newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

చంద్రబాబు, లోకేష్‌పై విసిరిన బాణం !

03-04-201903-04-2019 08:04:16 IST
2019-04-03T02:34:16.964Z03-04-2019 2019-04-03T02:33:32.660Z - - 17-07-2019

చంద్రబాబు, లోకేష్‌పై విసిరిన బాణం !
facebooktwitterGooglewhatsappwhatsappGoogle
షర్మిల పేరు చెప్పగానే.. 'జగనన్న వదిలిన బాణాన్ని నేను'అన్న మాట గుర్తొస్తుంది. నిజంగా కూడా ఈ ఎన్నికల ప్రచారంలో తానో బాణంలా దూసుకుపోతున్నారు షర్మిల. ముఖ్యంగా టీడీపీకి గట్టి పట్టుందని భావిస్తున్న కృష్ణా, గుంటూరు జిల్లాలపైకి తన దగ్గర ఉన్న తిరుగులేని బాణం షర్మిలను ప్రయోగించాడు జగన్.

అందుకు తగ్గట్లుగానే తన వాగ్భాణాలతో చంద్రబాబు శిబిరానికి తూట్లు పొడుస్తోంది షర్మిల. ముఖ్యంగా చినబాబు లోకేష్‌ను 'ఆ పప్పుగారు.. 'అంటూ షర్మిల అంటున్న మాటలకు విపరీతమైన స్పందన వస్తోంది. ఆ పప్పుగారికి ఏం తెలుసని చంద్రబాబు మూడు మంత్రిత్వ శాఖలు అప్పగించారని వేస్తున్న ప్రశ్నలను జనం ఎంజాయ్ చేస్తూ వింటున్నారు. లోకేష్ తడబడుతున్న మాటలను ఏకరువు పెడుతూ పరువు తీసేస్తున్నారు.

ముఖ్యంగా జగన్‌తో పోల్చితే ప్రసంగాల్లో షర్మిలకు ఒక స్టైల్ ఉంది. సాధారణ మాటలే ఆమె నోటివెంట వస్తే ఒక వెటకారం ధ్వనిస్తుంది. అందుకే.. జగన్ సభలకు ఏమాత్రం తీసిపోని స్థాయిలో షర్మిల ప్రసంగాలు చూసేందుకూ, వినేందుకు జనం భారీగా తరలివస్తున్నారు. 'సింహం సింగిల్‌గానే వస్తుంది... జగనన్న సింగ్‌గానే... వైసీపీ సింగిల్‌గానే.. నక్కలే గుంపులుగుంపులుగా వస్తాయ్' అంటూ చంద్రబాబుపై షర్మిల చేసే విమర్శలు జనాన్ని ఉర్రూతలూగిస్తున్నాయ్.

‘‘మా నాన్న ఎప్పుడూ ఓ మాట చెప్పేవారు.. చంద్రబాబు ఒక్క నిజం మాట్లాడితే చంద్రబాబు తల వేయి ముక్కలౌతుందట.. అందుకే ఆయన ఒక్క నిజం కూడా చెప్పరంటూ’’ షర్మిల చెప్పే డైలాగులకూ అంతే స్పందన కనిపిస్తోంది. ఇక గుడివాడ సభలో అయితే లోకేష్‌ను ఓ ఆట ఆడుకున్నారు.. 'నేను ఓ వీడియో చూశాను.

ఆ వీడియోలో తెలుగుదేశం పార్టీ అంత కులపిచ్చి, మతపిచ్చి ఉన్న పార్టీ దేశంలో మరొకటి లేదని ఈ పప్పుగారే చెప్పుకుంటున్నారు' అని ఓ వైరల్ వీడియో గురించి షర్మిల చెప్పగానే జనం ఊగిపోయారు. ఇక బైబై బాబు అని తన స్టైల్లో షర్మిల చెప్తోంటే.. జనం హోరెత్తిపోతున్నారు. మొత్తానికి ఈ ఎన్నికల ప్రచారంలో మాత్రం మామూలు బాణంలా కాదు బాహుబలిలో ప్రభాస్ వదిలే మూడు బాణాల్లా దూసుకుపోతున్నారు షర్మిల.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle