌న్న‌ది కూడా ఒక స్ప‌ష్ట‌త వ‌చ్చే అవ‌కాశం ఉంటుంది.

రాయ‌ల‌సీమ నుంచి మొన్న‌టి ఎన్నిక‌ల్లో గెలిచిన చంద్ర‌బాబు నాయుడు, బాల‌కృష్ణ‌, ప‌య్యావుల కేశవ్, తిరిగి ఇదే అంశం ఆధారంగా ఉప ఎన్నిక‌ల‌కు వెళ్లి రాయ‌ల‌సీమ‌లో వారు ముగ్గురూ తిరిగి ఎమ్మెల్యేలుగా తిరిగి వ‌స్తే అప్పుడు అమ‌రావ‌తి ప్రాంతం వైపే రాయ‌ల‌సీమ ప్రాంత ప్ర‌జ‌లు కూడా ఉన్నారు. క‌ర్నూలులో హైకోర్టు అవ‌స‌రం లేదు అన్న అభిప్రాయంతో రాయ‌ల‌సీమ ప్రాంత ప్ర‌జ‌లు ఉన్నారు. అన్న‌ది ఒక ఆలోచ‌న వ‌స్తుంది.

రాయ‌ల‌సీమ‌కు ద‌క్కాల్సిన‌, అనంత‌పురంలో ఏర్పాటు చేయాల్సిన  ఎయిమ్స్‌ను అమ‌రావ‌తికి త‌ర‌లించిన చంద్ర‌బాబుపైనే ఇప్ప‌టికే రాయ‌ల‌సీమ ప్ర‌జ‌లు విశ్వాసంతో ఉన్నార‌ని వాదించ‌డానికి కూడా టీడీపీకి ఒక అవ‌కాశం దొరుకుతుంది.

కాక‌పోతే ఉప ఎన్నిక‌ల‌కు వెళ్లిన‌ప్పుడు ఇత‌ర అంశాల ఆధారంగా కాకుండా కేవ‌లం రాజ‌ధాని అంశం ఆధారంగానే తీర్పు ఇవ్వండి అని ప్ర‌జ‌ల‌ను స్ప‌ష్టంగా విజ్ఞ‌ప్తి చేస్తే ఎవ‌రిది న్యాయము..?  ఎవ‌రిది అన్యాయ‌ము..?  ప్ర‌జ‌లు ఏమ‌నుకుంటున్నారు.? అన్న‌ది వారే స్ప‌ష్టంగా తీర్పు రూపంలో ఇస్తారు.

అదే స‌మ‌యంలో విశాఖ‌ప‌ట్నంలో ప‌రిపాల‌న రాజ‌ధాని ఏర్పాటు స‌రైన‌ది కాదు అన్న నినాదంతోనే తెలుగుదేశం పార్టీ ఉప ఎన్నిక‌ల‌కు వెళ్లి ఉత్త‌రాంధ్ర‌లో విశాఖ‌లో మొన్న గెలిచిన ఎమ్మెల్యేల‌ను తిరిగి గెలిపించుకోగ‌లిగితే చంద్ర‌బాబు నాయుడు చెబుతున్న‌ట్టు అమ‌రావ‌తి ప్రాంతంపైనే అటు ఉత్త‌రాంధ్ర ప్ర‌జ‌లు కూడా ప్రేమతో ఉన్నారు.. విశాఖ‌ప‌ట్నంకు ప‌రిపాల‌న రాజ‌ధాని అవ‌స‌రం లేదు అని కూడా ఆ ప్రాంత ప్ర‌జ‌లు భావిస్తున్నారు అని వాదించ‌డానికి టీడీపీకి కూడా ఒక స్కోప్ ఉంటుంది.

అలా కాకుండా కేవ‌లం ప‌త్రిక‌ల్లో, మీడియాల్లో ప్ర‌చారం చేసుకుంటూ కొంద‌రు, కొంద‌రు నేత‌ల చేత బైట్‌లు ఇప్పిస్తూ మొత్తం ప్ర‌జ‌ల ఆమోదం ఉంది. అంటూ ప్ర‌చారం చేయ‌డం కంటే ప్ర‌త్తిపాటి పుల్లారావు చెప్పిన‌ట్టుగా ఉప ఎన్నిక‌ల‌కు వెళ్ల‌డ‌మే బెస్ట్‌. 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle