newssting
BITING NEWS :
*దర్శకుడు రాంగోపాల్ వర్మపై కేసు.. సోమవారం విచారణకు హాజరుకావాలని ఆదేశం * యూపీలో ఉన్నావ్ తరహా ఘటన .. మహిళపై అత్యాచారం.. సజీవ దహనానికి యత్నం *రణరంగంగా మారిన ఢిల్లీ..దక్షిణ ఢిల్లీలోని జామియా మిలియా యూనివర్శిటీ వద్ద తీవ్ర ఉద్రిక్తత...క్యాబ్ కు వ్యతిరేకంగా ఆందోళన *హీరో బషీద్ అరెస్ట్...ఎవడ్రా హీరో అనే చిత్రంలో హీరోగా నటించిన బషీద్..రుణాలు ఇప్పిస్తానంటూ మోసానికి పాల్పడినట్టు ఆరోపణ *తూర్పు గోదావరి జిల్లా హసన్ బాద్ లో ప్రమాదం..బైక్ ను ఢీ కొన్న ఐషర్ వ్యాన్..ముగ్గురి మృతి..మరొకరికి తీవ్ర గాయాలు *ముగిసిన నటుడు, రచయత గొల్లపూడి అంత్యక్రియలు..చెన్నైలోని కన్నమ్మపేట దహనవాటికలో తుది వీడ్కోలు *కాల్పులకు దారితీసిన రైతు భరోసా డబ్బుల పంపకం..విశాఖ ఏజెన్సీలోని హుకుంపేట మండలం రంగశీలలో ఘటన*ఏపీ రాజధాని ప్రాంతంలో మళ్లీ కాల్‌మనీ రగడ..తాడేపల్లి పోలీస్‌ స్టేషన్‌ ఎదుట యువకుడి ఆత్మహత్యాయత్నం

చంద్రబాబు జోరు.. టీడీపీ శ్రేణుల బేజారు..!

12-11-201912-11-2019 08:23:13 IST
2019-11-12T02:53:13.125Z12-11-2019 2019-11-12T02:46:41.896Z - - 15-12-2019

చంద్రబాబు జోరు.. టీడీపీ శ్రేణుల బేజారు..!
facebooktwitterGooglewhatsappwhatsappGoogle
ఎన్నిక‌ల్లో ఘోర ప‌రాజ‌యం త‌రువాత కొంత‌కాలంపాటు సైలెంట్‌గా ఉండాల‌ని, కొత్త ప్ర‌భుత్వానికి స‌మ‌యం ఇద్దామ‌ని టీడీపీ అధినేత చంద్ర‌బాబు పార్టీ వ‌ర్గాల‌కు సూచించినా కొత్త ప్ర‌భుత్వం వ‌చ్చిన కొన్ని రోజుల‌కే ఆ పార్టీ శ్రేణులు విమ‌ర్శ‌లు చేయ‌డం ప్రారంభించిన సంగ‌తి తెలిసిందే.

ప్ర‌జ‌లు ప్ర‌తిప‌క్షం ఎక్క‌డ ఉందా..? అని ఎదురుచూసే వ‌ర‌కు ప్ర‌భుత్వాన్ని విమర్శించ‌కూడ‌దు. కార్య‌క్ర‌మాలు చేయ‌కూడ‌ద‌ని కూడా చంద్ర‌బాబు అనుకున్నా.. మొద‌ట‌గా ప్ర‌జావేదిక కూల‌గొట్ట‌డం ద‌గ్గ‌ర్నుంచి టీడీపీ నాయ‌కుల‌పై దాడులు, ఛ‌లో ఆత్మ‌కూరు ఘ‌ట‌న‌, కోడెల శివ‌ప్ర‌సాద్‌రావు ఆత్మహ‌త్య‌, ఇసుక ఉద్య‌మాలు త‌దిత‌ర అంశాల‌పై ఈ ఆరునెల‌ల్లోనే ఐదు సంవ‌త్స‌రాలు చేయాల్సిన పోరాటాలు చేసేసింది.

అంతేగాక ఈ నెల 14న చంద్ర‌బాబు ఇసుక దీక్ష కూడా చేయ‌బోతున్నారు. ఇవేకాకుండా జిల్లాల పర్య‌ట‌నలు కూడా చంద్ర‌బాబు చేస్తున్న విష‌యం విధిత‌మే. ఇదే విష‌య‌మై త‌మ అధినేత స్పీడుకు త‌ట్టుకోలేక టీడీపీ నాయ‌కుల నుంచి కార్య‌క‌ర్త‌ల వ‌ర‌కు బెంబేలెత్తిపోతున్నార‌ని రాజ‌కీయ విశ్లేష‌కుల్లో చ‌ర్చ జోరుగా సాగుతోంది.

ఎన్నిక‌లైన కొత్త‌లో రాజ‌కీయాలు చాలా వేడిగా ఉంటాయ‌ని, అధికార పార్టీ కొంత స్పీడ్‌గా వ్య‌వ‌హారాలు చేస్తుంద‌ని, ప్ర‌తిప‌క్షంగా మ‌నం కొంత త‌గ్గి ఉండాల‌న్నది టీడీపీ సీనియ‌ర్ నేత‌ల వాద‌న‌.

అందుకు విరుద్దంగా పార్టీ అధినేత చంద్ర‌బాబు చేస్తున్న కార్య‌క్ర‌మాల వ‌ల్ల గ్రామ స్థాయిలో పార్టీ శ్రేణులు కాస్తా అధికార పార్టీకి టార్గెట్‌గా మారుతున్నట్టు స‌మాచారం.

ముఖ్యంగా టీడీపీ చేసిన ఇసుక పోరాటాల‌వ‌ల్ల గ్రామ స్థాయిలోని కార్య‌క‌ర్త‌లు ఇప్పుడు అధికార పార్టీకి ల‌క్ష్యంగా టార్గెట్ అయ్యార‌ని తెలుగు త‌మ్ముళ్లు చెబుతున్నారు. ఈ విష‌యాన్ని అధినేత ద‌గ్గ‌ర‌కు తీసుకెళ్లినా త‌ప్పించుకునేందుకే సాకులు చెబుతున్నారంటూ త‌మ‌నే త‌ప్పుబ‌ట్టే ప‌రిస్థితుల్లో ఉంద‌ని ఫీల‌వుతున్నార‌ట‌.

ఇప్ప‌టికే ఎన్నిక‌ల్లో ఓడిపోయి అనేక ఇబ్బందులు ప‌డుతున్నామని, ఆర్థికంగా చితికిపోయామ‌ని, అధినేత స్పీడువ‌ల్ల మ‌రిన్ని ఇబ్బందులుప‌డిపోయే ప్ర‌మాదం ఉంద‌ని వారు అంటున్నారు.

ఈ మ‌ధ్య జ‌రిగిన రాష్ట్ర కార్య‌వ‌ర్గ స‌మావేశంలో నేత‌లు ఒక‌రికొక‌రు చెప్పుకుని బోరుమ‌న్న‌ట్టు ఆ పార్టీ శ్రేణులే చెబుతున్నారు. ఇప్పుడ‌ప్పుడే ఏమైనా ఎన్నిక‌లు ఉన్నాయా..? అధినేత ఎందుకు మమ్మ‌ల‌ని ఊపిరాడ‌నివ్వ‌కుండా ప‌రుగులుపెట్టిస్తున్నారో అర్ధం కావ‌డం లేదంటూ పార్టీ త‌మ్ముళ్లంతా డిస్క‌ర్ష‌న్‌ చేసుకుంటున్నారు.

ఇప్ప‌టికే ఉపాధిహామీ ప‌నుల ద్వారా రావాల్సిన బిల్లుల‌ను ప్ర‌భుత్వం తొక్కిపెట్టింద‌ని, పార్టీ ఇచ్చే కార్య‌క్ర‌మాలు చేయ‌డానికి కూడా ఆర్థికంగా ఇబ్బందిప‌డిపోతున్నామ‌ని టీడీపీ శ్రేణులు తెగ బాధ‌ప‌డిపోతున్నారని, అందుకే చాలా మంది పార్టీ కార్య‌క్ర‌మాల‌కు కూడా దూరంగా ఉంటున్నార‌ని చెవులు కొరుక్కుంటున్నారు. ఇలా పార్టీ శ్రేణుల ఇబ్బందుల‌ను దృష్టిలో ఉంచుకునైనా అధినేత చంద్ర‌బాబు కొద్దిగా గ్యాప్ ఇస్తారేమో చూడాలి మరీ..!


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle