newssting
BITING NEWS :
*కరోనా కట్టడిలో అన్ని వర్గాల కృషిని ప్రశంసించిన ప్రధాని మోడీ. మన్ కీ బాత్ లో పలు అంశాలను ప్రస్తావించిన మోడీ ఆత్మనిర్భర భారత్ ద్వారా ఆర్థికవ్యవస్థకు ఊతం *తెలంగాణలో పెరుగుతున్న కేసులు.. కొత్తగా 74, మరణాలు 77, మొత్తం కేసులు 2499 * జూన్ 30 వరకూ ఐదవ విడత లాక్ డౌన్.. పలు సడలింపులు *దేశ వ్యాప్తంగా జూన్ 30 వరకు లాక్ డౌన్ పొడిగింపు..కొత్త మార్గదర్శకాలు రిలీజ్ చేసిన కేంద్రం..ఈ సారి లాక్ డౌన్ లో మరిన్ని సడలింపులు..కేవలం కంటైన్మెంట్ జోన్లకే లాక్ డౌన్ పరిమితం*మాల్స్, రెస్టారెంట్లు జూన్ 8 వ తేదీ నుంచి పునఃప్రారంభం..కర్ఫ్యూ సమయం కుదింపు..దేశ వ్యాప్తంగా రాత్రి 9 గంటల నుంచి ఉదయం 5 గంటల వరకు కర్ఫ్యూ*ఆదివారం మన్ కీ బాత్ లో పలు వివరాలు వెల్లడించనున్న ప్రధాని మోడీ * మాల్స్, రెస్టారెంట్ల, దేవాలయాలు, చర్చిలు జూన్ 8 నుంచి ప్రారంభం *పాఠశాలలు, కాలేజీలు, విద్యాసంస్థలు ప్రారంభంపై రాష్ట్రాలకు నిర్ణయాధికారం *విద్యాసంస్థల ప్రారంభంపై జూలైలో నిర్ణయం*నిమ్మగడ్డ రమేష్ కుమార్ నియామక ఉత్తర్వులు వెనక్కి *ఏపీలో మొత్తం కేసులు 3461

చంద్ర‌బాబు పాతికేళ్ల క‌ల నెర‌వేరుతుందా..?

18-05-201918-05-2019 07:45:40 IST
Updated On 27-06-2019 16:26:03 ISTUpdated On 27-06-20192019-05-18T02:15:40.073Z18-05-2019 2019-05-18T02:15:32.881Z - 2019-06-27T10:56:03.757Z - 27-06-2019

చంద్ర‌బాబు పాతికేళ్ల క‌ల నెర‌వేరుతుందా..?
facebooktwitterGooglewhatsappwhatsappGoogle
రాజ‌కీయాల్లోకి వ‌చ్చి అనేక ల‌క్ష్యాల‌ను అందుకున్న చంద్ర‌బాబు నాయుడుకు ఒక టార్గెట్ మాత్రం అలానే మిగిలిపోయింది. పార్టీ అధ్య‌క్షుడిగా బాధ్య‌త‌లు తీసుకొని 25 ఏళ్లు అవుతున్నా స్వంత జిల్లాలోనే చంద్ర‌బాబును ఓ అంశం ఇబ్బంది పెడుతోంది. దీంతో ఈ సారైనా ఆ టార్గెట్ రీచ్ అవ్వాల‌ని చంద్ర‌బాబు కంక‌ణం క‌ట్టుకున్నారు.

ముఖ్య‌మంత్రి చంద్ర‌బాబు స్వంత జిల్లా చిత్తూరు రాజ‌కీయాలు ఆంధ్ర‌ప్ర‌దేశ్ లో ఎప్పుడూ స్పెష‌లే. అయితే, రాష్ట్ర‌వ్యాప్తంగా చంద్ర‌బాబు హ‌వా ఉన్న స‌మ‌యంలోనూ స్వంత జిల్లాలో మాత్రం ఆయ‌న‌కు ఎదురుగాలే వీస్తోంది. ఆయ‌న పార్టీ అధ్య‌క్షుడిగా బాధ్య‌త‌లు చేప‌ట్టాక జ‌రిగిన అన్ని ఎన్నిక‌ల్లోనూ చిత్తూరు జిల్లాలో తెలుగుదేశం పార్టీ కంటే ప్ర‌త్య‌ర్థి పార్టీనే ఎక్కువ సీట్లు గెలుస్తూ వ‌స్తోంది.

2014కు ముందు ఎన్నిక‌ల్లో చిత్తూరు జిల్లాలో చంద్ర‌బాబు నాయ‌క‌త్వంలోని తెలుగుదేశం పార్టీ కంటే కాంగ్రెస్ పార్టీనే ఎక్కువ స్థానాల‌ను గెలుస్తూ వ‌చ్చింది. 1999లో జిల్లాలో కాంగ్రెస్ 9 స్థానాల్లో గెల‌వ‌గా టీడీపీ 6 సీట్లు మాత్ర‌మే గెలిచింది. 2004లో వైఎస్ఆర్ హ‌వాలో కాంగ్రెస్ 10 సీట్లు గెల‌వ‌గా తెలుగుదేశం పార్టీ 5 సీట్ల‌తో స‌రిపెట్టుకుంది. 2009లో కాంగ్రెస్ ఏడు సీట్లు గెల‌వ‌గా టీడీపీ 6 మాత్ర‌మే గెలిచింది. మ‌రో స్థానంలో ప్ర‌జారాజ్యం పార్టీ నుంచి చిరంజీవి గెలిచారు.

గ‌త ఎన్నిక‌ల్లో రాష్ట్ర‌వ్యాప్తంగా తెలుగుదేశం పార్టీ హ‌వా వీచి చంద్ర‌బాబు ముఖ్య‌మంత్రి అయినా ఆయ‌న స్వంత జిల్లాలో మాత్రం వైసీపీ ఆధిప‌త్యం ప్ర‌ద‌ర్శించింది. జిల్లాలోని 14 సీట్ల‌లో 8 స్థానాల్లో వైసీపీ గెల‌వ‌గా 6 స్థానాల్లో మాత్ర‌మే తెలుగుదేశం పార్టీ విజ‌యం సాధించింది. చంద్రబాబును ఈ అంశమే ఇబ్బంది పెడుతోంది. 

దీంతో ఈసారైనా త‌న స్వంత జిల్లాలో వైసీపీ కంటే ఎక్కువ సీట్లు గెల‌వాల‌ని చంద్రబాబు నాయుడు ప‌ట్టుద‌ల‌గా ఉన్నారు. ఈసారి జిల్లా అభివృద్ధికి మ‌రింత ప్రాధాన్య‌త ఇవ్వ‌డంతో పార్టీ బ‌లోపేతం అయినందున మెజారిటీ స్థానాలు గెలుస్తామ‌ని టీడీపీ భావిస్తోంది. అయితే, సీనియ‌ర్ నేత గాలి ముద్దుకృష్ణ‌మ‌నాయుడు లేక‌పోవ‌డం, బొజ్జ‌ల గోపాల‌కృష్ణారెడ్డి ప్ర‌త్య‌క్ష రాజ‌కీయాల‌కు దూరంగా కావ‌డంతో టీడీపీకి మైన‌స్ గా మారింది.

కానీ, అమ‌ర్ నాథ్ రెడ్డి టీడీపీలో చేర‌డం, న‌ల్లారి కిషోర్ రాక‌తో పీలేరుపై ఆశ‌లు పెర‌గ‌డం, సీకే బాబు చేరిక ద్వారా మూడు నియోజ‌క‌వ‌ర్గాల్లో బ‌లం పుంజుకుంటామ‌నే అంచ‌నాల‌తో ఈసారి జిల్లాలో మెజారిటీ సీట్లు గెలుచుకుంటామ‌ని తెలుగుదేశం లెక్క‌లు వేసుకుంటోంది.

ఇక‌, వైఎస్సార్ కాంగ్రెస్ పార్టీ సైతం మ‌రోసారి జిల్లాలో త‌మ ఆధిప‌త్యం ఉంటుంద‌ని ధీమాగా ఉంది. గ‌త ఎన్నిక‌ల్లో గెలిచిన స్థానాల‌ను తిరిగి గెల‌వ‌డంతో పాటు శ్రీకాళ‌హ‌స్తి, చిత్తూరు, తిరుప‌తి స్థానాల‌ను సైతం ఈసారి త‌మ ఖాతాలో వేసుకుంటామ‌ని న‌మ్మ‌కంగా ఉన్నారు.

వైసీపీకి ఇక్క‌డ పెద్దిరెడ్డి కుటుంబం, భూమ‌న క‌రుణాక‌ర్ రెడ్డి, చెవిరెడ్డి భాస్క‌ర్ రెడ్డి, రోజా వంటి కీల‌క నేత‌లు ఉండ‌టంతో టీడీపీకి స‌మానంగా బ‌లంగా వైసీపీ ఉంది. మొత్తంగా టీడీపీకి అనుకూలంగా వేవ్ ఉంటే త‌ప్ప చంద్ర‌బాబు ల‌క్ష్యం అంత సులువుగా నెర‌వేరే అవ‌కాశం లేదు.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle